Muuduko 26:27 - Gooti Toolluro Yogalokwono

²⁷ Toro tooro plaino sumaveyokwe wuuru'maro'mno Aisakol a'mwo su toorai aro kuudokaikono. “Kevu mino surodo ikuunodowodo toorekul me'no amonuwopiyaboporekikono. Toro toorekul aga buro'nyo'mo miyomno abadokwoporekuldeyo?”

Muuduko 26:27 ပူးပေါင်းရင်းမြစ်များ

Muuduko 26:14

Toro tool noonyumwonyu sipsip wuulo togai'aro buulmokau wuulo togai'aro a'mwo abolo ki'nato womdokwe togai'aro bwotonyago tonyu amallajukekono. Toro ma'duke toolluno tov a'mwo Filistiyada'ai tooro wono'mno kwekuullu kuudo sauroporogano.

Muuduko 26:16

Toro te Abimelekol Aisakollu aro abuudokaikono. “Guu jurogudo kuunodo sumo'nadokuudo tookujuno tov nemi nekugollu'movo'bi pumuuno dovlavono.”

Muuduko 26:28

Toro kuudoka tovi aro kuudoporogano. “Gooti Yawel guuge amwakulo tovino gwonodowadonogano. Toro te nevuge'aro guuge'aro yiuwi'nokai toonol subuu'yamju neya yajunano.

Kuurotokwe 7:14

Toruda'ai lukomgu Joosepol gami ganumiyago Jekoopeke'aro gamoro yiuwi'nokai avalo togai'aro ton gamiyomno wolabupureyokweyo'mo amodapiyokaikono. Toro modapino sumaiyokwe yiuwi'nokai Joosepolluro avalo kwolabopo su ton 75 a'mwo abolo ton kwolabopogano.

Kuurotokwe 7:27

Toro kuudoganoka kuvi kuruv a'mwo molo kuuno amolloluwosoka su tool Moosesollu yetowapino sumaiyokwe aro kuudokaikono. “Tarevono, guu tooku nemi mido mollonekumwalo'bi kooti yogalo danekullo'moneyokwe ala'mwol ajagubwemokaikudeyo?

Kuurotokwe 7:35

Mooses su tool aiyoga Isuraiyolda'ai a'mwo abolo tonyu wiyo'mwojo'mo yoduke kwollu kuruv kisuvolo kwiyopogano. Toro wino sumaveyokwe aro kuudopogano. “Guu tooku nemi mido mollonekumwalo'bi kooti yogalo danekullo'mo su tov ala'mwolluro ajagubweyoka tovida'ai nekullumo'nubino'mekudeyo?” Kuudopogano. Isuraiyolda'ai ton kisuvolo toro kwiyopo kuvi kuruv a'mwo abolo su tonyu mido mollomwalowo'ji aki Ijupda'ai bomollurolovomokalokwiyo'moneyokwe tov Moosesol kwekono. Su tool Gooti toolluro me'no ajesungikekono. Toro toollomno Gooti tool gamoro ensel pwollu amoruuwopiyabokaikono. Ensel su tool i'jurako widuko bomjonugeloduke tovi'aro kwiyalo'nokaikono.

Kuurotokwe 7:9

Nemi nellukweyago su tooro aiyoga Joosepolluno kwekuullu kuudo yau'no sumaveyokwe Ijup'no pla'mdopure a'mwo pworai morapiyo'mno Joosepollu nuugwiyo abiyomaropekono. Toro te Joosepollu ki'nato womdo imwalono'moneyokwe Ijup'no amokavlavopekono. Toro amokavlavopo kuvi kuruv Gooti tool amollomwallajukekono.

Adodolukuu'nosungiko 3:9

Toro te kevu neya duu'nyulo. Nuu Satanyolluro mollu'bwoto tonyu molleroudapiyodo'mure tovida'ai a'mwo abolo su ton kev togaikulluro suvlo dolago tomuu nobomuulo'napinogano. A'mwo abolo su ton kuunano aro dodupudogano. “Oo nevu Juu kuunodonogano.” Su toro dodupudo kuvi kuruv a'mwo abolo su ton Juu kuunodonmaiyo. Su toro ton kemoro suvlo dolago tomuu bomuulo'naropi aro tovi noonomapinogano. Nuu toonyu kevu togaikulluno'gwowi kalo buuropino nyunodowodonyugono. Su toro tovino noonomapinogano.