Muuduko 11:7 - Gooti Toolluro Yogalokwono

⁷ Toro juno sumaiyokwe aro sajunokaikono. “A'mwo su tooro kemi avaiyogaljo dodupudo tov kevnokwero nuu'nupiyokweyo'mo nevu wolowa'ji kemoro avaiyogaljo tovi kaiyako wolomolloujulowapiyano.” Sajunokaikono.

Muuduko 11:7 ပူးပေါင်းရင်းမြစ်များ

Muuduko 1:26

Toruda'ai Gooti tool aro sajunokaikono. “Aga a'mwo nevubusuko tonyu yakwollanokwono. Toro ton yiuwi'nokai domwoga toorogai'aro dokato toorogai'aro yiuwi'nokai kwako akavida'ai ibesa'aiyo kuulludaiyorodeyo oo wiyorodeyo toorogai'aro yiuwi'nokai kwako mworogu'nomollodupudo toorogai'aro toorai mido mollomwallo imwalpino'moneyokwe tonyu yokwollosanokwono.” Gooti tool toro sajunokaikono.

Muuduko 10:20

Hamolluro jukweyago kwolaiyo tooro toro abillumo'noporogano. Toro tooro kemi go'no go'no iko tovasuda'ai avaiyogaljo toorogai mwalodupu kwako gomno gomno tomuu amwallajuporogano. Hamolluro jukweyago kwolaiyo tooraino kuuguudo tov torokwono.

Muuduko 10:32

Toro te iko go'no go'nodo tovasuda'ai kwolallo su ton Noowalluda'ai abopogano. Aiyoga buuru'allako tov me'no abawoka togada'ai kwolallo su ton billumo'no'mno kwako akavi aiyowomno so'mowopiyopogano. Kwolallo Noowalluda'ai sumo'nopo tonyuno kuuguudo tov torokwono.

Muuduko 10:5

Toro tooro kwikweyago kwolallo bwotonyo yawosunodupu soolwara wolago tomuu amjomwekwiyajuporogano. Aki aku'momdo kumuu kuruv amjomwekwiyajuporogano. Toro tooro go'no go'no iko tovasuda'ai kemi avaiyogaljo toorogai mwalodupu kwako gomno gomno tomuu amwallajuporogano. Jafetolluro jukweyago kwolaiyo tooraino kuuguudo tov torokwono.

Muuduko 11:5

Toro junyuno sumaveyokwe kwako akavida'ai a'mwo su tooro wagwolago bwotonyo tokwe agumi'ago tokwe tovallu nomodumovla'mdopure toga Gooti Yawel abwoloonokaikono.

Muuduko 3:22

Toruda'ai Gooti Yawel aro sajunokaikono. “Aga'no'gwowi a'mwo tool nevubusuko sumo'numokaikono. Toro tool kuudo sugudo togai'aro kuudo ma'no ma'nodo togai'aro tonyuno me'no souroma'mokaikono. Toro tovino tov a'mwo su tool aiyo yiunokuudo nomjomwekovlawo'jokwe tov iko aiyo yiunokuudo mujomwekovlaiyo'moneyokwe toolluro ikulsulo tov nomuudano'jo.” Sajunokaikono.

Muuduko 42:23

Toro todoroto kemi yogalo tovida'ai yajuno'mno aro kuudo sauroporogano. Aguto tool nemoro yogalo tovi muu'nonoldeyo. Kuudo yauro'mno kuu'maiyo toru'no nokwo yajunyuno soporogano. Toro yajunodopure kuvi kuruv Joosepol kavo au'nallajukekono. Aro tovinokwono. Sumdomgu Joosepol gami gadai'yago su toorai kuuguudo wuujo'mo tool Ijupda'ai tooravuro yogalo tovida'ai wuudoduke toga a'mwo pwol amollovodo'mwojuujajukekono.

Mollurolovomato 4:11

Toro kuudoka toollu Gooti Yawel kuudokaikono. “A'mwo abolo tonyuro mago tovi ala'mwolluro yokwollosodowododeyo? Aki a'mwo yogaimajokwe toorogai'aro kadu'nollukullokwe toorogai'aro sumdo kinodupudo toorogai'aro sumnowojokwe kworogai'aro yiuwi'nokai su toorai ala'mwolluro yokwollosodowodorodeyo? Yiuwi'nokai su toorai yakwollodowodo tool nuu Gooti Yawel toonyunodokwono.

1 Koorin 14:23

Toro te kevu yiuwi'nokai togaikul kemi i'bwo'nyago tovi aullu'bwo'nupi toga yogaljo go'no go'nodo tonyuda'ai adupi tov a'mwo abolo kuudo muubweyodupudo pun kevuge aulomwalpi ton aro kuudo yaikuupinogano. Oo su ton amomo sadokwovo. Yaikuupinogano.