Muuduko 19:30 - Gooti Toolluro Yogalokwono

³⁰ Toruda'ai Lootol wagwolago Soowar towai mwallo'mo luko yo'no gami taiyo tovake'aro momworaro'no lukado avlavoponumdotogano. Toro ton muumuudo toorai tomuu ilno sumaveyokwe sumago pwollu tomuu aulomwalopogano.

Muuduko 19:30 ပူးပေါင်းရင်းမြစ်များ

Muuduko 13:10

Toruda'ai Lootol wonomolluno sumaiyokwe Soowar tomgu kwonoka tov kwako wora'maluko puruv wonyo Joodanov kwolmoka tomgu wolo'duke tovi kwoloonyopiyokaikono. Toro woloonyopino sumaiyokwe aro adokaikono. “Kwako akaibiv Gooti Yawelluro womdo Iden to'busukorukono. Wonyo kwolmoka tovi wobo toru wo'dowodo tovino tov woguulkwako bwotonyokweyorukono. Aki Ijupda'ai kwako to'busukorukono.” Adokaikono. Su toro toga Gooti Yawel wagwolago Soodoomke Goomoorake tovallu kaiyako yere mamollounapiyoduke toga kwonokaikono.

Muuduko 14:22

Soodoomda'ai a'mwo aguto kig tool toro kuudoka kuvi kuruv Eburamol aro kuudokaikono. “Gooti Yawel kwako tokwe'aro sulugumdo tokwe'aro tovallu sokwollosokaikono. Gooti Yiuwi'nokai Tonyu Uuwolo'mdowodo su toollu subuu'yamju aro me'no kwiyonyugono. Nuu gumoro buro'nyo buro'nyo kuto ivitodeyo ton puru'monodo kuruv mama'monyugono. Noonyumwonyu sullekwojudeyo oo suulpweyo'mdeyo puru'monodo kuruv mama'monyugono. Gumoro kuto ivito ama'mi tov guu lukomgu ilomoropunyu kuudo yauro'bi aro nonyudubiyo. “Oo moro kwiyo tovida'ai Eburamol kuto ivito bwotonyagokwe jumo'nadopiyo.” Toro nonyudubiyokweyo'mo tov

Muuduko 19:17

Wagwolago tovida'ai bomogaibworomokalokwino sumaleyokwe aro amadolorakono. “Kevu nobolpiyokweyo'mo tov lukado neya dovlaiyulo. Toro plavopi toga aikomgu gunyubwosumdo mipinono. Aki kwako worato su toru mamwalpinono. Toro kugaikul kuruv yiuno muumuudo tooraiyomno kano kano juloulo.” Amadolorakono.

Muuduko 19:19

Guu mino kalo bwotonyo gujunodowo nobolo'jokweyo'mo anyo'mwojumadekugono. Toro tekwonyu gumoro womdokwe pwolbusuko agujumo'numono. Toro kwonyu kuruv muumuudo tooraiyomno ku'nono milamekwonyugono. Guu kaiyako mollounapiyodo'bure toga nuu muumuudo tooraiyomno avla'mi tov tabunyu su tov nuu kwonyuda'ai numarowo'ji nobolmiyo.

Loowo 34:3

Aki Juudada'ai kwako su tovi imomgu kwako Negev tov kurukwe'aro kuuduuwallokaikono. Aki kwako worato purukwe'aro kuuduuwallokaikono. Kwako worato su tovi wagwolago Jerikoo tov wo'dowodorukono. Wagwolago su tovino yovo puruv, Iko det womdokweyoveyorukono. Toro towaida'ai wuuduuwalluno sumaiyokwe yiuno Soowar toru'no kuuduuwallokaikono.

Jems 1:8

Su tov aro tovinokwono. A'mwo kuudo noullo maullo yau'dowodo su toolluro kuudo ton me'no jopolapinodupudogano. Toro to'busuko kubalno a'mwo su toolluro yiuwi'nokai pasudo kunyu kuruv go'no go'nodo tomuu'aro uumjungovla'mdowodekono.