Muuduko 23:13 - Gooti Toolluro Yogalokwono

¹³ Toro wolomuulo'na'no sumaiyokwe kwako su tomuuda'ai a'mwo abolo tonyuro kaduko wuu'nodopure toru Eburaiyamol Efroonollu aro kuudokaikono. “Guu moro agudumi akavi kaduko neya jono. Nuu gumoro kwako su tovino nuugwiyo tov neya gubimonyugono. Toro agubimi tovi guu me'no ama'bi toga'no'gwowi moro abebwiyo tovi nokwo molsosumonyugono.”

Muuduko 23:13 ပူးပေါင်းရင်းမြစ်များ

Muuduko 23:12

Efroonol toro kuudoka kuvi kuruv Eburaiyamol Hitda'ai tooravuro sumdollu toru aki aiko te kwolomuulo'narokaikono.

Muuduko 23:14

Toro kuudoka tovi Efroonol Eburaiyamollu aro kuudokaikono.

Kuurotokwe 20:35

Moro su toro sajo tovi kevu me'no kwonyajuporekikono. Toro te kev kworekul kuruv moro sajo to'busuko kubalno womdo guureji yopi a'mwo abolo wollainyo tobuurai neya duuwiyo'mwojogaulo. Su toro tovino nuu me'no aikuduuwallajonyugono. Aki nemi Aguto Jisasolluro yogalo puruv adoka tovino kuudo nyallulo'gwonmwalpiyo. Jisasol gavnokwe tool aro adokaikono. “Guu a'mwo pwollu burowo'nyodeyo ton yasuwa'no kwibi tov gumi poowokalago tovi ilaiyo bwotonyo ibwosunbinekugono. Toro tovino tov kevu aro kuudo nyaupiyo. Oo a'mwo pworavuro yasuwa'no anekullabupi tonyu amara'ji toga ilaiyo bwotonyo ibwosunanonogano. Awiyo, su toro aikullabupi toga ilaiyo pwekwono to'no ibwosunpinogaikikono. Toro kugaikul kuruv kemoro burowo'nyodeyo ton a'mwo pworai yasuwa'no kwipi toga'no'gwowi ilaiyo bwotonyo kuunodo ibwosunpinogaikikono.” Adokaikono.” Poolol wagwolago Efesosda'ai a'mwono moduvomwallokwe toorai toro kuudokaikono.

Room 13:8

Kevu a'mwo abolo punyuro dinau tov amapi toga lukomgu aro nuudupiyo. “Oo nuu dinau su tov aikomgu yere maikullamonyugono. Dinau su tov nuuge kuuno wo'donokwono.” Kevu su toro nuudupiyo. Toro kuvi kuruv yiuwi'nokai toga kemi dinau to'busuko ikwo'mwalono to'gwowi arokwono. Kevu a'mwo abolo tonyuno kalo buuropino neya domollogaulo. Kevu a'mwo abolo tonyuno su toro tomgu'aro kwipi tov Gooti toolluro yiuwi'nokai loowo go'no go'nodo tonyu uumjunodupudo togaikulbusuko imo'nupinogaikikono. Yiuno su to'gwowi yiuwi'nokai tonollu dinau to'busuko nekwo'dowodokwono.

Kooloosi 4:5

Kevu a'mwo abolo kwa'mguda'ai Jisasolluno kuudo muubweyodupudo tonyuro akuuto tomuu pi'mwono neya jomjomwekovlavogaulo. Toro togaikul yovrowosunopi a'mwo abolo su tonyu Jisasolluro pasudo tovino wuuduuwallo'moneyokwe iruko pun yasuwa'no nekuuwolo'mwalo'jo.

Hibruu 13:5

Kevu nuugwiyo bwotonyo ki'nomallo'mo tovino nekullunumwalpiyo. Aki, Oo nuu noonyumwonyu kuto ivito pugai'aro neya ama'mo, kuudo nyau'mwalpiyo. Toro kuvi kuruv kemi kuto ivito me'no mwora'dupudo su tonyuno, Oo su ton nokwo'modeyo, kuudo to'no neya jaurogaulo. Su toro tovino Gooti tool aro adokaikono. “Nuu gumi magugollu'mo'monyugono. Aki gumi miyogwapimonyugono.” Adokaikono.