Muuduko 22:5 - Gooti Toolluro Yogalokwono

⁵ Eburaiyamol toro wonyuno sumaiyokwe gamoro womdokwe toorallu aro kuudokaikono. “Nuuge'aro mi kwolaiyo tooke'aro tonumdonal aikomgu yagwoto illogalowosi Gooti toollu ilomoropi yowosunumdonakono. Toro illogalodowosure toga kevu doonki akaike akaru domwalojulo.” Kuudokaikono.

Muuduko 22:5 ပူးပေါင်းရင်းမြစ်များ

Muuduko 22:19

Toruda'ai Eburaiyameke tonumdal gami womdokwe toorallomno aikomgu kwolalonumdakono. Toro wolai'mo'mno sumaleyokwe yiuwi'nokai tooro Biyasiba'no aikomgu aboporogano. Toro bino sumaveyokwe Biyasiba toru abomwaloporogano.

Muuduko 22:4

Toro tooro plaino plaino sumaveyokwe iruko pullal me'no uuwolo'no'no aikomguda'ai iruko naba 3 tollugwoji kuuno plaino sumaveyokwe toga Eburaiyamol muumuudo toollu manyu toruda'ai kwonokaikono.

Muuduko 22:6

Toro wuujuno sumaiyokwe Eburaiyamol noromiroudapiyo'mo duko tov Aisakollu ameroomwosokaikono. Toro meroomwosuno sumaiyokwe toga Eburaiyamol dukworoka tokwe'aro kwallu'mopto tokwe'aro tovallu momwora'no sumaiyokwe avlavolonumdakono.

Mollurolovomato 24:14

Moosesol muumuudo toollomno illo'mo wobo toga Isuraiyolda'ai a'mwono moduvomwallokwe toorai aro kuudokaikono. “Kevu akawai mwalopi namino sogwollo donakinogaulo. Navu muumuudo toollu illogalowosi aikomgu noolabwosunonakono. Aki kevu akawai mwalodopure toga Erooneke Huureke tooral kevuge mwalodubullunorakono. Toro mwalodo'bullure toga a'mwo abolo kooti yogalokweyonoldeyo adupi ton a'mwo su toorallu nokwo bwonumwalpinogano.” Kuudokaikono.

Hibruu 11:19

Toro tovino Eburaiyamol aro kuudo saurokaikono. Oo Aisakol me'no abolo'ji kwollu kuruv Gooti tool aiyo aiko te nokwo modukawonoldeyo. Kuudo saurokaikono. Toro te Aisakol me'no abolowo'jujuko su tool a'mwo aiyo aiko te adukavoka pwolbusuko yovekurajo nekullumo'nodowodekono.

Hibruu 12:1

A'mwo abolo bwotonyago Gooti toollu kuudo kuubweyajupo su ton sulu'wo to'busuko nemi aiyowomno mwodovonekuma'dupudogano. Kemoro kuudo kuubweyajupo su tov nemi kuu'maiyo toru'no me'no nekuduuwallodupudo tovino tov nevu resis tovibusuko guureji neya yogawano. Nevu resis tovi yo'mo tonol noonyumwonyu pworo nemi nekumjukuto yodupudo toorogai'aro aki ma'no ma'no pasudo nemi nekumgu'mo'nodupudo toorogai'aro su toorai neya arobwotovodukwopiyogawano. Me'no robwotovodukwopiyowa'ji nevu resis tovi kano kano plaiyo'moneyokwe puuto tov nemi sumdollu toru wo'dowodo su tovi neya ainomjumovlavogawano. Puuto su tov Gooti toolluro anekuduuwalloka su tovi'aro guureji neya uumjungovlavogawano.