Muuduko 20:7 - Gooti Toolluro Yogalokwono

⁷ Toro te aga guu abolo su tovi gami kwolo toollomno aikomgu neya domorapiyono. Gamoro kwolo tool moro proofet pwekono. Toro tool guu nobolbiyokweyo'mo mi subusu'nyogalo anyudo'ji tov mabolbinekugono. Toro kuvi kuruv guu abolo tovi aikomgu mamorapibi to'gwowi nobolbinekugono. Aki guuge avalo kugai'aro yiuwi'nokai togaikul nobolpinogaikikono.” Kuudokaikono.

Muuduko 20:7 ပူးပေါင်းရင်းမြစ်များ

Muuduko 12:15

Toro kinuuwino sumaveyokwe Ijupda'ai mido mollomwalokwe Feroo toolluro a'mwo aguto pworo Saraiyovi wono'mno kemi aguto Feroo toollu abolo kwonopo su tovino kuudoporogano. Toro wuujuno sumaveyokwe Saraiyovi momworaro'mno Feroo toolluro ago tovi aulomorosopokwono.

Muuduko 12:17

Toro kwiyoka kuvi kuruv Gooti Yawel a'mwo aguto Feroo tooke'aro gamoro ago te kuulomwalodupudo togai'aro tonyu nobolluwuulo bwotonyo pun kuubweyokaikono. Feroo tool Eburamolluro abolo Saraiyovi amaroka tovino tov toro kuubweyokaikono.

Muuduko 2:17

Toro kuvi kuruv iko pwol gumiyo'mo kumakekono. Iko su toolluno yovo tov arokwono. Kuudo sugudo togai'aro kuudo ma'no ma'nodo togai'aro tonyu youromallo'molekono. Toro toolluro ikulsulo tov amuudanbi tov kuga'gwo kuuno nobolbinekugono.” Kuudokaikono.

Muuduko 20:3

Toro kuumokabopo kuvi kuruv surakuuto su tollugwoji Gooti tool Abimelekollu wojo tovi'aro bwiyalo'no'no aro kuudokaikono. “Abolo ama'mwakudo su tov a'mwo pwollurokwono. Toro tovi guu ama'bi tov nobolbinekugono.” Kuudokaikono.

Muuduko 20:8

Toro wuujuno sumaiyokwe Abimelekol lomwo iru'mago toga dukaino sumaiyokwe gami yiuwi'nokai womdokwe toorai ju'bworomaro'no wojo tovida'ai yiuwi'nokai kuuguudo su ton sodubwasokaikono. Toro sodubwasoka tovi wuu'no'mno luko bwotonyo sopogano.

Muuduko 23:6

“Nemi agutoloo, gumoro kaduko tov nekubweyo'bi gudano'mokwono. Nevu gumino tov aro kuudo yaguu'dowadekugono. Oo nemi Gooti toolluro mido mollonekumwallokweyoldeyo. Kuudo yaguu'dowadekugono. Toro tooku nemoro kwako akavida'ai a'mwo buuso sugudo puvi maro'bi gumi abebwiyo tovi nokwo molsosubinekugono. Gumi kuudo tovida'ai buro'nyo buro'nyo a'mwo buuso sugudo kwonbi tovi ma'do'bure tookuji nemida'ai a'mwo pwolnodo kwol kuruv gumi ku'nono maguumjukuronekono.”

Mollurolovomato 18:17

Moosesol toro kuudoka tovi ganyalumiyago Jetroo'wol aro kuudokaikono. “Gumoro womdo yodumdo su tov pi'mwono womdo miyodumdekugono.

Mollurolovomato 4:16

Toro te gumoro kuuguudo tov gumi judai'yago toolluro sumdo tovi Gooti toolluro kuuguudo to'busuko wimo'nonokwono. Toro tool gumoro mago tovino aiko toru marowo'ji guu kuuguudo wuudodo'bure tovi a'mwo abolo tonyu moruudonekono.

Mollurolovomato 7:1

To'no'gwowi Gooti Yawel Moosesollu aro kuudokaikono. “Moro yodo'mure tovida'ai guu Feroo toolluro sumdo tovi Gooti toonyubusuko wimo'nubinekugono. Aki nuu moro yogalo tovi mollajokwe a'mwo pworai uubweyodo'mure tooro moruudodupudo kubalno gumi judai'yago Eroonol gumoro yogalo tovi mollajokwe gujumo'nonekono. Toro tool gumoro yogalo tokwe Feroo toollu moruudonekono.

Kuurotokwe 8:24

Pitalluro su toro kuudoka tovino Saimoonol aro kuudokaikono. “Awi, kemoro yiuwi'nokai anyudumalo su tov kuvinono nonyumo'no'jo. Toro tovino tov Aguto tool neya nyo'mwojono'moneyokwe kevu subusu'nyogalo neya duudogaulo.” Kuudokaikono.

1 Koorin 14:4

A'mwo pwol gabovo yogaljo tovida'ai kuuguudo amoruudo'ji su tool gavnokweyolluro poowokalago tovi jurogudo duuwimwoju'nonekono. Toro kuvi kuruv a'mwo gabovo yogalo madodowodo pwolno'gwowi Gooti toolluro yogalo tokwe kuurokado mollajokwe su tool yiuwi'nokai Jisasolluro mollu'bwoto tobuurai jurogudo duuwimwojonekono.

Hibruu 1:1

Aiyoga Gooti tool nemi nellukweyago toorai gamoro yogalo tov proofet toorai'aro kuujajukekono. Toro tool bwotonyago toga judo'no judo'nodo tomgu'aro kuujajukekono.

Hibruu 13:4

Aki kevu a'mwo kwolabolo yoma'nodupudo tovino aro kuudo neya jaurogaulo. Oo kwolabolo yoma'nyo'moneyokwe pasudo tov ilaiyo'mdeyo. Kuudo jaurogaulo. Aki yiuwi'nokai kwolabolo su teyaul kwonyalo yasuwa'no miyomollubullunono. Su tov aro tovinokwono. Gooti tool yiuwi'nokai kwonyalo yodupudo togai'aro abekuuko'mdeyo oo a'mwo kuuko'mdeyo yodupudo togai'aro tonyu kooti yogalo wiyowo'ji nerumwallonekono.

1 Joon 5:16

Jisasolluro a'mwo pwekwo ma'no ma'no pasudo puruv yodowo'jure toollu gami avalo Jisasolluro a'mwo gabovo pwol kwono'ji tov subusu'nyogalo neya wuudoganonekono. Su toro kuudogano'ji tovi'aro a'mwo su tekwo aiyo mujomwekovlaiyo'moneyokwe tov Gooti tool nokwo wiyonekono. Aki a'mwo su toolluro ma'no ma'no pasudo tov yiunokuudo mabollo'mo'mno'juki Gooti tool aiyo mujomwekovlaiyo'moneyokwe tov kuvinono nuubweyonekono. Toro kuvi kuruv ma'no ma'no pasudo pworono'gwowi yiunokuudo nobollo'moneyokweyorogano. Toro te kevu a'mwo yiunokuudo bollo'moneyokwe ma'no ma'no pasudo yodowo'jure su toollu wiyo'mwojo'mo Gooti toollu subusu'nyogalo nuudumwalpiyo.