Muuduko 27:27 - Gooti Toolluro Yogalokwono

²⁷ Toro kuudoka tovi Jekoopol bino sumaiyokwe gami ganumiyago toolluro suwado tovi molluduuduulo amollokaikono. Toro molloduke toga Aisakol Jekoopolluro youro tovi sudo uumuuro'gwonyuno sumaiyokwe sugudo tov uubweyo'mo tool aro adubweyokaikono. “Moro muugunyo tookujuro sudo anuunmoka akav Gooti Yawelluro sugudo kwosungiko i'womdo tomuuda'ai sudo nuunodowodo to'busukokwono.”

Muuduko 27:27 ပူးပေါင်းရင်းမြစ်များ

Muuduko 26:12

Toruda'ai Aisakol kwako su toru mwalodowo ikulwiyo bwotonyago ton avlollosajukekono. Toro pulollosoduke kworomo su tollugwoji sulo pullunodo tollugwo no tov 100 tomgu'aro ai'nyajukollugwogano. Aki yiuwi'nokai sulo pulluno pulluno avlollosajuko ton su toro tomgu'aro bwotonyago ki'nodopure tonyu amallajukekono. Gooti Yawel gamoro sugudo tov Aisakollu su toro tomgu'aro kuubweyajukekono.

Muuduko 27:15

Toro ino sumaiyokwe Rebekavuro muugunyo muudu'nodo Isoo'wolluro youro pun gami ganeyago Rebekavuro ago tovi wo'dupudogano. Toro te Rebekav Isoo'wolluro youro sugumaluko kuunodo puul malluno sumaiyokwe gami kwolaiyo wuullako Jekoopollu amollubweyokakwono.

Muuduko 27:26

Aisakol me'no nopino sumaiyokwe toga kuudokaikono. “Mi muugunyoloo, guu akaru bo'bi mi suwado tovi molluduuduulo bomanyono.” Kuudokaikono.

Muuduko 27:39

Toro doduke toollu gami ganumiyago Aisakol aro adubweyokaikono. “Neya duu'nono. Guu woguulkwako wo'dowo'jure wobo toru mamwalbinekugono. Aki muunyu kai'muuda'ai sulluluko tov gumoro womdo tonyu iminyo mabwolbwemwalonokwono.

Hibruu 11:20

Aki Aisakol Gooti toollu kuudo kuubweyajukekono. Toro kuubweyajuko tovi'aro gamoro kwolaiyo Jekoopeke'aro Isoo'weke'aro todorallu lukomgu ilaiyo wimo'nyo'mo tovino Gooti tool subuu'yamju aduubweyokaikono.

Hibruu 6:7

A'mwo abolo punyuno yovekurajo akavi duu'nyulo. Gooti toolluro yogalo sugudo duubweyodowodo to'busuko kubalno buuruko tov kwako tovi bwola'dowodokwono. Buuruko su tov pino pino yodowo'jure tovida'ai kwako su tovi iminyo wosodowodokwono. Kwako su tovi a'mwo pwol wosamuju'womdo ton aburoudoso'ji tov wosamujuko su ton ilaiyo to'no bilapinogano. Toro te wosamujuko ton Gooti toolluro yogullumwojapiyodowo'jure su tonyu a'mwo tool ilaiyo to'no mulomaronekono.