Kuuguudo Sugudo akav Makolluro sakwollokakwono Mak 7:7 - Gooti Toolluro Yogalokwono

⁷ Toro tooro kemi mago tokwe to'no mino ilomonuwopiyodapudo toga kuudo yaullokwerogano. Oo Gooti tool mino ilaiyo mollonumaronoldeyo. Toro kuudo yau'dupudo kuvi kuruv ku'nono mamolloma'dumdonyugono. Yiuno yasuwa'no yokwerogano. Aki toro tooro Gooti toonyuro kuuguudo tonyuno ibwaso'mo mwinodupudo kworo kuruv yiuno a'mwo pworavuro loowo wosodupudo tonyuno'gwowi ibwasokwerogano.” Sakwollungikokwono.”

Kuuguudo Sugudo akav Makolluro sakwollokakwono Mak 7:7 ပူးပေါင်းရင်းမြစ်များ

Matyuu 15:9

Toro tooro kemi mago tokweno mino ilomonuwopiyodapudo toga kuudo yaullokwerogano. Oo Gooti tool nemino ilaiyo mollonekuma'dowodoldeyo. Toro yau'dupudo kuvi kuruv nuu a'mwo su toorai ilaiyo ku'nono mamolloma'dumdonyugono. Yiuno yasuwa'no to'no yokwerogano. Aki toro tooro Gooti toonyuro kuuguudo tonyuno mibwaso'mo tooro yiuno a'mwo pworavuro loowo wosodupudo tonyuno'gwowi ibwasokwerogano.” Ajakwollokaikono.”

Matyuu 6:7

Aki kevu subusu'nyogalo kuudupi toga a'mwo Gooti toolluno kuudo nonagutokwe toorobusuko nuudumwalpiyo. A'mwo su tooro aro kuudo yau'dupudorogano. Oo nevu yogalo bwotonyago tokwe kuuda'ji tov Gooti tool nonekuu'nonekono. Su toro kuudo yau'dupudo tooro kemi yasuwa'yogalo bwotonyago toorogai subusu'nyogalo wuudumovla'mdupudorogano.

1 Koorin 15:14

Aki Krais tool aiyo aiko te madukavowo'jujuko'mno'juki nevu gamino kuuguudo modomollodowado tokwe'aro kuudo uubweyodowado tokwe'aro toval yiuno yasuwa'no to'no sumo'no'bullujukovakono.

1 Koorin 15:58

Toro tovino tov miyobuuravoo, Gooti toollu guureji neya dogudupolarogaulo. Aki toro togaikullu buro'nyo buro'nyorodeyo pworo nyoguluptovekwapimwalpiyo. Toro kubuurekul kuruv kevu aro kuudo nyau'mwakovo. Aguto toolluro womdo tovi wiyodupudo tov yasuwa'no mavlawonokwono. Toro tovino tov yiuwi'nokai toga kevu Aguto toolluro womdo tovi guureji neya domomjumovlavogaulo.

Kooloosi 2:22

Loowo su toro yekubwasodupudo ton yiuno kwako akavida'aiyogano. Aki loowo wosodupudo wosamujuko su ton kevu me'no anpi toga kaiyako yopiyodupudogano.

Taitos 3:9

Toro kuvi kuruv yogalo pworo a'mwo pworavuro yamuugojo kaiya'nodo toorogai'aro kemi kwikweyago tooraino yovo tonyuno yajunodupudo toorogai'aro imgu amgu yogalo youllajunyo'moneyokwe toorogai'aro Juu tooravuro loowo tovino jainyubwo'dupudo toorogai'aro yiuwi'nokai yogalo su tooro kemi ku'nono maikullo'mwojupinorogano. Toro tovino tov kevu yogalo kaiya'nodo su toorai manyu tomuu'aro neya jurukuruwolovogaulo.

Jems 1:26

A'mwo pwol gavnokweyolluno, Oo nuu lootuu pi'mwono yodumdonyugono, kuudo yauronekono. Su toro kuudo yaurowo'ji kwol kuruv gavnokweyolluro mago tovi po'dogalo tomgu'aro mamolludo'movlawo'ji to'gwowi gami poowokalago tovi kuunano youkuu'najunonekono. A'mwo su toolluro lootuu pasudo tov yiuno yasuwa'no to'no yonekono.

Jems 2:20

Guu kuudo maiyekugono. Aro tovino kuudo neya jouromarogawono. Gumoro kuudo uubweyodumdo su tovida'ai sugupasudo togai neya domjumovlavogawono. Guu kuvinono mamjumovla'bi to'gwowi gumoro kuudo uubweyodumdo su tov yasuwa'no plawonokwono. Neya duu'nono.

Adodolukuu'nosungiko 22:18

Toruda'ai Joonol adokaikono. “Kevu yiuwi'nokai a'mwo abolo buukiyo akavida'ai proofet yogalo wo'dowodo tonyu kuu'nupi togaikullu nuu duudapi yogalo aro ikudumo'monyugono. A'mwo pwol buukiyo akavida'ai yogalo sokwollosungiko tonyu muunyu toru yogalo muuduko pugai'aro nyulloulloso'jo. Toro sulloulloso'ji to'gwowi Gooti tool buukiyo akavida'ai kirumwallo'moneyokwe tabunyuwuulo dodowodo togai a'mwo su toollu nyulloullubweyonekono.