Muuduko 13:18 - Gooti Toolluro Yogalokwono

¹⁸ Toro modapino sumaiyokwe Eburamol wuugollu'mo'mno sumaiyokwe a'mwo pwolluro iko aburaudoka tooraiyomno avlavokaikono. Iko su tooro Mamureyolluro aburaudokarogano. Toro tooro wagwolago Hibroon'no wobo toru da'mdupudorogano. Toro towai Eburamol bomwalno sumaiyokwe Gooti Yawellu wiroudapiyo'moneyokwe dukwagupto puruv sulo tokwe aluvagilovokaikono.

Muuduko 13:18 ပူးပေါင်းရင်းမြစ်များ

Muuduko 13:4

Aki toro ai'movopo su towai muudu'nodo toga Eburamol Gooti Yawellu wiroudapiyo'moneyokwe dukwagupto puruv luvagilovo'no me'no sulomoropiyokaikono. Toro towai ki'mo'mno sumaiyokwe Gooti Yawellu aki aiko te sulomoropiyokaikono.

Muuduko 14:13

Toro meromokavla'mdopure tekwojaida'ai a'mwo pwol abirolo'nugolokwokaikono. Toro birolo'nugolokwino sumaiyokwe Hibruu iko tovasuda'ai a'mwo Eburamollu wuujo'moneyokwe bo'no Lootollu kwimo'noka tovino Eburamollu abuudokaikono. Toro toga Eburamol Mamureyolluro iko aburaudoka towai amwallajukekono. Mamureyol a'mwo Amooroda'aiyekono. Toro te Mamureke'aro gami gagwai'yago Eskooleke'aro Anereke'aro todoroto ikomago toorai molo wiyo'mo toga Eburamollu amolluullajuporogano.

Muuduko 18:1

To'no'gwowi lukomgu Eburaiyamol Mamureyolluro iko tooro adaiyajupo tomuu kuuno mwaloduke toga Gooti Yawel abwiyalo'nokaikono. Toro abwiyalo'noka toga kuujo bwotonyo doduke tovino tov Eburaiyamol gami sel ago tovuro noullo toru amwalokaikono.

Muuduko 22:9

Toro tonumdal plaino sumaleyokwe Gooti toolluro kuuduuwalloka toru ai'movolonumdakono. Toro ki'mo'mno sumaleyokwe Eburaiyamol Gooti toollu wiroudapiyo'mo dukwagupto puruv sulo tokwe aluvagilovokaikono. Toro luvogilowosuno sumaiyokwe dukwagupto tovi muunyu toru duko ton silloullosokaikono. Toro ino sumaiyokwe Aisakollu wuulo tokwe meroso'no duko tovi muunyu toru sulomoga'bworosokaikono.

Muuduko 23:2

Sarav kworomo su tobuul uuwolo'nyuno sumaiyokwe kwako Kenanda'ai wagwolago Kiriyat Ariba towai abolokakwono. Wagwolago su tovino yovo puruv Hibroonovokwono. Toro aboloka toga gami kwolo Eburaiyamol kalo kumdo kuulomojo'moneyokwe aulokaikono.

Muuduko 26:25

Toro wuujuno sumaiyokwe kwako su towai Aisakol Gooti Yawellu wiroudapiyo'mo dukwagupto puruv sulo tokwe luvagilovo'no Gooti Yawelluno sulomoropiyokaikono. Toro ilomoropino sumaiyokwe kemi woromollo'mo sel ago ton amodopogano. Toro mojuno sumaveyokwe Aisakolluro womdokwe tooro wonyo buugo puruv alsoporogano.

Muuduko 37:14

Toro wuujuno sumaiyokwe Jekoopol aro amodapiyokaikono. “Guu plavo'bi gumi judai'yago toorogai sipsip meme toorogai tooro po'dogalo neya dukomwakoveyokweyo'mo doonyogalawono.” Amodapiyokaikono. Toro modapino sumaiyokwe Joosepol worato Hibroon mwalodupudo su tomuuda'ai uugollu'movo'no avlavokaikono. Toro tool wagwolago Sekem toru ai'movokaikono.

Muuduko 8:20

Toruda'ai Noowal sulo pun malluno sumaiyokwe Gooti Yawellu wiroudapiyo'moneyokwe dukwagupto puruv aluvogilo'melokaikono. Toro tool yiuwi'nokai ibesa'aiyo toorogai'aro dokato toorogai'aro kumakomaiyo yiuwi'nokai sugudo su tooraida'ai pwolno pwolno maro'no aromiroudapiyokaikono.

1 Timooti 2:8

Toro te nuu aro tovino nyunodowodonyugono. Kevu yiuwi'nokai tomuuda'ai a'mwo Gooti toolluro womdokwe toorekul su'bwo'nupi toga kemi ato sugudo su tousogai neya bomokailapi subusu'nyogalo duudumovlavogaulo. Aki subusu'nyogalo mujodumovlavopi toga surodo'mdeyo oo yogalo'mdeyo nyoullajunmwalpiyo.

Hibruu 11:9

Toro plaino sumaiyokwe Gooti toolluro kwako wiyo'mo subuu'yamju kwiyoka su tomuu ai'movokaikono. Toro ki'mo'mno sumaiyokwe toga Eburaiyamol Gooti toolluno kuudo uubweyodowo kwako su tomuu amwallajukekono. Kwako su toru Eburaiyamol a'mwo pumuuda'ai bomwallo toolbusuko imo'nodowo yiuno sel ago to'no amodallajukekono. Aki Aisakeke'aro Jekoopeke'aro kworal kuruv sel ago to'no amodallajulorakono. Toro te Eburaiyameke'aro a'mwo su toorake'aro yiuwi'nokai tooro Gooti toolluro subuu'yamju avalo tovi me'no amallajuporogano.