Muuduko 23:6 - Gooti Toolluro Yogalokwono

⁶ “Nemi agutoloo, gumoro kaduko tov nekubweyo'bi gudano'mokwono. Nevu gumino tov aro kuudo yaguu'dowadekugono. Oo nemi Gooti toolluro mido mollonekumwallokweyoldeyo. Kuudo yaguu'dowadekugono. Toro tooku nemoro kwako akavida'ai a'mwo buuso sugudo puvi maro'bi gumi abebwiyo tovi nokwo molsosubinekugono. Gumi kuudo tovida'ai buro'nyo buro'nyo a'mwo buuso sugudo kwonbi tovi ma'do'bure tookuji nemida'ai a'mwo pwolnodo kwol kuruv gumi ku'nono maguumjukuronekono.”

Muuduko 23:6 ပူးပေါင်းရင်းမြစ်များ

Muuduko 13:2

Toro ilno sumaveyokwe Eburamol kuto ivito bwotonyagokwe tool gamoro silva togai'aro gool togai'aro sipsip buulmokauworodeyo wuulo ki'duvolodowodo togai'aro togai amokailokaikono.

Muuduko 14:14

Toro te Eburamol gavuge avalo Lootollu meromokavla'mdopure tovi wuu'no'no gamoro ago towaida'ai molo yo'moneyokwe me'no amollovrowosajuko toorai adomarokaikono. Toro doma'no sumaiyokwe 318-pela a'mwo molo yo'moneyokwe amollovrowosajuko su toorai mollu'bworomwora'no sumaiyokwe Eburamol sumdomgu amollubworomokwanokarogano. Toro tooro plaino sumaveyokwe wagwolago Dan toru ai'movoporogano.

Muuduko 18:12

Toro tovino tov Sarav wuu'nyuno sumaiyokwe kakwo sajunokakwono. Toro tov aro sajunokakwono. “Nuu yago kuunodo tobuunyugono. Moro kwolo mi aguto nyumo'nodowodo su tool nuvubusuko yadaiyekwogano. Toro tobuunyu kwolaiyo yomallo'mo tovino ilaiyo nokwo ibwosunmobuunyudukono? Awiyo, nuu yadaiyo kuunodo tobuunyu ilaiyo su tov ku'nono mibwosunmobuunyugono.” Sajunokakwono.

Muuduko 20:7

Toro te aga guu abolo su tovi gami kwolo toollomno aikomgu neya domorapiyono. Gamoro kwolo tool moro proofet pwekono. Toro tool guu nobolbiyokweyo'mo mi subusu'nyogalo anyudo'ji tov mabolbinekugono. Toro kuvi kuruv guu abolo tovi aikomgu mamorapibi to'gwowi nobolbinekugono. Aki guuge avalo kugai'aro yiuwi'nokai togaikul nobolpinogaikikono.” Kuudokaikono.

Muuduko 21:22

To'no'gwowi su toro toga Abimelekeke'aro gami a'mwo molo'mo toorai mido mollomwalokwe Fikooleke'aro tooral Eburaiyamollomno bino sumaleyokwe Abimelekol aro kuudokaikono. “Gumoro yiuwi'nokai yodumdo tonyu Gooti tool gujo'mwojodowodo tovi me'no gwonodowolonakono.

Muuduko 23:5

Toro kuudoka tovi Hitda'ai tooro Eburaiyamollu kuudoporogano.

Muuduko 23:7

Toro kuudopo tovi Eburaiyamol kwako su tovi mwalodupudo Hitda'ai tooravuro sumdollu toru kwolomuulo'narokaikono.

Muuduko 24:18

Toro kuudoka tovi sujuraiyo tov kuudokakwono. “Mi agutoloo, ma, donono.” Toro wuujuno sumaiyokwe gamoro wonyubiyo bootool tov yere robworomwora'no sumaiyokwe wonyo tov kwillokakwono.

Muuduko 24:35

Gooti Yawel moro a'mwo aguto su toollu sugudo uubweyodowo aga'no'gwowi nuugwiyo bwotonyagokwe sumo'nadopikekono. Toro toollu Gooti Yawel sipsip toorogai'aro buulmokau toorogai'aro kemel toorogai'aro doonki toorogai'aro aki a'mwo abolo ki'nato womdokwe togai'aro ton me'no wiyodowodekono. Aki toro toollu silva nuugwiyo togai'aro gool nuugwiyo togai'aro ton wiyodowodekono.

Muuduko 42:10

Toro soukuu'nuudoka tovi wuu'nyuno sumaveyokwe kuudoporogano. “Awiyo, kuvimaiyo. Nevu wosamujuko pun mubiyo'mo kwolomwakuuwo tekwojonol guu aguto tookuji dolago tomuu amwakuuwono.

Muuduko 44:5

Moro a'mwo aguto tool kapwo su towasi wonyo iranodowodekono. Aki kapwo su tovi'aro moro a'mwo aguto tool yiulo kupuu'na'dopure tonyu kuu'maiyo toru'no bomollolupto'nosodowodekono. Toro te kevu kuuko ama'mapo tov ma'no ma'no bwotonyo sumaporekikono.” Duudono.” Joosepol toro amodapiyokaikono.

Muuduko 44:8

Guu kuudo nyau'mwakuno. Muudu'nodo togasuro nuugwiyo ton nemoro kuto tonyu amullosopo tonyu Kenanda'ai aikomgu amokwolabowonogano. Toro me'no sowo toonol gumoro a'mwo aguto toolluro ago tovida'ai silvadeyo goolodeyo ton kuuko nokwo mokavlawanonoldukono? Awiyo, ku'nono mamokavlawanonogano.