Toro kuudoka tovi Gooti Yawel aro kuudokaikono. “Nuvu kworomo aikomguda'ai tovi lobako akalbusuko toga akawai'no aikomgu nobumonyugono. Su toro toga gumoro abolo Sarav kwolaiyo pwol me'no mulomwora'dowo'jure tovi nobumonyugono.” Kuudokaikono. Toro wuudoduke toga Sarav a'mwo su toolluro buulo tomuu davo'no gami sel ago tovuro noullo toruda'ai au'nallajukokwono.
Muuduko 18:9 - Gooti Toolluro Yogalokwono9 Toruda'ai a'mwo su tooro Eburaiyamollu aro kuudoganoporogano. “Gumoro abolo Sarav gadomuu domwallo?” Toro kuudoganopo toorai Eburaiyamol kuudokaikono. “Sel ago akavi nomwallo.” အခန်းကိုကြည့်ပါ။ |
Muuduko 18:9
8 ပူးပေါင်းရင်းမြစ်များ
Toro te buulmokau muugupto togai'aro buulmokau amuunallo wuullokwe togai'aro aki buulmokau amuunallo pollodeyokwe togai'aro ton so'moveralokaikono. Toro togai irolomwora'no sumaiyokwe Eburaiyamol a'mwo pworapwol toorai kuumokabokaikono. Toro te a'mwo pworapwol su tooro iko toolluro du'gurolo towai nomwalodopure toga Eburaiyamol a'mwo su toorai wobo toru amollodaiyajukekono.
Toro te Aisakol Rebekavi gamiyo'mo abolo amarokaikono. Toro ma'no sumaiyokwe Aisakol gami ganeyago Saravuro sel ago amwallajuko tovi gami abolo tokwe mokaula'no amwaloleyaukono. Toro te Aisakol gami ganeyago me'no aboloka tovino kalo'mo sajukekono. Toro kwol kuruv abolo tovi maro'no kalo buuropino amolloka toga'no'gwowi gamoro kalo tov dugoga kwirovokaikono.
Me'no romiyosuno sumaiyokwe mwaloduke toga Gooti Yawel Kenollu aro kuudoganokaikono. “Gumi jugwai'yago Ebelol gadomuu dukomwallo?” Kuudoganokaikono. Toro kuudoganoka toga Kenol kuudokaikono. “Awiyo. Nuu su to kwollu mwonumwakonyugono. Nuu mi nyugwai'yago toollu mollomwalokwenyumaiyo.” Kenol toro kuudokaikono.
Aki abewalo su ton pi'mwo kuudo tokwe neya yomjomwekovlavopi pasudo kaiya'no mollugolamo'nyo'moneyokwe su toorogai yiuno nonagutokwe to'no neya imo'numwalpinogano. Aki kemoro ago tovida'ai yiuwi'nokai womdo wo'dopure tonyu neya mollomwalmwalpinogano. Aki yiuwi'nokai a'mwo abolo tonyu ilaiyo neya igolmwalpinogano. Aki kemi kwolo toorai kwako tomuu'aro neya wipuro. Su toro tomgu'aro amjumovlapi tov a'mwo abolo kwa'mguda'ai ton Gooti toolluro kuuguudo tovino kaiya'no yogalo mabwolomodomorumwogapiyapinogano. Abolo yadainyunodo ton su toro tonyuno neya yodubwasumwalpinogano.
Toro plaino sumaiyokwe Gooti toolluro kwako wiyo'mo subuu'yamju kwiyoka su tomuu ai'movokaikono. Toro ki'mo'mno sumaiyokwe toga Eburaiyamol Gooti toolluno kuudo uubweyodowo kwako su tomuu amwallajukekono. Kwako su toru Eburaiyamol a'mwo pumuuda'ai bomwallo toolbusuko imo'nodowo yiuno sel ago to'no amodallajukekono. Aki Aisakeke'aro Jekoopeke'aro kworal kuruv sel ago to'no amodallajulorakono. Toro te Eburaiyameke'aro a'mwo su toorake'aro yiuwi'nokai tooro Gooti toolluro subuu'yamju avalo tovi me'no amallajuporogano.
ကြော်ငြာတွေ