Muuduko 2:4 - Gooti Toolluro Yogalokwono

⁴ Kuuguudo akav Gooti Yawel sulugumdo tokwe kwako tokwe tovallu sokwollosoka tovinokwono.

Muuduko 2:4 ပူးပေါင်းရင်းမြစ်များ

Muuduko 1:1

Aiyoga muudu'nodo toga Gooti tool sulugumdo tokwe kwako tokwe tovallu sokwollosokavakono.

Muuduko 1:28

Gooti tool toro sokwollosoka tovallu sugudo tov uubweyo'moneyokwe aro kuudokaikono. “A'mwo abolo bwotonyago ton jawosungovlavogaulo. Yo'bullu kemoro kwolaiyo taiyo ton kwako akavi aiyowomno mwolopipinogano. Toro mwolopiyopi toga yiuwi'nokai kwako akavida'ai tonyu mollomwalpinogano. Yiuwi'nokai domwoga toorogai'aro dokato toorogai'aro yiuwi'nokai aiyokwe ibesa'aiyo toorogai'aro toorai mido mollomwalpinogano.” Kuudokaikono.

Muuduko 1:3

Toruda'ai Gooti tool aro adokaikono. “Bako puruv neya imo'nono.” Toro adoka toga bako tov kuvinono sumo'nokakwono.

Muuduko 1:31

Toro te Gooti tool yiuwi'nokai ajokwollosoka tonyu wonyuno sumaiyokwe aro adokaikono. “Oo sugudo kuunodogano.” Adokaikono. Toro te iruko su tollugwojuro surakuuto tov me'no uuwolo'no'no lomwo sullourosokakwono. Toro illourosuno sumaiyokwe iruko naba 6 tollugwo me'no abawokakwono.

Muuduko 1:4

Gooti tool bako su tovi sumdo wonyuno sumaiyokwe adokaikono. “Oo sugudokwono.” Toro juno sumaiyokwe dugumdo tokwe bako tokwe tovallu pumgu pumgu amomuudeyosokaikono.

Muuduko 10:1

To'no'gwowi buuru'allako bwotonyo tov me'no abawoka toga Noowalluro muugunyo Semeke Hameke Jafeteke tooro kwolaiyo pworo sawosunoporogano. Toro todorotavuro kwikweyago kwolaiyo abillumo'nopo tooraino yovo tov arorogano.

Muuduko 11:10

Kuuguudo akav Semolluro kwikweyago kwolaiyo toorainokwono. Semol buuru'allako tov me'no abawoka toga kworomo pullal mwalno sumaiyokwe 100 kworomokwe tool kwolaiyo pwol sawosunokaikono. Kwolaiyo su toolluno yovo tov Apakisatolo sowarokaikono.

Muuduko 2:3

Toro te Gooti tool iruko su tollugwoji sugudo tov uubweyo'no aro adokaikono. “Iruko su tollugwo yiuno nuvnokwenyo'mo ajesumollugwogano. Toro tovino tov judo pumgu'arollugwogano.” Gooti tool yiuwi'nokai tonyu me'no yokwollopino sumaiyokwe iruko to'no amwalokaikono. Iruko su tollugwoji iruko amwaloka tovino tov sugudo adubweyokaikono.

Muuduko 25:12

To'no'gwowi Eburaiyamolluro muugunyo Isumaiyolol kwolaiyo pworai sawosunokaikono. Muugunyo su tool Ijupda'ai abolo Hegaiyov Saravuro ki'nato womdokwe tovuro somarokaikono.

Muuduko 25:19

Kuuguudo akav Eburaiyamolluro kwolaiyo Aisakollunokwono.

Muuduko 5:1

Kuuguudo akav Adamolluro kwikweyago kwolallo sumo'nopo tonyunokwono. A'mwo abolo su tonyu Gooti tool gavubusuko sokwollosokagano.

Mollurolovomato 15:3

Toro toolluno yovo tov Gooti Yawelekono. Gooti Yawel su tool amuulokaikono.

Mollurolovomato 6:16

Aki Jekoopolluro muugunyo lukomguda'ai Livaiyolluro kwolaiyo sawosunoka tooraino yovo tov Gesooneke Koohateke Merariyeke toorai sawosunokaikono. Livaiyol 137 kworomokwe tool abolokaikono.

Adodolukuu'nosungiko 1:4

Nuvu Joononyu kevu kwako Esiya tomuuda'ai Jisasolluro 7-pela mollu'bwoto go'no go'nodo togaikullu pas akav sokwollekwopiyamono. Toro togaikulluno nuvu aro nyunodowodonyugono. Gooti tool gamoro yasuwa'wino sugumaluko tokwe'aro sumwoluko kavo wosunyo'mo tokwe'aro toval nokwo ikubwemwalonekono. Agasuro Gooti mwalodowodo su tool aiyoga amjomwekelabiyajukekono. Aki lukomgu kuga kuruv kuuno mujomwekovla'mwalonekono. Aki Gooti toolluro Kuullo kwol kuruv gamoro yasuwa'wino sugumaluko tokwe'aro sumwoluko kavo wosunyo'mo tokwe'aro toval kemi nokwo aikubweyogawono. Gooti toolluro Kuullo su tool 7-pela kuullo toorobusuko imo'nodowodekono. Toro tool Gooti toolluro sia kig tovi sumdollu toru ilomwalodowodekono.

Adodolukuu'nosungiko 1:8

Gooti Aguto tool aga kuuno mujomwekovlaiyokwekono. Aki toro tool yiuwi'nokai aiyoga toga amjomwekelabiyajukekono. Aki toro tool lukomgu kuga kuruv yiunokuudo nomjomwekovla'mwalonekono. Aki Gooti su tool Jurogudo Kuunodekono. Toro tool aro dodowodekono. “Nuvu Muudu'no Kuunodolenyugono. Aki toro toonyu Aiyowo'mo Kuunodolenyugono.” Dodowodekono.

Adodolukuu'nosungiko 11:17

Toro tooro Gooti toollu ilomoropiyo'moneyokwe aro adoporogano. “Oo guu Gooti Aguto tooku Jurogudo Kuunodekugono. Guu judo tooku aiyoga yiuwi'nokai toga mwalno mwalno sajudo su tooku aki aga kuga kuruv kuuno mujomwekovla'mdumdekugono. Toro tookujuno, Nenoloo, agudumawono. Gumino su toro agudumawo tov aro tovinokwono. Aga gumi jurogudo aguto tov me'no ma'dum guu aguto kig tookujuro mido mollomwalo tov kuvinono amomjomwekovla'mwakudekugono.

Adodolukuu'nosungiko 16:5

Toro imo'nyuno sumaveyokwe nuu ensel pwol yiuwi'nokai wonyo tonyu mollomwalodowodo toollu kwononyugono. Toro toolluro deko tov aro doduke tovi kuu'nonyugono. “Oo Gooti sugumaluko to'nodo tooku aiyoga yiuwi'nokai toga amjomwekelabiyajudekugono. Toro tooku aga kuga kuruv kuuno mujomwekovla'mdumdekugono. Guu a'mwo abolo kaiya'no kuumwiyo tonyu kirumwallo'moneyokwe tabunyuwuulo amorapimado su tov yiuno sugudo to'no sumodekugono.