Kuuguudo Sugudo akav Makolluro sakwollokakwono Mak 9:12 - Gooti Toolluro Yogalokwono

¹² Toro kuudoganopo toorai Jisasol kuudokaikono. “Toro ajungiko tov nebalokwono. Sumdomgu Ilaijal a'mwo abolo ton kemi poowokalago tovi yovo'dogalpureyokweyo'mo biyodubwasonekono. Toro tool biyodubwasowo'ji Gooti toolluro morapiyabwono toollo'mo yiuwi'nokai tonyu yovo'dogalosonekono. Gooti toolluro yogalo tovi toro sakwollungikokwono. Aki mino aro sakwollungiko tokwe'aro kuudo neya jaullulo. “A'mwo Kwolaiyo Kuunodo toollu dado bwotonyo wuunonekono. Aki toro toollu buulo uugunyumopiyopi kaiya'no wipinekono.” Gooti toolluro yogalo tovi mino toro sakwollungiko tovino kuudo neya jaullulo.” Kuudokaikono.

Kuuguudo Sugudo akav Makolluro sakwollokakwono Mak 9:12 ပူးပေါင်းရင်းမြစ်များ

Aisaiya 50:6

A'mwo tooro moro buulo tovi galogunyukuuronumollodopure toorai nokwo wonyapino sumonyugono. Aki toro tooro moro mollato tonyu galobuujonuma'dopure toorai nokwo wonyapino sumonyugono. Toro yodore tekwonyu burolyogalo anyudumaporogano. Aki moro sumdomago tovi ibupto nupu'dopure toorai yiulo miyopuurosumonyugono. Toro kwonyu kuruv nokwo amorubwenumonyugono.

Sekoraiya 11:13

Toro anubiyopo tooro mino aro kuudo sanuuropogano. “A'mwo womdokwe akal burawoldeyo.” Toro kuudo yanuuro'mno yiuno nuugwiyo kula'nyo su tekwono anubiyoporogano. Toro nubino sumaveyokwe Gooti Yawel aro anyudokaikono. “Nuugwiyo kula'nyo agubimapo su tekwojuno tov a'mwo apoo'nyaiyo pwekwoji wibinekugono. Toro te nuugwiyo su tekwo momworaro'bi mi ilomonuwopiyo'moneyokwe ago tovi domokaulawono. Toro mokaula'bi a'mwo kwa'bootoollo yakwollodowodo tekwoji douluuwopiyawono.” Anyudokaikono. Gooti Yawel toro nyujuno sumaiyokwe nuu 30-pela silva nuugwiyo anubiyopo su tov Gooti Yawellu ilomoropiyo'moneyokwe ago tovi mokaulno sumoneyokwe a'mwo kwa'bootoollo yakwollodowodo apoo'nyaiyo tekwoji auluuwopiyanyugono.

Matyuu 16:21

Su toro togada'ai Jisasol gami uumjunyokwe toorai aro tonyuno sodubwasajukekono. “Nuu Jeruusalem'no plavo'mi dado go'no go'no bwotonyago pun nonuunononyugono. Toro toonyu Juu tooravuro mido mollomwalokwe toorogai'aro pris mido mollomwalokwe toorogai'aro loowo tovino pi'mwo kuudokwe toorogai'aro tooro kaiyako yanyugolopi noromiyanubwepinonyugono. Su toro aromiyanubwepi kwonyu kuruv iruko pullapullu nuwolo'nowo'ji toga aki aiko te noduka'monyugono.” Kuudokaikono.

Matyuu 26:24

Gooti toolluro yogalo tovi aro me'no sakwollungiko tov kuvinono imo'nonokwono. “A'mwo Kwolaiyo Kuunodo tool neya bolonekono.” Sakwollungikokwono. Toro kuvi kuruv a'mwo amoranubweyo'ji su tekwoji sumdomgu miyawosunopujuko'mno'juki tabunyu bwotonyo mamarowo'jujukekono. Toro kuvi kuruv a'mwo amoranubweyo'ji su tekwo tabunyu bwotonyo nomaronekono.”

