Toro te Saraiyov Eburamollu aro kuudokakwono. “Mi kwololoo, guu neya donuwonono. Nuvu kwoloraiyo imo'nyo'mo tov Gooti Yawel me'no anyujuguroka'migono. Toro tovino tov guu moro ki'nato womdokwe abolo akakwe doulomollarono. Toro tov kwoloraiyo pwol nokwo yonumallono'mdukoneyokwe doulomollarono.” Kuudokakwono. Saraiyov toro kuudoka tovi Eburamol kaduko kwiyokaikono.
Muuduko 19:31 - Gooti Toolluro Yogalokwono31 Lukomgu iruko pullugwoji taiyo sumdomguda'ai tov gami ganabwiyago tovi aro kuudokakwono. “Nami nallunumiyago tool yago imo'nono'mekono. Aki yiuwi'nokai abolo kwako akavi mwalodupudo ton kwolo uuma'nodupudogano. Toro kuvi kuruv akawai nami nakumallo'mo to'gwowi a'mwo pworo nonagutomuugono. အခန်းကိုကြည့်ပါ။ |
Muuduko 19:31
10 ပူးပေါင်းရင်းမြစ်များ
Toro tool wolno sumaiyokwe wagwolago Soodoomke Goomoorake tovake yiuwi'nokai kwako wora'maluko toruke tomuu kwoloonyopiyokaikono. Toro woloonyopino sumaiyokwe yiuwi'nokai kwako su tovi juto tov aiyowomno biloduke kwonokaikono. Juto kwonoka su tov duko bwotonyo bonugelodowo'jure tovida'ai bilodawodo to'busuko kubalno kwonokaikono.
To'no'gwowi Adameke gami abolo Iviyokwe teyaul sumwonyo ino sumaleyokwe kwolaiyo sumwoluko sumo'nokakwono. Toro tov a'mwo toolluro kwolaiyo pwol yoma'no sumaiyokwe aro sajunokakwono. “Oo Gooti Yawelluro mollonumwaloduke tovida'ai kwolaiyo akal joma'mono.” Toro yajunyuno sumaiyokwe kwolaiyo toolluno yovo tov Kenolo amullowarokakwono.
Su toro toga a'mwo bwotonyo kumiko kuunodo pworo kwako akai amwallajuporogano. Aki lukomgu Gooti toolluro iko tovasuda'ai su tooro a'mwo tooravuro sujuraiyo togai woro'mno kwoloraiyo sawosunyajuporogano. Toro yawosunyuno sumaveyokwe toga a'mwo amuuloka kuunodo pworai sumo'nyajuporogano. Toro tooro a'mwo aguto yovokwe tooro sumo'nyajuporogano.
ကြော်ငြာတွေ