Muuduko 17:20 - Gooti Toolluro Yogalokwono

²⁰ Gumoro kwolaiyo Isumaiyololluno anyudumodo tovi me'no aguu'numonyugono. Toro toollu nuu sugudo pun uubweyo'mi jukweyago kwolaiyo bwotonyago toorai yawosunowo'ji kwolallo bwotonyo imo'nupinorogano. Aki toro tool 12-pela a'mwo aguto pworai jukweyago kuunodo wimo'nowo'ji aki gamoro jukweyago kwolaiyo sawosuno'ji tooro kantri jurogudo puruv imo'nupinorogano.

Muuduko 17:20 ပူးပေါင်းရင်းမြစ်များ

Muuduko 12:2

Toro plavo'bi toga gumoro jukweyago kwolaiyo tooro bwotonyago yawosunopi kantri aguto kuunodo puruv imo'nosupinorogano. Aki nuu gumi'aro a'mwo abolo punyu sugudo uubweyo'moneyokwe tov gumi sugudo pun nogubwemekugono. Aki guu a'mwo aguto yovokwe imo'nyo'mo gubwemekugono.

Muuduko 21:13

Aki ki'nato womdokwe abolo tovuro kwolaiyo kwol kuruv gumoro kwolaiyo kuunodo pwekono. Toro tovino tov kwolaiyo su to kwol kuruv jukweyago kwolaiyo bwotonyago nyawosunonekono. Toro sawosuno'ji tooro kantri puruv imo'nupinorogano.” Gooti tool Eburaiyamollu toro kuudokaikono.

Muuduko 21:18

Toro te guu ilodavo'bi kwolaiyo toollu kalo dugoga wireyo'moneyokwe neya domarono. Kwolaiyo su toollu lukomgu aro wimekono. A'mwo abolo bwotonyago kwolluda'ai abupi ton kantri jurogudo puruv imo'nupinogano.”

Muuduko 28:3

Toro tookuji Gooti Jurogudo Kuunodo tool sugudo to'no neya amagujono. Toro amagujo'ji tooku kwolaiyo taiyo sawosunbi ton kwolallo bwotonyago imo'nupinogano.