Muuduko 17:17 - Gooti Toolluro Yogalokwono

¹⁷ Toro te Eburaiyamol wuu'nyuno sumaiyokwe wolomuulo'naro'no aro kuudo saurokaikono. Awi, a'mwo 100 kworomokwe pwol kwolaiyo nokwo yawosunonoldukono? Aki Sarav 90 kworomokwe tov kwolaiyo nokwo yomarono'mdukono? Toro kuudo yau'no sumaiyokwe kakwo adokaikono.

Muuduko 17:17 ပူးပေါင်းရင်းမြစ်များ

Muuduko 17:18

Eburaiyamol toro kuudo yau'no sumaiyokwe Gooti toollu kuudoganokaikono. “Guu su toro anyudumado kuvi kuruv gumoro subuu'yamju su tov moro kwolaiyo Isumaiyololluno'gwowi nokwo uubwebinekudukono?” Kuudoganokaikono.

Muuduko 17:3

Toro kuudoka tovi Eburamol kwako tovi wolomuulo'na'duke toga Gooti tool aro kuudokaikono.

Muuduko 18:11

Toro au'nallajuko Sarakwe Eburaiyameke teyaul yadaiyo kwolaboleyaukono. Aki Sarav kwolaiyo nyomallo'mo toga me'no kuuwolo'nyajukobuukono.

Muuduko 18:12

Toro tovino tov Sarav wuu'nyuno sumaiyokwe kakwo sajunokakwono. Toro tov aro sajunokakwono. “Nuu yago kuunodo tobuunyugono. Moro kwolo mi aguto nyumo'nodowodo su tool nuvubusuko yadaiyekwogano. Toro tobuunyu kwolaiyo yomallo'mo tovino ilaiyo nokwo ibwosunmobuunyudukono? Awiyo, nuu yadaiyo kuunodo tobuunyu ilaiyo su tov ku'nono mibwosunmobuunyugono.” Sajunokakwono.

Muuduko 21:5

Eburaiyamol 100 kworomokwe tool mwaloduke toga Sarav gami kwolaiyo Aisakollu somarokakwono.

Muuduko 21:6

Toro te Sarav aro sajunokakwono. “Aga'no'gwowi Gooti tool sugudo anubweyoka tovida'ai nuu ilaiyo ibwosunodum kakwo nokwo dume'gono. Aki a'mwo abolo pun moro kwolaiyo soma'mo toolluno kuu'nupi kun kuruv ilaiyo yopi kakwo dupinogano.” Sajunokakwono.

Muuduko 21:7

Toro yajunyuno sumaiyokwe aki aro adokakwono. “Muudu'nodo toga a'mwo abolo pun mi kwolo Eburaiyamollu aro muujajupekono. “Gumi abolo Sarav kwolaiyo pwollu amdo nomullausonokwono.” Muujajupekono. Toro kuvi kuruv aga'no'gwowi mi kwolo yadaiyo tekwojuro kwolaiyo pwol me'no amulomwora'mo'migono.” Sarav toro adokakwono.

Jagillo 14:5

Toro sajunopo tovino tov Mooseseke Erooneke todoral Isuraiyolda'ai a'mwo abolo tonyuro sumdollu toru kwako tovi kwolomuulo'narolorakono.

Matyuu 2:11

Toro tooro kwolaiyo muudoga tool mwaloduke ago tovino kuulno sumaveyokwe kwolaiyo muudoga su tooke'aro gami ganeyago Mariyakwe'aro tonallu auloonoporogano. Toro wonyuno sumaveyokwe kwolaiyo su toolluno mido wuulugulo'no'mno sulomoropiyaporogano. Toro ilomoropino sumaveyokwe kemi kuto ivito sugumaluko amullosajupo tonyuda'ai pun daluvo'mno kwolaiyo su toollu kwiyoporogano. Gool togai'aro frenkinsens togai'aro mur togai'aro ton daluvo'mno kwiyoporogano.

Luuk 1:18

Ensel tool toro kuudoka tovi Sekoraiya'wol aro kuudoganokaikono. “Nuvu yadaiyo tekwonyugono. Aki moro abolo kuruv yadaiyo tobuukono. Toro teyonaulluno tov gumoro yogalo anyudumodo su tov, Oo nebalo'mdukoneyokwe, tovino nuvu adadomgu'aro kuudo nokwo youroma'monyudeyo?” Kuudoganokaikono.

Joon 8:56

Kemi tellukweyago Eburaiyamol nuu kwako akavi wolabumo toonyuno ilaiyo bwotonyo ibwosuno'no sogwollo ainyajukekono. Toro tool moro wolabodore tovi me'no amuugonaroka tovino ilaiyo sokaikono.”

Adodolukuu'nosungiko 11:16

Toro delowo'na'no sumaveyokwe toga 24-pela a'mwono moduvomwallokwe tooro kemi sia kig Gooti toolluro sumdollu mwalodupudo su toruda'ai kwako tomuu'aro wolomuulo'na'no sumaveyokwe Gooti toolluno sulomoropiyaporogano.

Adodolukuu'nosungiko 5:8

Puukwollikwiyo aweyogunyugolowosungiko su tovi malluno sumaiyokwe aiyokwe aral aral toorogai'aro aki 24-pela a'mwono moduvomwallokwe toorogai'aro tooro Sipsip Muugunyo toollu ilomoropiyo'moneyokwe gamoro sumdollu tomuu kwolomuulo'naroporogano. Yiuwi'nokai pwolno pwolnodo su tooro gita pun, harpovo, dodupudo togai mworaro'mno aki gool tovida'ai dis sakwollungiko togai'aro amomworaroporogano. Dis su tonyu su'nallajupo ton duko tovi suroudapipi toga wobeya sudokwe juto tov muunyu kai'muuno mokailodawodokwono. Su tov Gooti toolluro a'mwo abolo tonyuro subusu'nyogalo ilodopiyodapudo tovino duuwallo'moneyokweyogano.