Muuduko 18:7 - Gooti Toolluro Yogalokwono

⁷ Eburaiyamol toro wuujuno sumaiyokwe toga bolokwo'no gami buulmokau wuulo ki'duvolodopure tooraiyomno kano kano avlavokaikono. Toro tool buulmokau aiyobwopto sugudo pwol yenyubworoma'no sumaiyokwe gami womdokwe pwollu doto yono'moneyokweyo'mo kuumallokaikono. Toro kuumalloka tovi womdokwe tool yere sovrowosokaikono.

Muuduko 18:7 ပူးပေါင်းရင်းမြစ်များ

Muuduko 18:6

Toruda'ai Eburaiyamol sel ago tovi yere kuula'no gami abolo Saravi auluudokaikono. “Guu flauwa sugudo pun kuto puruvapuruv tovida'ai dodoluvaguro'mwojono. Toro doluvaguro'mwojo'bi doto yere jono.” Kuudokaikono.

Muuduko 18:8

Toro te buulmokau muugupto togai'aro buulmokau amuunallo wuullokwe togai'aro aki buulmokau amuunallo pollodeyokwe togai'aro ton so'moveralokaikono. Toro togai irolomwora'no sumaiyokwe Eburaiyamol a'mwo pworapwol toorai kuumokabokaikono. Toro te a'mwo pworapwol su tooro iko toolluro du'gurolo towai nomwalodopure toga Eburaiyamol a'mwo su toorai wobo toru amollodaiyajukekono.

Muuduko 19:3

Toro kuudolo kworallu kuruv Lootol guureji aduuwiyokaikono. Toro duuwino sumaiyokwe Lootol a'mwo tooralluda'ai gamoro ago tovino mokabino sumaiyokwe aulaporogano. Toro kuulno sumaveyokwe Lootol kemi nonyo'mo wosamujuko bwotonyago ton sovrowosokaikono. Toro te Lootol bret tov nomunyo'moneyokwe yis nonaguto tokwe ailokaikono. Toro kilno sumaiyokwe wosamujuko ton anomwaloporogano.

Matyuu 22:4

Toro te a'mwo aguto kig tool aki aiko te gami ki'nato womdokwe pworai modapiyo'no aro kuudokaikono. “Kevu bolokwopi a'mwo abolo lubullu doto tovi biyanyo'moneyokwe me'no ajesungiko tonyu duujulo. Oo a'mwo aguto kig tool gamoro wosamujuko ton me'no sovrovaikubwemokaikono. Aki toro tool buulmokau toorogai'aro buulmokau taiyo inuuguutowopinodo toorogai'aro toorai movailodowo muugupto ton me'no adovorojosumokaikono. Aki yiuwi'nokai lubullu doto tovi yanyo'moneyokwe wosamujuko ton me'no sovrowosumokaikono. Toro te kevu lubullu doto su tovi neya biyonomwallulo.” Toro duujulo.” Kuudokaikono.

Luuk 15:23

Aki buulmokau taiyo bwotonyo novelanyo'mo tooke'aro movomokabopi ilaiyo bwotonyo yowa'ji lubullu doto yananokwono.

Luuk 15:27

Toro samuugojoka tovi a'mwo womdokwe tool kuudokaikono. “Oo gumi jugwai'yago tool kaiyako miyo'mgonomaro'no ilaiyo abai'mo'moka toolluno junumiyago tool buulmokau taiyo bwotonyo toollu romiyodowo lubullu doto ajanmwakovo,” kuudokaikono.

Luuk 15:30

Toro kuvi kuruv gumi kwolaiyo akalno'gwowi gami yiuwi'nokai nuugwiyo ton kwonyalabolo tonyu me'no younopiyodowo abai'mo'moka toolluno buulmokau taiyo bwotonyo toollu lubullu doto janmwakovo,” kuudokaikono.