Kuuguudo Sugudo akav Makolluro sakwollokakwono Mak 6:56 - Gooti Toolluro Yogalokwono

⁵⁶ Yiuwi'nokai ajumiyo kula'nyo'mdeyo oo wagwolago aguto'mdeyo oo womnago'mdeyo tomuu Jisasol aullajukekono. Toro tomuu kuuloduke toollu a'mwo nobollokwe tobuurai wosamujuko maket wosodupudo toru abomorosopogano. Toro abomorosopo ton Jisasollu guureji kuudoganopogano. “Nobollokwe tobuuro gumoro youro do'gwapiyo tovino to'no nokwo uubogai'nupinodukono?” Kuudoganopogano. Toro te yiuwi'nokai nobollokwe tobuuro Jisasolluro youro do'gwapiyo tovino uubogai'nodopure su tobuurai sukulokaikono.

Kuuguudo Sugudo akav Makolluro sakwollokakwono Mak 6:56 ပူးပေါင်းရင်းမြစ်များ

Matyuu 14:36

Toro abomorosopo su tekwojo Jisasollu guureji aro kuudoganyajuporogano. “Nevu tekwojonol gumoro youro do'gwapiyo tovino to'no nokwo uubogai'nanonoldukono?” Kuudoganyajuporogano. Toro tekwojo Jisasolluro youro do'gwapiyo tovino uubogai'nodopure tekwojai sukullajukekono.

Matyuu 9:20

Toro pla'mdopure toga abolo puruv abewo'nyo nobollokwe tobuul Jisasollomno abokakwono. Abolo su tobuul abewo'nyo to'no to'no yodowodo tov 12-pela kworomo tobuul kuuwolo'nokakwono. Toro tobuul bino sumaiyokwe Jisasolluro buulo tomgu'aro kuula'no gamoro youro do'gwapiyo tovi kuubogai'nokakwono.

Kuuguudo Sugudo akav Makolluro sakwollokakwono Mak 3:10

Jisasol a'mwo abolo noonyumwonyu nobollokwe bwotonyago tonyu sukulokaikono. Toro tovino tov a'mwo abolo nobollokwe bwotonyago pun uubogai'nyo'mo ton setowapiyopogano.

Kuuguudo Sugudo akav Makolluro sakwollokakwono Mak 6:55

Toro iworovoma'no sumaveyokwe yiuwi'nokai tomuu kano kano plavo'mno kuudomollopogano. Toro wuudomollodopure tovida'ai a'mwo abolo ton Jisasolluro judo'no judo'no yomolloduke tomuuno me'no kuu'nyajupogano. Toro kuu'nyajupo su ton kemi nobollokwe tobuurai i'buronyuko tovi'aro Jisasollomno amollumovomokabopogano.

Luuk 22:51

Toro toollu amodovodokuurapiyoka kuvi kuruv Jisasol aro aduullukurokaikono. “Kevu pasudo su tovi aro'aro' neya jogallu'meyulo.” Toro duulluku'no sumaiyokwe a'mwo womdokwe su toolluro kaduko tovi uubogai'no'no sukulokaikono.

Luuk 6:19

Aki yiuwi'nokai a'mwo abolo kwolallo bwotonyago su ton Jisasollu uubogai'nyo'mo setowapinyajupogano. Su tov aro tovinokwono. A'mwo abolo ton Jisasollu kuubogai'nupi toga gamoro jurogudo tov bolokwodowo yiuwi'nokai nobollokwe su tonyu sukullajukekono.

Luuk 8:44

Toro te abolo su tobuul Jisasolluro buulo tomuu'aro kuulno sumaiyokwe Jisasolluro yiuno youro do'gwapiyo tovino to'no kuubogai'nokakwono. Toro kuubogai'noka kuga'gwo kuuno gamoro abewo'nyo to'no to'no yodowodo nobollo su tov yaluko yiuno'no amelopiyokakwono.

Kuurotokwe 4:12

Nemi ma'no ma'nodo tovuro kirumwallo tovida'ai bomollurolovonekumokalokwiyo'moneyokwe a'mwo yasuwa'nodo pwol ku'nono mabomollurolovonekumokalokwononogano. Yiuwi'nokai kwako akavida'ai a'mwo pwolnodo kwol kuruv nekullo'mwojo'moneyokwe jurogudo nonagutorogano. Toro kuvi kuruv nemi nonekullo'mwojo'mo toolno'gwowi nomwallo. Su toolluno yovo tov Jisasolekono.” Pital toro kuudokaikono.

Kuurotokwe 4:9

a'mwo suvlo nomuullugollokwe su toollu ilaiyo amollumwa'juuwolo tovino kooti yogalo dukonakullakwovo? Oo a'mwo su toollu sukulmwa'juuwolo tovino adadomgu'aro sukulmwa'juloraldukoneyokwe tovino jukiyonakumgojadokwovo?

Kuurotokwe 5:15

Aki a'mwo kuurotokwe tooravuro ikulmovla'mdopure tovino tov a'mwo abolo ton wuu'nodupu kemi nobollokwe toorai i'buronyuko tonyu'aro amollukwovomokabiyajuporogano. Toro mollokwovomokabodupu nobollokwe su toorai puuto tovi wobo toru kwako tovi kwolmwollajuporogano. Su toro sajupo tov aro tovinokwono. Pital puuto tovi'aro pla'mdowo'jure toga gamoro wakuunonabolo tov a'mwo nobollokwe toorai kuubogai'no'ji tov ikulono'moneyokwe kuumwallajuporogano.