Muuduko 12:16 - Gooti Toolluro Yogalokwono

¹⁶ Toro aulomorosopo tovino a'mwo aguto Feroo tool ilaiyo wino'no Eburamollu ilaiyo to'no amollokaikono. Toro tool Eburamollu sipsip toorogai'aro buulmokau toorogai'aro doonki kwolabolo togai'aro kemel toorogai'aro aki ki'nato womdo wimwalpino'moneyokwe a'mwo abolo togai'aro ton kwiyokaikono.

Muuduko 12:16 ပူးပေါင်းရင်းမြစ်များ

Muuduko 13:2

Toro ilno sumaveyokwe Eburamol kuto ivito bwotonyagokwe tool gamoro silva togai'aro gool togai'aro sipsip buulmokauworodeyo wuulo ki'duvolodowodo togai'aro togai amokailokaikono.

Muuduko 13:6

Toro te Eburameke Looteke yiuwi'nokai tooral kwako avalo toru amwallajulorakono. Toro amwallajulo kuvi kuruv yiuwi'nokai tooral kuto ivito bwotonyagokwe tooralluno tov kwako tov ku'nono mwiyajukokwono.

Muuduko 16:1

To'no'gwowi Eburamolluro abolo Saraiyov kwolaiyo pwolnodo kuruv nonagutokwono. Toro tov kwollukokwono. Toro kuvi kuruv gami Ijupda'ai ki'nato womdokwe abolo puruv kurukweyokwono. Abolo su tovino yovo tov Hegaiyoveyokwono.

Muuduko 20:14

Toro wuujuno sumaiyokwe Abimelekol Saravi Eburaiyamollu aikomgu kuumallokaikono. Aki sipsip pworogai'aro buulmokau pworogai'aro a'mwo abolo ki'nato womdokwe pugai'aro ton Eburaiyamollu kuumallokaikono.

Muuduko 24:35

Gooti Yawel moro a'mwo aguto su toollu sugudo uubweyodowo aga'no'gwowi nuugwiyo bwotonyagokwe sumo'nadopikekono. Toro toollu Gooti Yawel sipsip toorogai'aro buulmokau toorogai'aro kemel toorogai'aro doonki toorogai'aro aki a'mwo abolo ki'nato womdokwe togai'aro ton me'no wiyodowodekono. Aki toro toollu silva nuugwiyo togai'aro gool nuugwiyo togai'aro ton wiyodowodekono.

Muuduko 26:14

Toro tool noonyumwonyu sipsip wuulo togai'aro buulmokau wuulo togai'aro a'mwo abolo ki'nato womdokwe togai'aro bwotonyago tonyu amallajukekono. Toro ma'duke toolluno tov a'mwo Filistiyada'ai tooro wono'mno kwekuullu kuudo sauroporogano.

Luuk 12:45

Toro kuvi kuruv a'mwo ki'nato womdokwe pwolno'gwowi gavnokwe tool yajunonekono, Oo mi aguto tool aikomgu yere mabwonekono, toro yajunowo'ji gami dolago tomuuda'ai ki'nato womdokwe a'mwo pworogai'aro abolo pugai'aro tonyu iwago tokwe kaiyako igolmwalonekono. Aki toro tool wosamujuko togai'aro wain wonyo bwotonyago togai'aro ton mujonugovla'mwalonekono. Aki wain wonyo nodowo'jure tovida'ai amomo imwalonekono.