Muuduko 13:3 - Gooti Toolluro Yogalokwono

³ Toro te Eburameke ton kwako Negev toru wuugollu'mo'mno avlavopogano. Toro ton plaino sumaveyokwe go'no go'nodo tomuu amjo'movlaiyajupogano. Toro mujo'movla'mno sumaveyokwe wagwolago Betel wobo toru ai'movopogano. Toro ai'movopo su toru muudu'nodo togasuro kemi sel ago abwolomodaropo aiko toru ai'movopogano. Toro ai'movopo su toru wagwolago Betelke Eyaike tovallu akuuto torukono.

Muuduko 13:3 ပူးပေါင်းရင်းမြစ်များ

Muuduko 12:6

Toro kuulno sumaveyokwe toga kuuloonomollo'mno wagwolago Sekem toru ai'movopogano. Toro ton iko pwol da'mdowodo toru ki'mo'mno sumaveyokwe amwalopogano. Iko su toolluno yovo tov Mooreyolo dodupudekono. Aki toro towai a'mwo Kenanda'ai tooro kuuno mwalodopure toga Eburameke ton su towai amwalopogano.

Jagillo 13:17

Moosesol Isuraiyolda'ai a'mwo domokwe toorai kwako Kenan tovi wonomollupino tovino kuuguudo tov aro amodapiyokaikono. “Kevu kwako Negev tomuu'aro plavopi kwako muumuudokwe tomuuno ilapinorekikono.

Hibruu 11:9

Toro plaino sumaiyokwe Gooti toolluro kwako wiyo'mo subuu'yamju kwiyoka su tomuu ai'movokaikono. Toro ki'mo'mno sumaiyokwe toga Eburaiyamol Gooti toolluno kuudo uubweyodowo kwako su tomuu amwallajukekono. Kwako su toru Eburaiyamol a'mwo pumuuda'ai bomwallo toolbusuko imo'nodowo yiuno sel ago to'no amodallajukekono. Aki Aisakeke'aro Jekoopeke'aro kworal kuruv sel ago to'no amodallajulorakono. Toro te Eburaiyameke'aro a'mwo su toorake'aro yiuwi'nokai tooro Gooti toolluro subuu'yamju avalo tovi me'no amallajuporogano.