Muuduko 24:53 - Gooti Toolluro Yogalokwono

⁵³ Toro wolomuulo'na'no sumaiyokwe a'mwo womdokwe tool noonyumwonyu yovaisu'nyo'moneyokwe silvadeyo goolodeyo tovalluda'ai sakwollungiko togai'aro youro tousogai'aro ton maro'no Rebekavi kuumallokaikono. Aki gami jo'mwo Lebaneke'aro ganeyago tokwe'aro tonallu nuugwiyo bwotonyo tokwe biyodupudo kuto ivito pun maro'no kuumallokaikono.

Muuduko 24:53 ပူးပေါင်းရင်းမြစ်များ

Muuduko 24:10

Toro wino sumaiyokwe Eburaiyamolluro kuto ivito sugudo yasuwa'no wiyo'moneyokwe ton maro'no Eburaiyamolluro atousal sa'ai kemel toorai muunyu toru ilomoroso'no kuugollu'movokaikono. Toro tool plaino plaino sumaiyokwe kwako Mesoopootemiya tomuu wagwolago Nahoor toru ai'movokaikono.

Muuduko 24:22

Kemel tooro wonyo me'no nopino sumaveyokwe toga a'mwo womdokwe tool gool mabidoga aullungiko pullugwo Rebekavuro subuuto tovi ibweyo'no aki gool a'muunado sakwollungiko puruvake'aro subweyokaikono. Toro subweyoka su ton nuugwiyo bwotonyo biyodupudogano.

Mollurolovomato 11:2

Toro te aga guu Isuraiyolda'ai a'mwo abolo tonyu aro neya duudono. “Kevu yiuwi'nokai a'mwo abolo togaikul kemi wobo toru mwalodupudo Ijupda'ai tonyu duudoganyulo. Toro kuudoganpi toga kemoro silva tokwe gool tokwe tovalluda'ai sakwollungiko kuto ivito ton nekullabupinogano.” Duudono.” Kuudokaikono.

Mollurolovomato 12:35

Aki Isuraiyolda'ai a'mwo abolo ton novlaiyo'mo toga Moosesolluro me'no kuudoka kuvinono Ijupda'ai tonyuro gool togai silva togai youro togai anekullabupureyokweyo'mo kuudoganopogano.

Mollurolovomato 3:22

Toro te kevu kwako Ijup toru wuugollu'meyo'mo togaikul Ijupda'ai tonyuro kuto ivito tonyu jupolomallo'moneyokwe aro neya ipinogaikikono. Yiuwi'nokai Isuraiyolda'ai abolo ton kemoro ago woboruda'ai mwalodupudo Ijupda'ai abolo punyu neya wuudoganpinogano. Aki abolo bomwallo pun kemoro ago su tonyu kuulomwalodupudo kunyu kuruv neya wuudoganpinogano. Toro kuudoganpi toga kaduko nuuwipinogano. Youro tousogai'aro gool togai'aro silva togai'aro tonyuno kuudoganpi tov kuvinono nekullabupinogano. Toro aikullabupi tonyu kemi kwolaiyo taiyo tonyu wiropipinogaikikono. Kevu Ijupda'ai tonyuro kuto ivito bwotonyago ton su toro tomgu'aro jupolomokavlapinogaikikono.” Gooti tool Moosesollu toro kuudokaikono.