Muuduko 18:32 - Gooti Toolluro Yogalokwono

³² Toro kuudoka tool Eburaiyamol kuudokaikono. “Agutoloo, nuu aiyowo'mo gumi gudoganodo'mure toga guu surodo'mo nonyubiyo. Toro te aiyowo'mo tov aro gudoganumo'mekwonyugonoo. Wagwolago akaibivi yiuno a'mwo atousal sugudo yodupudo toorai kwonbi kuruv kaiyako nyugolbinekudukono?” Toro kuudoganoka tovi Gooti Yawel aro kuudokaikono. “Nuvu a'mwo atousal sugudo yodupudo toorai kwonmi kuruv wagwolago tovi kaiyako migolmonyugono.” Kuudokaikono.

Muuduko 18:32 ပူးပေါင်းရင်းမြစ်များ

Muuduko 18:30

Aki Eburaiyamol aro kuudokaikono. “Agutoloo, nuu aki aiko te agudoganmi tekwonyuno surodo'mo nonyubiyo.” Toro wuujuno sumaiyokwe kuudoganokaikono. “Guu yiuno 30-pela a'mwo sugudo yodupudo toorai kwonbi kuruv wagwolago tovi kaiyako nyugolbinekudukono?” Toro kuudoganoka tovi Gooti Yawel kuudokaikono. “Nuu 30-pela a'mwo sugudo yodupudo toorai kwonmi kuruv wagwolago tovi kaiyako migolmonyugono.” Kuudokaikono.

Muuduko 18:31

Aki Eburaiyamol kuudokaikono. “Agutoloo, aki aiko te gumi gudoganyo'mo tov mi anuwoso. Toro tekwonyu guu yogalo nomodanyurugolbiyo. Toro te aro gudoganumo'mekwonyugono. Wagwolago akaibivi yiuno 20-pela a'mwo sugudo yodupudo toorai kwonbi kuruv kaiyako nyugolbinekudukono?” Kuudoganokaikono. Toro kuudoganoka tov Gooti Yawel kuudokaikono. “Nuu 20-pela a'mwo sugudo yodupudo toorai kwonmi kuruv wagwolago tovi kaiyako migolmonyugono.” Kuudokaikono.

Muuduko 44:18

Toruda'ai Juuda'wol Joosepollu wobo toru bo'no aro abuudokaikono. “Oo mi agutoloo, guu a'mwo aguto Feroo toolbusuko anyumo'nadokuuno. Toro tookuji moro yogalo pwekwo agudumi tovino guu surodo'mo nonyubiyo.” Kuudokaikono.

Mollurolovomato 32:14

Moosesol toro wuujuno sumaiyokwe Gooti Yawel Isuraiyolda'ai tonyu kaiyako igollo'mo soka kwol kuruv kuudo muuduko yauro'no kaiyako migolokaikono.

Matyuu 7:7

Kevu Gooti toollu noonyumwonyu punyuno subusu'nyogalo kuudoganpi tov kuvinono nekullabwonekono. Gooti toolluro ilaiyo winodowo'jure kuudo tollovai kevu yo'mgonomallo'mo a'mgono supi tov kuvinono yo'mgonomapinogaikikono. Kevu kudo'aiko tovi iwago aromipi tov Gooti tool kemiyo'mo kudo'aiko kuvinono nousaikubweyonekono.

Efesos 3:20

Gooti tool gavnokweyolluro jurogudo tokwe nemoro poowokalago tonyu guureji danekullumwojodowodekono. Gamoro jurogudo su tov womdo nekulloduke tovi'aro buro'nyo buro'nyodeyo pun yo'mo kwino'ji kuvinono nokwo yonekono. Noonyumwonyu punyuno kuudogana'jo'mdeyo oo kuudo to'no saura'jo'mdeyo kuruv nokwo yonekono. Aki muunyu toru gavnokweyolluro pugai'aro nokwo yonekono. Toro toolluno to'no neya ilomoropiyogawano.