Muuduko 16:6 - Gooti Toolluro Yogalokwono

⁶ Toro kuudoka tovi Eburamol kuudokaikono. “Gumoro ki'nato womdokwe abolo su tov guvnokwe to'guujuro ato tovi aguuwoso. Buro'nyo buro'nyo wimokwe kuudo sau'bi tov nokwo mollubino'guugono.” Toro kuudoka tovi Saraiyov Hegaiyovi kaiyako sugolokakwono. Toro igoloduke tovino Hegaiyov lukado avlavokakwono.

Muuduko 16:6 ပူးပေါင်းရင်းမြစ်များ

Muuduko 16:9

Toro kuudoka kuvi kuruv Gooti Yawelluro ensel tool kuudokaikono. “Guu gumi abolo aguto toviyomno aikomgu neya plavo'bi gamoro mollogumwalodowodo tovi dolago tomuu neya mwalbino'guugono.”

Muuduko 24:10

Toro wino sumaiyokwe Eburaiyamolluro kuto ivito sugudo yasuwa'no wiyo'moneyokwe ton maro'no Eburaiyamolluro atousal sa'ai kemel toorai muunyu toru ilomoroso'no kuugollu'movokaikono. Toro tool plaino plaino sumaiyokwe kwako Mesoopootemiya tomuu wagwolago Nahoor toru ai'movokaikono.

Mollurolovomato 2:15

Toruda'ai Feroo tool Moosesolluro soka tovino wuu'nyuno sumaiyokwe Moosesollu romiyoso'mo kwinokaikono. Toro te Moosesol Feroo toollu wuugollu'mo'mno sumaiyokwe lukado avlavokaikono. Lukado plaino sumaiyokwe kwako Midiyan tomuu ki'movo'no wonyo buugo allusovomwollosungiko pwollu wobo toru amwalokaikono.

1 Pita 3:7

Aki kevu kwolo kworekul kuruv kemi abolo tonyuno yovo aguto to'no neya duuwiyogaulo. Abolo su tobuuravuro kulako ton kemoro kulako to'busukonmaiyo. Kemoro abolo su tobuuravuro kulako ton wollainyunodogano. Su toro imo'nodupudo tobuurai kevu neya denodokwopiyomarogaulo. Kevu toro tobuurogai po'dogalo mujomwekovlavopi ilaiyo to'no jugologaulo. Su tov aro tovinokwono. Gooti toolluro aiyo yiunokuudo mujomwekovlaiyo'moneyokwe tovino yasuwa'wino ikullabwono su tov kevuge'aro kemi abolo kugai'aro yiuwi'nokai togaikul yiuno avalousuno mapinokwono. Toro te kevu a'mwo toorekul kemi abolo tonyu kaiyako sugolpi tov kaiya'no pasudo su tov kemoro subusu'nyogalo wuujo'moneyokwe tonyu nuumjukuro'jo. Toro nuumjukuro'jokweyo'mo tov kemi abolo tonyu ilaiyo to'no neya jugologaulo.