Muuduko 2:24 - Gooti Toolluro Yogalokwono

²⁴ Kwolabolo yoma'nyo'mo pasudo tov toro tovida'ai sumo'nokakwono. Toro te a'mwo pwol gami kuunum kwolabolo teyaullu wuugollu'mowo'ji abolo puruv maronekono. Toro teyaul guro'mwonyo'bullu kulako puru'mono imo'nubulluneyaukono.

Muuduko 2:24 ပူးပေါင်းရင်းမြစ်များ

Muuduko 4:19

Aki toruda'ai Lamekol abolo puruval amarokaikono. Toro tovalluno yovo tov Adakwe Silakwe tovallu amarokaikono.

Kuurotokwe 11:23

Toro amorapiyopo tool plaino sumaiyokwe wagwolago su tovi ki'movo'no Gooti tool a'mwo abolo su tonyu gamoro yasuwa'wino sugumaluko uubweyoduke tovi kwonokaikono. Toro kwonoka tovino ilaiyo bwotonyo sokaikono. Toro tool a'mwo abolo su tonyuro poowokalago tovi jurogudo duuwimwojo'moneyokwe aro kuudokaikono. “Kevu Aguto toollu kisuvolo nuuwimwalpiyo. Toro kugaikul kuruv kemi poowokalago tokwe po'dogalo neya duumjunogaulo.” Toro kuudokaikono.

Room 7:2

Kavlo su tovino po'dogalo youromapino'moneyokwe kevu yovekurajo akavi duu'nyulo. Abolo puruv a'mwo pwollu kuuma'no'ji toga yiuwi'nokai teyaul kwolabolo ton nyeru'mdeyapinpiyokwe loowo tovi dolago tomuu mwalmwalbulluneyaukono. Toro mwalodo'bule toga abolo tov gami kwolo toollu ru'mdowapiyowo'ji a'mwo muuduko pwollu kuuma'no'ji tov abolo tov loowo su tovi kisuvolo wiyonokwono. Toro tov kwonyalo abolo imo'nonokwono. Toro kuvi kuruv gami kwolo tool me'no abolo'ji toga'no'gwowi abolo tov nyeru'mdeyapinyo'moneyokwe loowo tovida'ai birolo'nugolokwowo'ji yasuwa'no nokwo mwalonokwono. Su toro toga a'mwo muuduko pwollu kuuma'no'ji tov loowo tovi kisuvolo miyonokwono. Aki toro tov kwonyalo abolo mimo'nonokwono.

1 Timooti 5:14

Su toro tovino tov nuu guureji aro daikumul'mwojumo'mokwono. Abekanyo muugunyunodo ton kemi kwolo muuduko toorai yere neya yo'mgonoma'mwalpinogano. Toro ton kwoloraiyo yawosunopi kemi ago tonyu kuulomwalodopure tobuurai nokwo mollomwalmwalpinogano. Su toro supi tov ikomago pwol kemi bwolomorumwogapiyo'moneyokwe kaiya'no yogalo wuujo'mo kuruv ku'nono madonekono.