Muuduko 21:17 - Gooti Toolluro Yogalokwono

¹⁷ Aki kwolaiyo su tool kumdo adokaikono. Toro kumdo doduke tovi Gooti tool kuu'nokaikono. Toro wuu'nyuno sumaiyokwe Gooti toolluro ensel tool muunyu tomuuda'ai Hegaiyovi aro abuudokaikono. “Hegaiyovoo, buro'nyo jul'nyo tov doma'mwakuno? Guu luko mibinono. Gumoro kwolaiyo akaikwolluro kumdo doduke tovi Gooti tool me'no kuu'numokaikono.

Muuduko 21:17 ပူးပေါင်းရင်းမြစ်များ

Muuduko 15:1

Toruda'ai Gooti Yawel Eburamollu wojo tovibusuko wiyalo'no'no aro kuudokaikono. “Eburamoloo, luko mibinono. Gumi sabiyo tou'busuko gujumo'nodumdo toonyu yellukuromollogumwalodumdonyugono. Toro toonyu mubiyo sugudo pun nogujamonyugono. Toro agujami su ton sugudo kuunodogano.” Kuudokaikono.

Muuduko 16:11

Gooti Yawelluro ensel tool toro wuujuno sumaiyokwe aki aro kuudokaikono. “Aga guu kwolaiyo sumwoluko me'no sumo'nadokuudo'guugono. Toro to'guu kwolaiyo pwollu yomaro'bi Isumaiyololo mullowa'bino'guugono. Yovo su tovino kavlo tov aro tovinokwono. Gumoro jul'nyo tonyuno deko dodore tonyu Gooti Yawel me'no guu'nodowodekoneyo'mokwono. Toro tovino mullowa'bino'guugono.

Muuduko 16:7

Toro tov Suur tomuuno puuto tovi plaino sumaiyokwe kwako a'mwomaiyo kuu'maiyo toru ai'movokakwono. Toro ki'mo'mno sumaiyokwe wonyo sumdo puvi toru mwaloduke toga Gooti Yawelluro ensel tool buuru'maro'no

Muuduko 16:8

aro kuudoganokaikono. “Saraiyovuro ki'nato womdokwe Hegaiyovoo, guu domuuda'ai abadokuudo'guudeyo? Aki toro to'guu domuuno pla'bino'mo'guudeyo?” Toro samuugojoka tovi Hegaiyov kuudokakwono. “Mi abolo aguto mollonumwalodowodo Saraiyovino lukado avla'mwakono.”

Muuduko 16:9

Toro kuudoka kuvi kuruv Gooti Yawelluro ensel tool kuudokaikono. “Guu gumi abolo aguto toviyomno aikomgu neya plavo'bi gamoro mollogumwalodowodo tovi dolago tomuu neya mwalbino'guugono.”

Muuduko 22:11

Toro ikolomwora'duke toga Gooti Yawelluro ensel tool muunyu kai'muuda'ai deko aro kwoloduuwopiyabokaikono. “Eburaiyamoloo. Eburaiyamoloo.” Toro kuudoka tov Eburaiyamol kuudokaikono. “We, anyugeyo.” Kuudokaikono.

Muuduko 24:7

Muunyu kai'muuda'ai Gooti Yawel kwako su towaida'ai me'no anumokabokanyugono. Mi nyunumiyago toolluro sanuwosoka ago su toruda'ai numokabino sumaiyokwe subuu'yamju aro anyudokaikono. “Guuge'aro gumoro sawosunbi toorogai'aro toorekullu kwako akav kemiyo'mo ikullamonyugono.” Anyudokaikono. Toro te Gooti Yawel gamoro ensel toollu gumi sumdomgu mogwapiyowo'ji mollubworogumokwanonekono. Toro yodowo'jure toga guu ago su toruda'ai moro muugunyo toollo'mo abolo puruv nokwo yo'mgonoma'binekugono.

Muuduko 26:24

Toro pla'mdopure surakuuto su tollugwoji Gooti Yawel Aisakollu bwiyalo'no'no aro kuudokaikono. “Nuu gumi junumiyago Eburaiyamolluro Gooti toonyugono. Toro te guu luko mibinono. Nuu guuge mwalowosi sugudo pun gubweyo'mi guu gumi jukweyago kwoloraiyo bwotonyago tonyu yawosunbinekugono. Nuu moro womdokwe anyumo'nyajuko Eburaiyamolluno kuudo yau'dumdo toonyu toro gubwemonyugono.” Kuudokaikono.

Muuduko 46:3

Toro wuujuno sumaiyokwe Gooti tool kuudokaikono. “Nuu gumi junumiyago toollu Gooti kuunodo toonyugono. Guu Ijup'no wollo'mo luko mibinono. Kevu su towai wolomwalopi moro jurogudo aikubwemi tovida'ai kwolallo bwotonyago yawosunopi kantri jurogudo puruv imo'nupinorekikono.

Mollurolovomato 14:13

Toro kuudopo tovi Moosesol aro kuudokaikono. “Kevu guureji davopi luko mipinono. Anuugwo toga Gooti Yawel kemi nomollurolovekwapiyodowo'jure tovi noonpinogaikikono. Aki Ijupda'ai kwonmwakopo su toorai aki aiko te yiunokuudo mwonpinorogano.

Mollurolovomato 3:2

Moosesol toro towai ki'mo'mno sumaiyokwe mwaloduke toga Gooti Yawelluro ensel tool aro abwiyalo'nokaikono. I'jurako pwol widuko bomjonugeloduke toollu'aro abwiyalo'nokaikono. Toro tovi Moosesol wonyuno sumaiyokwe widuko tov i'jurako toollu manosoduke tovi kwonokaikono.

Mollurolovomato 3:7

Toro yobwoto'na'duke toollu Gooti Yawel aro kuudokaikono. “Ijupda'ai tooro moro a'mwo abolo tonyu kaiya'no bwotonyo igolodupudo tonyu me'no wonodumdonyugono. A'mwo abolo su tobuuro aro nyudodupudogano. “Ijupda'ai a'mwo tooro kemoro ki'nato womdo tovi wiyo'moneyokwe guureji kironekumwallodupudorogano. Toro tooravuro dolago tomuuda'ai guu neya bomollurolovonekumokalokwono.” Toro nyudodupudo tovi me'no wuu'nodumdogano. Aki toro tobuuravuro jul'nyo ma'dupudo tonyuno me'no youroma'dumdonyugono.

Matyuu 15:32

Su toro toga Jisasol gami uumjunyokwe toorai doma'no sumaiyokwe aro kuudokaikono. “A'mwo abolo ton nuuge iruko pullapullu me'no amwalmwakopo ton wosamujuko maiyo tonyuno kalo anyunadopiyo. A'mwo abolo su ton mujuko'mo yodopure tonyu nuu pumuuno amodapimi tov puuto tomuu kuruwiyo nomjobolmovlapiyo.” Kuudokaikono.

Kuuguudo Sugudo akav Makolluro sakwollokakwono Mak 5:36

Toro wuudodopure toga Jisasol wuu'no'no kwol kuruv Juu tooravuro i'bwo'nyago tovi mido mollomwalokwe toollu kuudokaikono. “Luko mibinono. Gumoro kuudo tov yiuno mino to'no donubweyono.” Kuudokaikono.