Muuduko 20:1 - Gooti Toolluro Yogalokwono

¹ To'no'gwowi Eburaiyamol Mamure toru wuugollu'mo'mno sumaiyokwe Negev tomuuno avlavokaikono. Toro plavo'no wagwolago Kadeseke Suuruke tovallu akuuto toru abomwalokaikono. Toro bomwalo'no aki lukomgu kwako su toru wuugollu'movo'no wagwolago Gerar tovino plavo'no su towai bomwallo sumo'nokaikono.

Muuduko 20:1 ပူးပေါင်းရင်းမြစ်များ

Muuduko 10:19

Toro te Kenanda'ai tooravuro kwako tonyuro senagu'nyo tov aro kworokakwono. Saidoonda'ai imom wonyo kwolmoka saut tomgu wagwolago Gerar tomuu'aro kworokakwono. Wagwolago su tov Gasa wobo toru kwoso. Aki kuujo tool sulopiyamoka tomguda'ai senagu'nyo tov aro kworokakwono. Wagwolago Soodoomke Goomoorake Atimakwe Sebooyimke Lasakwe tomuu'aro kworokakwono.

Muuduko 12:9

Toro towai wuugollu'mo'mno sumaveyokwe Eburameke ton kwako Negev'no avlavopogano. Toro ton plaino plaino sumaveyokwe go'no go'nodo tomuu amjo'movlaiyajupogano.

Muuduko 13:1

To'no'gwowi Eburam kwolaboleyauke'aro yiuwi'nokai gami kuunodo togai'aro Looteke'aro ton kwako Negev'no illo'mo ton Ijupda'ai sulapogano.

Muuduko 16:1

To'no'gwowi Eburamolluro abolo Saraiyov kwolaiyo pwolnodo kuruv nonagutokwono. Toro tov kwollukokwono. Toro kuvi kuruv gami Ijupda'ai ki'nato womdokwe abolo puruv kurukweyokwono. Abolo su tovino yovo tov Hegaiyoveyokwono.

Muuduko 16:14

Aki wonyo sumdo amwaloka su tovino yovo tov Biyalairoowiyovokwono. Wonyo sumdo su tov wagwolago Kadeseke Beredeke tovallu akuuto toru wo'dowodokwono.

Muuduko 16:7

Toro tov Suur tomuuno puuto tovi plaino sumaiyokwe kwako a'mwomaiyo kuu'maiyo toru ai'movokakwono. Toro ki'mo'mno sumaiyokwe wonyo sumdo puvi toru mwaloduke toga Gooti Yawelluro ensel tool buuru'maro'no

Muuduko 18:1

To'no'gwowi lukomgu Eburaiyamol Mamureyolluro iko tooro adaiyajupo tomuu kuuno mwaloduke toga Gooti Yawel abwiyalo'nokaikono. Toro abwiyalo'noka toga kuujo bwotonyo doduke tovino tov Eburaiyamol gami sel ago tovuro noullo toru amwalokaikono.

Muuduko 21:34

Toro te Eburaiyamol Filistiyada'ai a'mwo abolo tonyuro kwako toru bomwallo imo'nodowo manyu toga amwallajukekono.

Muuduko 24:62

Toruda'ai Aisakol Kenan'no plaiyo'moneyokwe kwako a'mwomaiyo kuu'maiyo Biyalairoowi toru wuugollu'mo'mno sumaiyokwe kwako Negev toru abwolomwalokaikono.

Muuduko 25:18

Lukomgu Isumaiyololluro jukweyago kwolaiyo tooro kwako Havilaike'aro Suuruke'aro tovallu akuuto toru abomwaloporogano. Kwako Suur su tov Ijup wobo toru Asiriya'no puuto tomuu wo'dowodorukono. Toro tooro kwako Havilaike'aro Suuruke'aro tovallu akuuto toru abomwalopo kworo kuruv Isumaiyololluro jukweyago kwolaiyo su tooro Aisakolluro jukweyago toorogai molo sunoporogano. Toro inyuno sumaveyokwe judo pumgu somuudeyomwaloporogano.

Muuduko 26:1

To'no'gwowi muju'wuulo bwotonyo puruv aiko te sumo'nokakwono. Muju'wuulo bwotonyo su tov aiyoga Eburaiyamol yere maboloduke toga muju'wuulo bwotonyo puruv sumo'noka to'busuko kubalno sumo'nokakwono. Toro te Aisakol Filistiyada'ai a'mwo aguto kig Abimelekollomno wagwolago Geraro'no avlavokaikono.

Muuduko 26:20

Toro also'mgonomaropo tovino Geraroda'ai sipsip duuwatokwe tooro Aisakolluro sipsip duuwatokwe toorai ga'gaivolo wiyo'mno aro kuudoporogano. “Wonyo su tov nemorokwono.” Toro kuudopo tovi Aisakolluro sipsip duuwatokwe toorogai molo yogalo sajunoporogano. Toro sajunopo tovino tov Aisakol wonyo buugo alsovomwollosungiko su tovino yovo tov Esekovo sowarokaikono.

Muuduko 26:26

Toruda'ai a'mwo aguto kig Abimelekeke'aro gami kuuguudo dumul'mwojokwe Ausateke'aro gami molo'mo a'mwo toorai mido mollomwalokwe Fikooleke'aro tooro wagwolago Gerar toru wuugollu'movo'mno Aisakollomno avlavoporogano.

Muuduko 26:6

Toro wuujuno sumaiyokwe Aisakol wagwolago Gerar su toru amwallajukekono.

Mollurolovomato 15:22

Toruda'ai Moosesol Isuraiyolda'ai tonyu mollubworomokavlavo'no Soolwara Weyako tovi kuugollu'movopogano. Toro wuugollu'mo'mno sumaveyokwe kwako a'mwomaiyo kuu'maiyo Suur dodupudo toru'no amollubworomokavlavokaikono. Toro ton plaino sumaveyokwe iruko pullapullu kuuwolo'nokagano. Iruko su tobuullu wonyo nyo'mo puru'monodo kuruv miyo'mgonomaropogano.

Jagillo 13:26

Toro tooro wolabino sumaveyokwe Mooseseke'aro Erooneke'aro yiuwi'nokai Isuraiyolda'ai a'mwo abolo togai'aro ton kwako Kades toru kuuno mwalodopure tonyu abwolluru'maroporogano. Toro abwolluru'maropo su towai kwako a'mwomaiyo kuu'maiyo Paran tomuu wo'dowodokwono. Toro towai bwolluru'ma'no sumaveyokwe kwako Kenan toru kwonomollopo tovino kuuguudo tov kuudoporogano. Toro wuujuno sumaveyokwe ikulsulo amuudomokwolabopo togai'aro kuuduuwalloporogano.