“Mi agutoloo, kaduko nyabo'bi gudumo'mokwono. Moro kwako tovi mubiyo'mo nuugwiyo tov yiuno 50 kiloo silva nuugwiyo to'mono nokwo nubibinekugono. Nuugwiyo su tov a'mwo aguto toonal kuudo kwolallo miyourokwapiyosunokwono. Toro te guu nuugwiyo ton nubiyo'bi moro kwako su tov gumiyo'mo maro'bi gumi abebwiyo tovi nokwo molsosubinekugono.”
Muuduko 23:16 - Gooti Toolluro Yogalokwono16 Efroonol toro wuujuno sumaiyokwe Eburaiyamol, “Yowa'nogano,” wuudo'no silva nuugwiyo tobuulluro jul'nyo tov ajagilokaikono. A'mwo mubiyagokwe tooro jagilodupudo kubalno Eburaiyamol silva nuugwiyo tobuulluro jul'nyo tov 50 kiloo tobuullu jagilno sumaiyokwe Efroonollu kwiyokaikono. Hitda'ai tooro kuu'maiyo toru'no me'no kuu'nopo tomgu'aro Eburaiyamol jagilno sumaiyokwe kuvinono kuubiyokaikono. အခန်းကိုကြည့်ပါ။ |
Muuduko 23:16
18 ပူးပေါင်းရင်းမြစ်များ
Toro toonol wosamujuko ton me'no mubiyomworarowono aikomgu mokavlavowono puuto tomuu kworowonogano. Toro kworowo towai nemi kuto tonyu ikwolapiyowono yiuwi'nokai go'no go'nodo toonolluro yiuwi'nokai nuugwiyo adukwopiyowo ton nemi kuto tonyu muna'duke kwonowonogano. Nuugwiyo su ton a'mwo toolluro amullonekubwemoka'mdeyo tov kuudo maiyonogano. Toro te nuugwiyo su ton aikomgu ikullabiyo'mo amokamawonogano. Aki wosamujuko pugai'aro mubiyo'mo nuugwiyo muuduko pugai'aro togai amokamawonogano.” Kuudoporogano.
Aki nuu aro kuudonyugono. “Kevu moro womdo yodumdo tovino, nuubiyanekono, kuudo sanuupi tov nokwo donyabilo. Toro kuvi kuruv kevu manubiyo'mo aikulluno'ji to'gwowi kuudo tov kemino aikuuwoso.” Kuudonyugono. Toro kuudo tooro moro womdo yodumdo tovino mubiyo tov 30-pela silva nuugwiyo tobuul anubiyoporogano.
Toro te kevu pasudo punyuno, Oo a'mwo abolo ton nemi su toro tomgu'aro ilaiyo yanekullugolpureyokwe ikullunodowodo su tov kevnokwe togaikul a'mwo abolo punyuno aval'nodo tomgu'aro neya jugolmovlavogaulo. Kavlo su toro tovino aiyoga Moosesolluro loowo togai'aro proofet tooravuro kuuguudo togai'aro ton me'no ajakwollajupogano.
Kevu a'mwo abolo punyuro dinau tov amapi toga lukomgu aro nuudupiyo. “Oo nuu dinau su tov aikomgu yere maikullamonyugono. Dinau su tov nuuge kuuno wo'donokwono.” Kevu su toro nuudupiyo. Toro kuvi kuruv yiuwi'nokai toga kemi dinau to'busuko ikwo'mwalono to'gwowi arokwono. Kevu a'mwo abolo tonyuno kalo buuropino neya domollogaulo. Kevu a'mwo abolo tonyuno su toro tomgu'aro kwipi tov Gooti toolluro yiuwi'nokai loowo go'no go'nodo tonyu uumjunodupudo togaikulbusuko imo'nupinogaikikono. Yiuno su to'gwowi yiuwi'nokai tonollu dinau to'busuko nekwo'dowodokwono.
Mi avalobuuravoo, nuu aiyowo'mo yogalo akav ikudumo'mokwono. Kevu noonyumwonyu nebal'no pasudo togai'aro pasudo punyuno ilaiyodeyo dodupudo togai'aro pasudo idopto'nodo togai'aro kaiya'no nonagutokwe pasudo togai'aro pasudo sugumaluko togai'aro ilaiyo jugollo'mo pasudo togai'aro yiuwi'nokai pasudo su tonyuno kuudo neya jou'movlavogaulo. Aki noonyumwonyu pasudo kuuroollumaluko togai'aro aki ilomodomoropiyo'mo pasudo togai'aro kunyuno kuruv kuudo neya jou'movlavogaulo. Yiuwi'nokai pasudo su tollovo kemoro kuudo tonyu neya aullo'movaikwopiyogapuro.
Toro te pweku Jisasolluro a'mwo gumi jugwai'yago toolbusuko gujumo'nodowodo tekwoji kaiyako nyugolbiyokwe gamoro abolo tokwe kwonyalo mibinono. Su tov aro tovinokwono. Ma'no ma'no pasudo su tonyu Aguto tool kirumwallodowodekono. Su toro tovino kevu wako neya kuu'numwalpino'moneyokwe nevu sumdomgu duudapi yogalo me'no adaikullowonogano. Su toro adaikullowo tovi kevu kaduko neya duuwiyogaulo.
ကြော်ငြာတွေ