Muuduko 19:5 - Gooti Toolluro Yogalokwono

⁵ Toro bilomwodovoma'no sumaveyokwe toga Lootollu deko guureji aulodomaroporogano. Toro tooro mebweyogalo aro aduuwiyoporogano. “A'mwo amokamodo tooral gadomuu domwakulo? Nevu a'mwo su to kworallu nogalamuulano'moneyokwe guu julomovomjopiyabono!” Aduuwiyoporogano.

Muuduko 19:5 ပူးပေါင်းရင်းမြစ်များ

Muuduko 19:6

Toro aduuwiyopo tovi Lootol gami ago tovida'ai bolokwino sumaiyokwe toga kudo'aiko tov amallukurokaikono.

1 Koorin 6:9

Kevu aro kuudo me'no youroma'dupudogaikikono. A'mwo abolo ma'no ma'nodokwe ton aguto kig Gooti toolluro mido mollomwalo tovi anakuuto tomuu ku'nono maulomwalpinogano. Toro tovino tov a'mwo pworo aro nyoukuu'naikudupiyo. “Ma'no ma'no mujumovla'mdupudo ton aguto kig Gooti toolluro mido mollomwalo tovi nokwo kuulomwalpinogano.” Nyoukuu'naikudupiyo. A'mwo abolo kwonyalo yodupudodeyo oo kuunano gooti pworai ilomoropiyodapudodeyo oo abekuuko yodupudorodeyo oo a'mwo pworo a'mwo pworogai imgu amgu kwonyalo inodupudorodeyo oo

1 Timooti 1:10

aki a'mwo abolo kwonyalo yodupudo togai'aro aki a'mwo tooro a'mwo pworogai kwonyalo inodupudo toorogai'aro aki ki'nato womdo neya ipureyokweyo'mo a'mwo abolo pubuurai ipolomokabodupudo toorogai'aro kuunano yogalo youkuu'nadodupudo toorogai'aro aki kooti yogalokwe toga kuunano youkuu'nadodupudo toorogai'aro aki kuuguudo idopto'nodo ibwasodopure tovi molo wiyodupudo toorogai'aro yiuwi'nokai su tooraiyomno Gooti tool gamoro loowo tov amoropiyabokaikono.

2 Timooti 3:13

Toro kuvi kuruv a'mwo kirovanyuvanyu kiroungovla'mdupudo toorogai'aro kuunano yogalo youkuu'nuudodupudo toorogai'aro tooravuro ma'no ma'no pasudo tooro kuuno mujumo'nugelabino mujumo'nugelabino yopi yiuno ma'no ma'no kuumwiyo to'no imo'nugelamwalpinorogano. Aki kevnokwe su tooro imgu amgu kuunano yogalo to'no youkuu'najunmwalpinorogano.

2 Pita 2:2

Kuunano proofet su tooravuro mujeroungovla'mdopure tovida'ai Jisasolluro mollu'bwoto tonyuda'ai a'mwo abolo bwotonyago ton uumjunopi aval'no mujeroungovla'mwalpinogano. Aki Jisasolluro a'mwo abolo pun su toro mujeroungovla'mdopure tovino tov a'mwo abolo gabovo punyuro sumdo tovi puuto nebal'nodo uumjunodowado toolluno kaiya'no yogalo bwolomorumwogapiyapinogano.

2 Pita 2:7

Aki su toro toga Gooti tool a'mwo idopto'nodo Lootollu kirumwallo su tovi nomaro'jokweyo'mo abomollurolovomokalokwokaikono. Lootol a'mwo abolo tonyuro kemi kulako togai yasuwa'no luverounomollo'moneyokwe pasudo yodopure toorai wonyapino to'no yodowo jul'nyo bwotonyo subwosungovlaiyajukekono.

Juut 1:7

Aki puruv aiyoga wagwolago Soodoomke Goomoorake tovalluda'ai a'mwo abolo amwallajupo togai'aro wagwolago woboruda'ai a'mwo abolo togai'aro su ton kwonyalpasudo tokwe airoungovlaiyajupogano. Toro tooro kemi kulako tonyuda'ai kwonyalpasudo judo pumgu'aro punyu uumjunodupu a'mwo tooro a'mwo pworogai sumwonyo sajuporogano. Gooti tool wagwolago su tovalluda'ai a'mwo abolo su toro kiroungovla'mdopure tonyu duko manebuulopiyodowodo tokwe kaiyako yiunokuudo airumwallokaikono. Gooti toolluro su toro airumwalloka tovi nevu me'no kwonoma'mwakuuwo tonol aiyogasuro a'mwo su toorobusuko nyumwala'jo.