Muuduko 23:17 - Gooti Toolluro Yogalokwono

^17-18 Toro te Eburaiyamol Efroonolluro kwako Makpela su toru gamiyo'mo abiyomarokaikono. Kwako Makpela su toru Mamure towai kuujo tool sulopiyamoka is tomgu wo'dowodokwono. Toro te kwako su tovida'ai womdo togai'aro sumago kwosuko tooke'aro aki yiuwi'nokai iko kuuloda'mdupudo kworogai'aro ton Eburaiyamol gamiyo'mo amarokagano. Yiuwi'nokai kwako su tov Hitda'ai tooro wagwolago tovuro noullo toru i'bwo'no'mno muugona'dopure toga Eburaiyamol gamiyo'mo abiyomarokakwono.

Muuduko 23:17 ပူးပေါင်းရင်းမြစ်များ

Muuduko 23:20

Toro te Eburaiyamol Hitda'ai tooravuro kwako sumagokwe su tov a'mwo bwiyo kuulomollusoso'moneyokwe gamiyo'mo amarokaikono.

Muuduko 25:10

Kwako su tov Eburaiyamol Hitda'ai tooravuro tovi abiyomarokakwono. Toro te kwako su to kuvi Eburaiyameke Sarakwe teyaullu amolsosoporukono.

Muuduko 25:9

Toro te gamoro muugunyo Aisakeke Isumaiyoleke tooral kemi kuunumiyabwiyo toollu Makpela sumago tovi amolsosolekono. Sumago su tov Hitda'ai a'mwo Sooharolluro muugunyo Efroonolluro kwako tovi wo'dowodokwono. Aki wagwolago Mamure toru kuujo tool sulopiyamoka is tomgu wo'dowodokwono.

Matyuu 10:16

Aki Jisasol aro kuudokaikono. “Neya duu'nyulo. Nuvu kevu toorekullu a'mwo pworavuro akuuto tomuuno amekwapimono. Aro to'busukokwono. A'mwo pwol gami sipsip toorai kuullujuluko tooravuro akuuto tomuu amorapiyo'ji to'busuko amekwapimono. Toro te kevu gabakuto tooro wako kuu'nodupudo to'busuko kubalno wako neya dou'nogaulo. Aki dokato sobuuro tooro magu'nyo mimo'nodupudo toorobusuko kubalno kevu a'mwo pworai magu'nyo mamolloluwosumwalpinono.

Kuurotokwe 7:16

Lukomgu Jekoopeke Joosepeke tonumdalluro yogudo ton wagwolago Sekem'no aikomgu mokabino sumaveyokwe a'mwo buuso sumago puvi aulomorosoponumdakono. A'mwo buuso su tov aiyoga Eburaiyamol Amoorolluro muugunyo Sekemda'ai pwolluro a'mwo buuso su tovi silva nuugwiyo tokwe me'no abiyoma'nyungikokwono.

Efesos 5:15

Toro tovino tov kevu a'mwo kuudo maiyokwe toorobusuko nyomjomwekovla'mwalpiyo. Toro kugaikul kuruv wako neya kuu'nopi a'mwo pi'mwo kuudokwe toorobusuko po'dogalo neya jomjomwekovlavogaulo.

Kooloosi 4:5

Kevu a'mwo abolo kwa'mguda'ai Jisasolluno kuudo muubweyodupudo tonyuro akuuto tomuu pi'mwono neya jomjomwekovlavogaulo. Toro togaikul yovrowosunopi a'mwo abolo su tonyu Jisasolluro pasudo tovino wuuduuwallo'moneyokwe iruko pun yasuwa'no nekuuwolo'mwalo'jo.