Muuduko 12:6 - Gooti Toolluro Yogalokwono

⁶ Toro kuulno sumaveyokwe toga kuuloonomollo'mno wagwolago Sekem toru ai'movopogano. Toro ton iko pwol da'mdowodo toru ki'mo'mno sumaveyokwe amwalopogano. Iko su toolluno yovo tov Mooreyolo dodupudekono. Aki toro towai a'mwo Kenanda'ai tooro kuuno mwalodopure toga Eburameke ton su towai amwalopogano.

Muuduko 12:6 ပူးပေါင်းရင်းမြစ်များ

Muuduko 10:15

Toruda'ai aki Hamolluro muugunyo Kenanol kwolaiyo sujuraiyo toollu yawosunyuno sumaiyokwe Saidoonolo sowarokaikono. Toro yowa'no sumaiyokwe lukomgu kwolaiyo pweke'aro yawosuno'no Hitolo sowarokaikono.

Muuduko 13:7

Toro te Eburameke'aro Looteke'aro tooralluro sipsip buulmokauworodeyo toorai ki'duvolodupudo tooro mebweyogalo kuullajuno'mno molo soporogano. Toro toga Kenanda'ai toorogai'aro Peresoda'ai toorogai'aro tooro kuuno mwalodopure toga su toro aullajunoporogano.

Joon 4:5

Toro plaino sumaiyokwe kwako Samariya tomuuda'ai wagwolago puvi ai'movokaikono. Wagwolago su tovino yovo tov Sikarovokwono. Wagwolago su tov aiyoga Jekoopolluro kwako puruv gami muugunyo Joosepollu kwiyoka tovi wobo toru wo'dowodokwono.

Kuurotokwe 7:16

Lukomgu Jekoopeke Joosepeke tonumdalluro yogudo ton wagwolago Sekem'no aikomgu mokabino sumaveyokwe a'mwo buuso sumago puvi aulomorosoponumdakono. A'mwo buuso su tov aiyoga Eburaiyamol Amoorolluro muugunyo Sekemda'ai pwolluro a'mwo buuso su tovi silva nuugwiyo tokwe me'no abiyoma'nyungikokwono.

Hibruu 11:9

Toro plaino sumaiyokwe Gooti toolluro kwako wiyo'mo subuu'yamju kwiyoka su tomuu ai'movokaikono. Toro ki'mo'mno sumaiyokwe toga Eburaiyamol Gooti toolluno kuudo uubweyodowo kwako su tomuu amwallajukekono. Kwako su toru Eburaiyamol a'mwo pumuuda'ai bomwallo toolbusuko imo'nodowo yiuno sel ago to'no amodallajukekono. Aki Aisakeke'aro Jekoopeke'aro kworal kuruv sel ago to'no amodallajulorakono. Toro te Eburaiyameke'aro a'mwo su toorake'aro yiuwi'nokai tooro Gooti toolluro subuu'yamju avalo tovi me'no amallajuporogano.