Muuduko 22:13 - Gooti Toolluro Yogalokwono

¹³ Toro wuudoduke tovi Eburaiyamol wuu'nyuno sumaiyokwe sumdo yenomollo'no kwonoka tov sipsip kwolo pwol i'jurako te gamoro koomwo tovi'aro abuuruubidapiyoka toollu kwonokaikono. Toro kwonoka toollu galoma'no sumaiyokwe Gooti toollo'mo kwiroudapiyokaikono. Toro kwiroudapiyoka tool gamoro kwolaiyo Aisakolluro aiko toru'no amarokaikono.

Muuduko 22:13 ပူးပေါင်းရင်းမြစ်များ

Muuduko 22:12

Toro kuudoka tovi ensel tool aro aduumjukurokaikono. “Kwolaiyo su tool kaiyako puru'monodo kuruv nomaro'jo. Aki toro toollu guu maromiyosubinono.” Aduumjukurokaikono. Toro duumjuku'no sumaiyokwe kuudokaikono. “Guu kwolaiyo pwolnodokwe tooku gumi kwolaiyo su toolluno kalo nokwo amamwonyo'bujukekugono. Toro kweku kuruv aga noromiyo'mo yodore tookuji gwonodum kuudo saguu'mekugono. Oo akal yiuwi'nokai toga Gooti toollu uumjunodowodoldeyo. Kuudo saguu'mekugono.” Gooti Yawelluro ensel tool toro kuudokaikono.

Muuduko 22:14

Toro kwiroudapiyoka su toru'no yovo tov Eburaiyamol aro sowarokarukono. “Gooti Yawel nonyabwonorukono.” Sowarokarukono. Toro te aga kuga kuruv aro dodupudorukono. “Oo Gooti Yawelluro muumuudo toollu muunyu toru nekullabodowodorukono.” Kuuno dodupudorukono.

Muuduko 22:8

Toro samuugojoka tovi Eburaiyamol kuudokaikono. “Mi kwolaiyoloo, Gooti gavnokwe tool sipsip nyuroudapiyo'mo toollu nonakullabwonekono.” Kuudokaikono. Toro yajunyuno sumaleyokwe avlavolonumdakono.

1 Koorin 10:13

Guu ma'no ma'no yo'moneyokwe kuudo pworo abagi'mowo'ji su ton yiuwi'nokai a'mwo abolo kun kuruv aval'no bwi'mo'mdupudorogano. Kuudo su ton gumi abagi'mowo'ji kuvi kuruv Gooti toolno'gwowi aro dodowodekono. “Nuuwiyo'mwojumonyugono.” Toro dodowodo tovi kuvinono kinamjodowodekono. Toro tool gavnokweyolluro jurogudo tokwe nokwo ikullo'mwojumwalonekono. Aki jurogudo ikubweyodowo'jure su tokwe kevu guureji nokwo da'mwalpinogaikikono.