Muuduko 19:19 - Gooti Toolluro Yogalokwono

¹⁹ Guu mino kalo bwotonyo gujunodowo nobolo'jokweyo'mo anyo'mwojumadekugono. Toro tekwonyu gumoro womdokwe pwolbusuko agujumo'numono. Toro kwonyu kuruv muumuudo tooraiyomno ku'nono milamekwonyugono. Guu kaiyako mollounapiyodo'bure toga nuu muumuudo tooraiyomno avla'mi tov tabunyu su tov nuu kwonyuda'ai numarowo'ji nobolmiyo.

Muuduko 19:19 ပူးပေါင်းရင်းမြစ်များ

Muuduko 12:13

Toro tovino tov guu mino tov aro neya wuudubino'guugono. “A'mwo akal mi nyo'mwekono.” Toro kuudubi tov maromiyanubweyopi ilaiyo to'no manyupinonyugono.” Eburamol gami abolo tovi toro amadokaikono.

Muuduko 19:18

Toro amadolo kuvi kuruv Lootol ensel su tooralluro pwollu aro kuudokaikono. “Mi agutoloo, nuu kumuuno milamekwonyugono.

Muuduko 19:20

Toro tovino tov guu wagwolago kula'nyo akaijuvi doonono. Nuu nobolmiyokweyo'mo tov wagwolago kula'nyo su tovi nokwo kuulamonyudukono?” Lootol toro kuudoganokaikono.

Muuduko 19:30

Toruda'ai Lootol wagwolago Soowar towai mwallo'mo luko yo'no gami taiyo tovake'aro momworaro'no lukado avlavoponumdotogano. Toro ton muumuudo toorai tomuu ilno sumaveyokwe sumago pwollu tomuu aulomwalopogano.

Muuduko 39:4

Toro kuudo yau'no sumaiyokwe Pootifal Joosepolluno ilaiyo winodowo gami do'nuwimwalono'moneyokwe ajesokaikono. Aki gamoro agwapto toruke'aro yiuwi'nokai ago tovi kuulomwalodupudo togai'aro tonyu mido mollomwalo imwalono'moneyokwe ajesokaikono. Toro ajesoka togada'ai Gooti Yawel Joosepolluno kuudo yau'dowo Ijupda'ai Pootifalluro yiuwi'nokai agwapto towaida'ai womdo tonyu sugudo kuubweyajukekono. Yiuwi'nokai ago kuulomwalodupudo togai'aro kwa'mguda'ai wosamuju'womdodeyo togai'aro tonyu sugudo kuubweyajukekono.

Muuduko 6:8

Gooti Yawel toro adoka kwol kuruv Noowalluno'gwowi wono'no ilaiyo to'no amollokaikono.

Kuuguudo Sugudo akav Makolluro sakwollokakwono Mak 9:19

Toro kuudoka tovino Jisasol kuudokaikono. “Kevu agasuro a'mwo abolo togaikul Gooti toolluro jurogudo tovino kuudo muubwemwakopogaikikono. Nuu kevuge manyu toga me'no mujomwekovla'mdumdonyugono. Aki manyu toga kemoro jul'nyo toorai mollovo'dogalomwalodumdonyugono. Toro kuvi kuruv kevu kuudo po'dogalo miyou'movla'mdupudogaikikono.” Toro wuujuno sumaiyokwe kuudokaikono. “Kwolaiyo toollu donumokabilo.” Kuudokaikono.

Luuk 1:58

Toro somaroka tovino a'mwo abolo pun aro ajunopogano. “Oo Aguto tool Elisabetovi kalo amamwonyumaiyoo,” sajunopogano. Toro yajunodopure tovi a'mwo abolo pun Elisabetovuro ajumiyo avalo tovi mwalodupudo togai'aro aki gami avalo kuunodo togai'aro ton wuu'nyuno sumaveyokwe Elisabetokwe ilaiyo bwotonyo sopogano.

Room 8:31

Gooti tool sugudo tono tono yanekullugolodowodekono. Toro tovino tov kuudo puruv aro neya yaurogawano. Ikomago pwol nemi kaiyako yanekullugollo'mo so'ji kuvi kuruv Gooti tool nemi mollonekuda'mdowodo tovino tov nevu ikomago nonagutokwe tonolbusuko imo'nanonogano.