Muuduko 18:14 - Gooti Toolluro Yogalokwono

¹⁴ Toro wuudoganyuno sumaiyokwe aro kuudokaikono. “Nuu Gooti Yawenyu yiuwi'nokai yo'mo nyunodowodo su ton jurogudo manyumo'nodowodonyugono. Toro te nuu aikomguda'ai kworomo tovi lobako akalbusuko me'no ajagubwemo toga Sarav kwolaiyo pwol me'no mulomwora'dowo'jure toga akawai'no aikomgu nomonyugono.” Kuudokaikono.

Muuduko 18:14 ပူးပေါင်းရင်းမြစ်များ

Muuduko 17:16

Toro tovi nuu sugudo kuubwemi tovida'ai kwolaiyo pwol nyomaronokwono. Toro tovuro sawosuno'ji ton bwotonyo imo'nopi kantri go'no go'nodo tonyuro kwikeyago kuunodo imo'nonokwono. Aki gamoro jukweyago abillumo'nupi ton pworo go'no go'nodo tomuuda'ai a'mwo aguto kig imo'nupinorogano.” Gooti tool Eburaiyamollu toro kuudokaikono.

Muuduko 17:21

Toro kuvi kuruv moro subuu'yamju me'no adagujumo tov gumoro kwolaiyo sawosunbi Aisakolluno'gwowi nuubwemekono. Toro toollu Sarav kworomo aikomguda'ai tovuro iruko aka'busuko toga nyomaronokwono.” Gooti tool Eburaiyamollu toro kuudokaikono.

Muuduko 18:10

Toro kuudoka tovi Gooti Yawel aro kuudokaikono. “Nuvu kworomo aikomguda'ai tovi lobako akalbusuko toga akawai'no aikomgu nobumonyugono. Su toro toga gumoro abolo Sarav kwolaiyo pwol me'no mulomwora'dowo'jure tovi nobumonyugono.” Kuudokaikono. Toro wuudoduke toga Sarav a'mwo su toolluro buulo tomuu davo'no gami sel ago tovuro noullo toruda'ai au'nallajukokwono.

Muuduko 18:13

Toro sajunoka tovino Gooti Yawel Eburaiyamollu samuugojokaikono. “Saravuro, Nuu yadaiyo tobuunyu kwolaiyo ku'nono mimo'numo'migono, kuudo yau'dowo kakwo adumoka tov burowo'nyo kavlo tovino'mdeyo?” Samuugojokaikono.

Muuduko 18:15

Gooti Yawel Eburaiyamollu toro kuudoka tovi Sarav wuu'no'no luko ino sumaiyokwe kuunano aro sokuu'nuudokakwono. “Nuu kakwo madumo'migono.” Toro kuudoka kuvi kuruv Gooti Yawel kuudokaikono. “Awiyo, guu kakwo me'no adumodo'guugono.” Kuudokaikono.

Muuduko 21:1

To'no'gwowi Gooti Yawel subuu'yamju me'no soka kuvinono uumjuno'no Saravi sugudo tov kuubweyokaikono.

Muuduko 21:2

Toro kuubweyoka tovida'ai Sarav kwolaiyo sumwoluko imo'no'no kwolaiyo pwol somarokakwono. Toro yoma'duke toga Eburaiyamol yadaiyo kuunodo me'no sumo'noka kuga kuruv Sarav kwolaiyo pwol somarokakwono. Toro tov Gooti Yawelluro subuu'yamju me'no kwiyoka kuga'no somarokakwono.

Matyuu 14:31

Toro kuudoka kuga'gwo kuuno Jisasol Pitallu ato tokwe amogalapiyokaikono. Toro mogalapino sumaiyokwe aro kuudokaikono. “Guu mino kuudo anubwemwakudo tov bwotonyo'maiyo. Yiuno kula'nyokwono. Guu mino kuudo noullo maullo anubwemwakudo tov buro'nyo kavlo tovino'mdeyo?” Kuudokaikono.

Matyuu 19:26

Toro toorai Jisasol moroonyuno sumaiyokwe aro kuudokaikono. “Su tovi yo'mo tov a'mwo tooro ku'nono mipinokwono. Toro kuvi kuruv Gooti toolno'gwowi su tovi yo'mo tov nokwo'mekono. Gooti tool yiuwi'nokai noonyumwonyu pun yo'mo kuudo sauro'ji kuruv kaveno yonekono.” Kuudokaikono.

