Muuduko 21:14 - Gooti Toolluro Yogalokwono

¹⁴ Toro te iruko aikomguda'ai tollugwoji lomwo iru'mago toga Eburaiyamol dukavo'no wosamujuko pugai'aro wonyubiyokwe kulakuto puuwake'aro malluno sumaiyokwe Hegaiyovi kwiyokaikono. Toro wino sumaiyokwe Hegaiyovuro yagwo te ilomorubweyo'no gamoro kwolaiyo tooke'aro tonallu amorapiyokaikono. Toro te Hegaiyov wuugollu'mo'mno sumaiyokwe kwako a'mwomaiyo kuu'maiyo toru'no avlavokakwono. Kwako su toru'no yovo tov Biyasibareyorukono.

Muuduko 21:14 ပူးပေါင်းရင်းမြစ်များ

Muuduko 16:7

Toro tov Suur tomuuno puuto tovi plaino sumaiyokwe kwako a'mwomaiyo kuu'maiyo toru ai'movokakwono. Toro ki'mo'mno sumaiyokwe wonyo sumdo puvi toru mwaloduke toga Gooti Yawelluro ensel tool buuru'maro'no

Muuduko 19:27

To'no'gwowi Eburaiyamol lomwo iru'mago su tollugwoji Gooti Yaweke ajuda'nolo aiko toru'no kwolokaikono.

Muuduko 21:13

Aki ki'nato womdokwe abolo tovuro kwolaiyo kwol kuruv gumoro kwolaiyo kuunodo pwekono. Toro tovino tov kwolaiyo su to kwol kuruv jukweyago kwolaiyo bwotonyago nyawosunonekono. Toro sawosuno'ji tooro kantri puruv imo'nupinorogano.” Gooti tool Eburaiyamollu toro kuudokaikono.

Muuduko 21:15

Toro towai yomolluno yomolluno sumaleyokwe kemi kulakuto tovida'ai wonyo tov anopiyolonakono. Toro nopino sumaleyokwe kuuleyaluko winolno ganeyago tov gami kwolaiyo toollu i'jurako toollu dolago tomuu uumwalluno sumaiyokwe

Muuduko 21:31

Toro tooral kwako su toru subuu'yamju sajunolo tovino tov kwako su toru'no yovo tov Biyasibaru dodupudorukono.

Muuduko 21:33

Me'no plaino sumaleyokwe Eburaiyamol kwako Biyasiba su tovi jeso'moneyokwe iko tamarisik pwollu aburaudokaikono. Toro buraujuno sumaiyokwe Gooti Yawel Aiyo Yiunokuudo Mujomwekovla'mdowodo su toolluno yovo tovi sulomoropiyokaikono.

Muuduko 22:19

Toruda'ai Eburaiyameke tonumdal gami womdokwe toorallomno aikomgu kwolalonumdakono. Toro wolai'mo'mno sumaleyokwe yiuwi'nokai tooro Biyasiba'no aikomgu aboporogano. Toro bino sumaveyokwe Biyasiba toru abomwaloporogano.

Muuduko 22:3

Toro kuudoka tovi Eburaiyamol wuu'nyuno sumaiyokwe lomwo iru'mago toga dukavo'no kado plaiyo'moneyokwe gami doonki pwollu amollovrowosokaikono. Toro mollovrowosuno sumaiyokwe gamoro womdokwe a'mwo pworake'aro gamoro kwolaiyo Aisakeke'aro toorai momwora'no sumaiyokwe noromiroudapiyo'mo duko pugai adovamnojokaikono. Toro dovomnojomwora'no sumaiyokwe Gooti toolluro kuuduuwalloka toru'no avlavoporogano.

Muuduko 24:54

Toro wino sumaiyokwe a'mwo womdokwe su tooke'aro gami a'mwo toorogai'aro tooro wonyo togai wosamujuko togai anoporogano. Toro nyuno sumaveyokwe ago su towai sa kworoporogano. Toro wolluno sumaveyokwe lomwo toga dukavo'mno a'mwo womdokwe tool aro kuudokaikono. “Nuu mi a'mwo aguto toollomno aikomgu pla'mdo'mure toga kevu nuwonyapino julo.”

Muuduko 25:6

Toro kuubweyoka kwol kuruv Eburaiyamol gamoro abolo punyuro muugunyo go'no go'nodo tooraino'gwowi kuto ivito pun yasuwa'no kwiyokaikono. Toro wino sumaiyokwe gami kwolaiyo Aisakollu wobo toru nomwalpiyokweyo'mo tov kuujo tool sulopiyamoka is tomgu amorapiyokarogano.

Muuduko 26:31

Toro yonomwalno sumaveyokwe kworoporogano. Toro wolluno sumaveyokwe lomwo iru'mago toga dukavo'mno yiuwi'nokai tooro subuu'yamju sajunoporogano. Toro yajunyuno sumaveyokwe Aisakol nomodapiyo'moneyokwe aro kuudokaikono. “Kemoro sumwoluko ton kavo wosopi dovlaiyulo.” Toro amodapiyoka tooro Aisakollu wuugollu'movo'mno avlavoporogano.

Muuduko 26:33

Toro abuudopo tovi Aisakol wonyo buugo alsovomwollosopo su tovino yovo tov Subavo sowarokaikono. Toro sowaroka tovino tov aga kuga kuruv wagwolago su toru'no yovo tov Biyasibavo dodupudokwono.

Muuduko 28:18

Jekoopol toro yajunyuno sumaiyokwe lomwo toga dukavo'no gamoro midapto amenaroka sulo tool malluno sumaiyokwe ido'nyuno amomuulludapiyokaikono. Toro amomuulludapiyoka toollu, Gooti toollo'mekono, jeso'no oolip munyupto pugai sulo toollu muunyu toru aimowosokaikono.

Muuduko 37:15

Toro ki'mo'mno sumaiyokwe wagwolago Sekem tovi kwa'mgu gwo'gwo'womdo tomuu yomolloduke toga a'mwo pwol wono'no abuudoganokaikono. “Guu buro'nyo'mo a'mgono jadokuuno?” Kuudoganokaikono.

Muuduko 46:1

Toruda'ai Jekoopol gamoro yiuwi'nokai buro'nyo buro'nyo kuto ivitodeyo a'mwo abolo kwoloraiyodeyo tonyu momwora'no sumaiyokwe avlavokaikono. Toro ton plaino sumaveyokwe wagwolago Biyasiba toru ai'movopogano. Toro ki'mo'mno sumaveyokwe Jekoopol gami ganumiyago Aisakolluro Gooti toollu wiyo'moneyokwe sipsip pwollu romiyo'no kwiroudapiyokaikono.

Joon 8:35

A'mwo ki'nato womdokwe pwol gami jukwo toolluro ago tovi yiunokuudo maulomwallokwekono. Toro kuvi kuruv ago su tovi jukwo toolluro kwolaiyo kuunodo toolno'gwowi yiuwi'nokai toga gami ganumiyago toolluro ago tovi yiunokuudo mwallokwekono.