Muuduko 16:3 - Gooti Toolluro Yogalokwono

³ Toro te Eburamol kwako Kenan toru mwalodowo atousal kworomo tobuul kuuwolovokaikono. Kwako su toru kuuno mwaloduke toga Saraiyov gami kwolo toollo'mo gavnokweyovuro Ijupda'ai ki'nato womdokwe Hegaiyovi amodumallokakwono.

Muuduko 16:3 ပူးပေါင်းရင်းမြစ်များ

Muuduko 16:16

Eburamol 86 kworomokwe tool mwaloduke toga Hegaiyov Isumaiyolollu toro somarokakwono.

Muuduko 16:4

Toro modumalluno sumaiyokwe Eburamol Hegaiyovi maro'no sumwonyo ino sumaleyokwe Hegaiyov kwolaiyo sumwoluko sumo'nokakwono. Toro imo'no'no Hegaiyov ilomoropunyu yo'no gami abolo aguto Saraiyovino biyolo kuu'mwojokakwono.

Muuduko 16:5

Toro uu'mwojoduke tovino Saraiyov Eburamollu kuudokakwono. “Mi kwololoo, moro womdokwe Hegaiyov gumiyo'mo agumallo su tov kwolaiyo sumwoluko imo'nodowo mino biyolo anuu'mwojadopiyo. Toro anuu'mwojadopiko tovino tabunyu tov gumi aguuwoso. Aki lukomgu Gooti Yawel kooti yogalo adonakullo'ji toga namoro jul'nyo akav domdukuuronakubweyonekono.” Kuudokakwono.

Muuduko 21:21

Kwako a'mwomaiyo kuu'maiyo amwallajulo su toru'no yovo tov Paraneyorukono. Toro towai mwalno sumaleyokwe ganeyago tov Ijupda'ai abolo puruv maro'no gami muugunyo toollu kuumallokakwono.

Muuduko 25:6

Toro kuubweyoka kwol kuruv Eburaiyamol gamoro abolo punyuro muugunyo go'no go'nodo tooraino'gwowi kuto ivito pun yasuwa'no kwiyokaikono. Toro wino sumaiyokwe gami kwolaiyo Aisakollu wobo toru nomwalpiyokweyo'mo tov kuujo tool sulopiyamoka is tomgu amorapiyokarogano.

Muuduko 28:9

Toro yajunyuno sumaiyokwe aki puruv aro sajunokaikono. Oo mi nyunumiyago tool moro abolo Kenanda'ai amaro tovalluno ilaiyo mwinyokwekono. Sajunokaikono. Toro yajunyuno sumaiyokwe abolo purukwe'aro mallo'mo tool Isumaiyolollomno avlavokaikono. Toro tool plaino sumaiyokwe Eburaiyamolluro muugunyo Isumaiyololluro taiyo Mahalatovi amarokaikono. Mahalatovi gananyago tov Nebaiyootokwono. Toro te Isoo'wol abolo puruval me'no amaroka tool abolo gabovo su tokwe'aro amarokaikono.

Galesiya 4:25

Toro te Hegaiyov kwako Arebiyada'ai muumuudo Sainai tooke'aro kwako akavida'ai wagwolago Jeruusalem tokwe'aro tovalluno nekuduuwallodowodokwono. Su tov aro tovinokwono. Muumuudo su toolluda'ai Moosesolluro loowo amaroka tovi dolago tomuu mwalodupudo ton ki'nato womdo yodupudogano. Su toro to'busuko kubalno kwako akavida'ai wagwolago Jeruusalem tovi kuulomwalodupudo kun kuruv Moosesolluro loowo tovi ki'nato womdo wiyodupudogano. Hegaiyov su toro tovino nekuduuwallodowodokwono.