Muuduko 21:21 - Gooti Toolluro Yogalokwono

²¹ Kwako a'mwomaiyo kuu'maiyo amwallajulo su toru'no yovo tov Paraneyorukono. Toro towai mwalno sumaleyokwe ganeyago tov Ijupda'ai abolo puruv maro'no gami muugunyo toollu kuumallokakwono.

Muuduko 21:21 ပူးပေါင်းရင်းမြစ်များ

Muuduko 16:3

Toro te Eburamol kwako Kenan toru mwalodowo atousal kworomo tobuul kuuwolovokaikono. Kwako su toru kuuno mwaloduke toga Saraiyov gami kwolo toollo'mo gavnokweyovuro Ijupda'ai ki'nato womdokwe Hegaiyovi amodumallokakwono.

Muuduko 25:18

Lukomgu Isumaiyololluro jukweyago kwolaiyo tooro kwako Havilaike'aro Suuruke'aro tovallu akuuto toru abomwaloporogano. Kwako Suur su tov Ijup wobo toru Asiriya'no puuto tomuu wo'dowodorukono. Toro tooro kwako Havilaike'aro Suuruke'aro tovallu akuuto toru abomwalopo kworo kuruv Isumaiyololluro jukweyago kwolaiyo su tooro Aisakolluro jukweyago toorogai molo sunoporogano. Toro inyuno sumaveyokwe judo pumgu somuudeyomwaloporogano.

Muuduko 27:46

Toruda'ai Rebekav Aisakollu aro auluudokakwono. “Moro muugunyo Isoo'wolluro abolo Hitda'ai su tovalluno ilaiyo manyunadopiyo. Jekoopol kwol kuruv Hitolluro iko avalo su tovasuda'ai abolo puruv amaro'ji to'gwowi nuu aiyo mwallo'mo manyunone'gono.” Kuudokakwono.

Jagillo 13:26

Toro tooro wolabino sumaveyokwe Mooseseke'aro Erooneke'aro yiuwi'nokai Isuraiyolda'ai a'mwo abolo togai'aro ton kwako Kades toru kuuno mwalodopure tonyu abwolluru'maroporogano. Toro abwolluru'maropo su towai kwako a'mwomaiyo kuu'maiyo Paran tomuu wo'dowodokwono. Toro towai bwolluru'ma'no sumaveyokwe kwako Kenan toru kwonomollopo tovino kuuguudo tov kuudoporogano. Toro wuujuno sumaveyokwe ikulsulo amuudomokwolabopo togai'aro kuuduuwalloporogano.

Jagillo 13:3

Toro te Moosesol Gooti Yawelluro kuudoka tovi kuvinono uumjunyo'moneyokwe Isuraiyolda'ai a'mwo aguto yovokwe pworai ajesokaikono. Toro jesuno sumaiyokwe kwako a'mwomaiyo kuu'maiyo Paran towaida'ai amorapiyokarogano. Toro tooro wuugollu'mo'mno sumaveyokwe avlavoporogano.

1 Koorin 7:38

Toro te a'mwo tool gamiyo'moneyokwe sujuraiyo ajudoubwengiko tovi amaro'ji tool ilaiyo yonekono. Toro kuvi kuruv a'mwo pwol gamiyo'moneyokwe sujuraiyo ajudoubwengiko tovi mamaro'ji su toolno'gwowi ilaiyo bwotonyo yonekono.