Matyuu 3:9

Aki kevu aro kuudo nyau'mwalpiyo, Oo nevu nemi nellunumiyago Eburaiyamolluda'ai bodowado toonolluno tov Gooti tool ilaiyo to'no mollonekumaronekono, su toro kuudo nyau'mwalpiyo. Nuu aro ikudumo'mokwono. Gooti tool sulo akaraida'ai Eburaiyamolluro jukweyago kwoloraiyo muuduko pworo amollumo'nosumokwe so'ji tov kaveno yokwollosonekono.

Kuuguudo Sugudo akav Makolluro sakwollokakwono Mak 10:27

Jisasol toro toorai moroono'no aro kuudokaikono. “Su tovi yo'mo tov a'mwo tooro ku'nono mipinokwono. Toro kuvi kuruv Gooti toolno'gwowi su tovi yo'mo tov nokwo'mekono. Su tov aro tovinokwono. Gooti tool yiuwi'nokai noonyumwonyu pun yo'mo kuudo sauro'ji kuruv kaveno yonekono.” Kuudokaikono.

Luuk 1:13

Toro yoduke kwollu kuruv ensel tool aro kuudokaikono. “Sekoraiya'woloo, guu luko mibinono. Gumoro subusu'nyogalo dodumdo tovi Gooti tool me'no guu'nodowodekono. Toro te gumoro abolo Elisabetov kwolaiyo pwol nyomaronokwono. Kwolaiyo somaro'ji su toolluno yovo tov Joonolo mullowa'binekono.

Luuk 1:18

Ensel tool toro kuudoka tovi Sekoraiya'wol aro kuudoganokaikono. “Nuvu yadaiyo tekwonyugono. Aki moro abolo kuruv yadaiyo tobuukono. Toro teyonaulluno tov gumoro yogalo anyudumodo su tov, Oo nebalo'mdukoneyokwe, tovino nuvu adadomgu'aro kuudo nokwo youroma'monyudeyo?” Kuudoganokaikono.

Luuk 1:37

Toro te Gooti tool buro'nyo buro'nyodeyo pun yo'mo kuudo sauro'ji tov kuvino yonekono.” Kuudokaikono.

Luuk 8:50

Toro wuudodopure toga Jisasol wuu'no'no kwol kuruv a'mwo su toollu aro kuudokaikono. “Guu luko mibinono. Gumoro kuudo tov yiuno mino to'no donubweyono. Guu su toro anubwebi tov gumoro taiyo tov ilaiyo aiko te nyumo'nonokwono.” Kuudokaikono.

Efesos 3:20

Gooti tool gavnokweyolluro jurogudo tokwe nemoro poowokalago tonyu guureji danekullumwojodowodekono. Gamoro jurogudo su tov womdo nekulloduke tovi'aro buro'nyo buro'nyodeyo pun yo'mo kwino'ji kuvinono nokwo yonekono. Noonyumwonyu punyuno kuudogana'jo'mdeyo oo kuudo to'no saura'jo'mdeyo kuruv nokwo yonekono. Aki muunyu toru gavnokweyolluro pugai'aro nokwo yonekono. Toro toolluno to'no neya ilomoropiyogawano.

Filipai 3:21

Krais su tool gavnokweyolluro jurogudo tokwe yiuwi'nokai noonyumwonyu tonyu gami dolago tomuu me'no bomorosodowodekono. Aki gamoro jurogudo su tokwe nemoro kulako wollainyo tobuurai judo pumgu'aro mollumo'nanekubweyowo'ji gavnokweyolluro kulako jurogudo to'busuko nomoropiyanonogano.

Filipai 4:13

Toro te neya duu'nyulo. Yiuwi'nokai noonyumwonyu numi anyumo'no'ji kuga kuruv nuu Krais jurogudo nubweyodowodo toollu'aro ilaiyo to'no nokwo yomjomwekovla'mwalmonyugono.

Hibruu 11:19

Toro tovino Eburaiyamol aro kuudo saurokaikono. Oo Aisakol me'no abolo'ji kwollu kuruv Gooti tool aiyo aiko te nokwo modukawonoldeyo. Kuudo saurokaikono. Toro te Aisakol me'no abolowo'jujuko su tool a'mwo aiyo aiko te adukavoka pwolbusuko yovekurajo nekullumo'nodowodekono.