Muuduko 20:9 - Gooti Toolluro Yogalokwono

⁹ Toruda'ai Abimelekol Eburaiyamollu doma'no sumaiyokwe aro kuudokaikono. “Guu nuuge'aro mi dolago tomuu mwalodupudo togai'aro tonollu buro'nyo'mo kaiyako sugolanekumovodekudeyo? Nuu gumi ma'no ma'nodo puruv mollugolagumo'mdumdonyudukono oo buro'nyo'mo jul'nyo bwotonyo akav donekubweyadokuuno? Gumoro kaiya'no su toro sanyugolodo tov ilaiyo'maiyo. Toro kweku kuruv guu tookuno'gwowi kuvinono sanyugolodekugono.” Kuudokaikono.

Muuduko 20:9 ပူးပေါင်းရင်းမြစ်များ

Muuduko 12:18

Toruda'ai Feroo tool Eburamollu doma'no sumaiyokwe aro kuudokaikono. “Buro'nyo kavlo tovino toro anubwemodekudeyo? Guu Saraiyovino tov, “Moro abolokwono,” nokwo anyudo'bujuko kweku kuruv manyudodekugono.

Muuduko 20:10

Toro wuujuno sumaiyokwe Abimelekol Eburaiyamollu aro kuudokaikono. “Guu su toro sanyugolodo tov buro'nyo kavlo tovino sodekudeyo?”

Muuduko 20:8

Toro wuujuno sumaiyokwe Abimelekol lomwo iru'mago toga dukaino sumaiyokwe gami yiuwi'nokai womdokwe toorai ju'bworomaro'no wojo tovida'ai yiuwi'nokai kuuguudo su ton sodubwasokaikono. Toro sodubwasoka tovi wuu'no'mno luko bwotonyo sopogano.

Muuduko 26:10

Toro kuudoka tovi Abimelekol aro kuudokaikono. “Guu nemi su toro sanekullugolmodo tov ilaiyo'maiyo. Moro a'mwo pwol gumoro abolo tokwe sumwonyo so'bullujuko'mno'juki gumoro tovasuda'ai jul'nyo bwotonyo nokwo amarowa'jujukonogano.”

Muuduko 39:9

Gumoro kwolo Pootifaike'aro nuuge'aro toonal ago akavida'ai mido mollomwallo'mo tov yiuwi'nokai toonal aval'nodonakono. Aki gumoro kwolo su tool yiuwi'nokai tonyuno madanumjukullokwekono. Toro kuvi kuruv gamoro abolo to'guuge mollagwollo'mo to'gwowi danumjuku'dowodekono. Toro tovino tov nuu Gooti toollu kaiya'no nyugolmiyokweyo'mo tov kirovanyuvanyu su toro tov ku'nono mimonyugono.” Joosepol Pootifalluro abolo tovi toro kuudokaikono.

Room 2:11

Kevu kuudo neya jaullulo. Gooti tool Juu toonogai'aro a'mwo abolo Juu toonolluro miyawosunodowado togai'aro tonollu judo'no judo'no manekwonodowodekono. Toro toolluno tov yiuwi'nokai tonollu aval'no gallenyubworonekumallokwekono.

Taitos 1:11

A'mwo su toro modomollodupudo tooro nuugwiyo bwotonyo ki'nomallo'moneyokwe kuudo yauropi yodubwasodupudorogano. Aki su toro yodubwasodopure tovida'ai a'mwo pworogai'aro kemi yiuwi'nokai julkwolaiyo togai'aro tonumdoto kemoro kuudo uubweyodupudo tovi kaiyako me'no mollugolamo'mdupudorogano. Toro te yogalo su tooro nyodubwaso'moneyokweyoromaiyo. Toro tovino tov guu a'mwo su tooravuro mago tonyu neya duubutovogawono.

Hibruu 13:4

Aki kevu a'mwo kwolabolo yoma'nodupudo tovino aro kuudo neya jaurogaulo. Oo kwolabolo yoma'nyo'moneyokwe pasudo tov ilaiyo'mdeyo. Kuudo jaurogaulo. Aki yiuwi'nokai kwolabolo su teyaul kwonyalo yasuwa'no miyomollubullunono. Su tov aro tovinokwono. Gooti tool yiuwi'nokai kwonyalo yodupudo togai'aro abekuuko'mdeyo oo a'mwo kuuko'mdeyo yodupudo togai'aro tonyu kooti yogalo wiyowo'ji nerumwallonekono.