Kuuguudo Sugudo akav Makolluro sakwollokakwono Mak 10:33

Toro tool aro kuudokaikono. “Duu'nyuloo. Nevu Jeruusalem'no avla'mwakuuwono. Jeruusalem me'no ai'mowa'ji toga a'mwo pwol A'mwo Kwolaiyo Kuunodo toonyu galonumworarowo'ji pris mido mollomwalokwe toorogai'aro loowo tovino pi'mwo kuudokwe toorogai'aro toorai manubweyononyugono. Toro toonyu kooti yogalo danyopi nyudupinonyugono. “Neya abolono.” Toro dopi a'mwo Juu tooravuro miyawosunodupudo pworai manubwepinonyugono.

Kuuguudo Sugudo akav Makolluro sakwollokakwono Mak 9:13

Toro wuujuno sumaiyokwe aro kuudokaikono. “Nuu aro ikudumo'mokwono. Gooti toolluro yogalo tovi Ilaijalluno sakwollungiko su tool kuvinono me'no abai'movokaikono. Toro abai'movoka toollu a'mwo pworo kevnokwero kuudo sauropo tovida'ai kaiya'no sugolopekono. Toro sugolopo tov Gooti toolluro yogalo tovi me'no sakwollungiko tomgu'aro kwiyopekono.” Kuudokaikono.

Kuuguudo Sugudo akav Makolluro sakwollokakwono Mak 9:31

Su tov aro tovinokwono. Gamoro uumjunyokwe kuunodo tooraino'gwowi nyodubwosumovlaiyo'mo kwinyajukekono. Toro tool uumjunyokwe su toorai aro sodubwosumovlaiyajukekono. “Nuu A'mwo Kwolaiyo Kuunodo toonyu galonumworaropi a'mwo pworai nomanubwepinonyugono. Toro toonyu romiyanubwepinonyugono. Me'no aromiyanubwepi toga iruko pullapullu nuwolo'nowo'ji aiko te duka'monyugono.” Jisasol toro sodubwosumovlaiyajukekono.

Luuk 1:76

Oo mi kwolaiyoloo, gumino aro gudumaupinekugono. “Gooti Yiuwi'nokai Tonyu Uuwolo'mdowodo toolluro proofetoloo,” gudumaupinekugono. Su tov aro tovinokwono. Guu Aguto toollu sumdomgu wanbinekugono. Toro wano'bi Aguto toolluro puuto bwono tovi yovo'dogalbwebinekugono.

Luuk 23:11

Aki Herooteke'aro gamoro a'mwo mollurogudo pworogai'aro tooro Jisasollu kaiyako igolo'mno aki burolpakuto amollovakuroporogano. Toro mollovaku'no sumaveyokwe Jisasollu youro sugumaluko togai mollubweyo'mno Pailatollomno aikomgu amorapiyoporogano.

Luuk 23:39

Toro ino sumaveyokwe a'mwo kirovanyuvanyu tooralluro pwol i'noguropte puvi kworoka su tool Jisasollu burolyogalo aro kuudokaikono. “Guu Gooti toolluro kwolomonekwopiyaboka Krais tookuno'juki guvnokwe tooku duuwiyo'mwoju'nono. Aki na kwonallu kuruv donakullo'mwojono.” Kuudokaikono.

Kuurotokwe 1:6

Toro wuujuno sumaiyokwe kuuno i'bwo'nomwalo'mno toga a'mwo kuurotokwe tooro Jisasollu aro samuugojoporogano. “Nemi Agutoloo, nevu Isuraiyolda'ai toonol a'mwo Roomda'ai tooravuro mido mollomwallo tovi dolago tomuu mwalodowadonogano. Toro te guu aguto kig tooku aki aiko te nemi mido mollonekumwallo'mo tov a'mwo su toorai dolago tomuuda'ai adoga bomollurolovonekumokalokuubinekudeyo?” Samuugojoporogano.

Kuurotokwe 4:11

Toro toolluno puukwollo puruv aro sakwollungikokwono. “A'mwo sulago mojokwe tooro sulo pwolluno biyolsumdo yo'mno amodukwopiyopekono. Toro amodukwopiyopo kwollu kuruv Gooti tool ma'dowo ago tov sulo su to kwollu muunyu toru amodumwallo. Toro te aga'no'gwowi sulo su tool yiuwi'nokai ago mojo'mo sulo toorai kuuwolo'mwallo.” Toro sakwollungikokwono. Toro te sulo su tool Jisasol kwol kuunogano.