Muuduko 18:23 - Gooti Toolluro Yogalokwono

²³ Toro te Eburaiyamol Gooti Yawellu wobo toru wino sumaiyokwe kuudoganokaikono. “Guu a'mwo kirovanyuvanyu kuumwiyo toorogai'aro a'mwo sugudo yodupudo toorogai'aro toorai aval'no romiyebuuropibino'mekudukono?

Muuduko 18:23 ပူးပေါင်းရင်းမြစ်များ

Muuduko 18:24

Guu toro romiyebuuropiyo'mo kweku kuruv a'mwo 50-pela sugudo yodupudo tooro wagwolago su tovi mwalodopure kwonbi to'gwowi yiuwi'nokai wagwolago tovida'ai amwakopo toorai noromiyebuuropibinekudukono oo guu a'mwo 50-pela sugudo su tooraino kuudo yauro'bi yiuwi'nokai wagwolago mwalodupudo tonyu nokwo wonyapino ibinekudukono?” Kuudoganokaikono.

Muuduko 18:25

Eburaiyamol toro wuudoganyuno sumaiyokwe aki aro kuudokaikono. “Awiyo, guu yiuwi'nokai tonyu ku'nono maromiyebuuropibinekugono. Kuudo saguu'mono. Guu yiuwi'nokai a'mwo abolo kwako akavi mwalodupudo tonyu kooti yogalo duuwiyodumdo tooku yiuno sugudo to'no yokwekugono. Toro tooku yiuwi'nokai a'mwo ma'no ma'no yodupudo toorai airumwallubi toga a'mwo sugudo yodupudo tooraino'gwowi aval'no mwibinekudeyo. Kuudo saguu'mono.” Kuudokaikono.

Muuduko 20:4

Toro kuudoka kuvi kuruv Abimelekol abolo tokwe sumwonyo yere miyodole tovino tov aro kuudokaikono. “Agutoloo, guu su toro tov ku'nono mibinekugono. Nevu ma'no ma'no mimawo tonollu buro'nyo'mo nekuromibinekudeyo?

Hibruu 10:22

Toro te Krais toolluro mujako abwoloka tov nemoro poowokalago tobuurai me'no amollol'movanekudukwopiyokakwono. Toro amollol'movanekudukwopiyoka tovida'ai nemoro poowokalago su tobuuro ma'no ma'no nonaguto imo'nodupudobuurogano. Toro tovino tov nemoro poowokalago su tobuuro nemi wogulo madonekwo'gallokweyogano. Aki aiyoga pris tooro Gooti toolluro womdo yo'moneyokwe kemi kulako ton sal'mo'nyajupo to'busuko kubalno nemoro kulako ton wonyo kuunodo tokwe me'no yal'mo'nodowadonogano. Toro tovino tov nemi poowokalago kuunodo togai Gooti toollu kuudo uubweyodowado tovi neya avorugwo'mo'narogawano. Toro porugwo'mo'narowa'ji nemi poowokalago kuunodo togai Gooti toollu wobo toru neya abuuru'marogawano.

Jems 5:16

Toro tovino tov Aguto tool kemi ikuloneyokweyo'mo kevu pwolno puru'monodo togaikul kemida'ai a'mwo abolo pubuurai kevnokweyogaikulluro ma'no ma'no pasudo tonyuno dodowiyoku'bworosunogaulo. Aki Gooti tool kemida'ai su tobuurai wiyo'mwojoneyokweyo'mo kevu pwolno puru'monodo togaikul subusu'nyogalo duudogaulo. A'mwo Gooti toolluro sumdo tovi sugudo wimo'nodowodo pwolluro subusu'nyogalo tov womdo bwotonyo yowo'ji aki jurogudo kurukweyokwono.

Jems 5:17

A'mwo pwolluno yovo tov Ilaijalekono. Toro tool nevubusuko a'mwo pwekono. Ilaijal Gooti toollu subusu'nyogalo aro kuudokaikono. “Buuruko aiko te nowo'jokweyo'mo guu kudo'aiko duumjukurono.” Subusu'nyogalo guureji kuudoka toga yiuwi'nokai kwako akamuu buuruko ton povomuudodavo'mno maviyajupogano. Kworomo pullapullu togai'aro lobako 6-pela togai'aro toga kwako akamuu buuruko maviyajupogano.