Kuuguudo Sugudo akav Makolluro sakwollokakwono Mak 6:41 - Gooti Toolluro Yogalokwono

⁴¹ Toro mwalodopure toga Jisasol bret atobuul tokwe domwoga toorake malluno sumaiyokwe muunyu kai'muu iloonyopiya'no wosamujuko su tonyuno Gooti toollu, “Nenyoo,” kuudokaikono. Toro wuujuno sumaiyokwe bret tov buudeno buudeno sumaiyokwe gami uumjunyokwe toorai a'mwo abolo tonyu uumallupureyokwe amorapiyokaikono. Aki domwoga toorake'aro yiuwi'nokai a'mwo abolo ton nonpino'neyokwe abuudowapiyokaikono.

Kuuguudo Sugudo akav Makolluro sakwollokakwono Mak 6:41 ပူးပေါင်းရင်းမြစ်များ

Matyuu 14:19

Toro te Jisasol gami uumjunyokwe toorai a'mwo abolo ton kabimwomdo toru wolomwalpureyokwe modapino sumaiyokwe kwolomwalopogano. Jisasol bret atobuul tobuuke'aro domwoga toorake'aro tonyu malluno sumaiyokwe muunyu kai'muuno iloonyopiya'no wosamujuko su tonyuno Gooti toollu, “Nenyoo,” kuudokaikono. Toro wuujuno sumaiyokwe bret tov buudeno buudeno sumaiyokwe gami uumjunyokwe toorai a'mwo abolo tonyu uumallupureyokwe amorapiyokaikono. Toro amorapiyoka tooro a'mwo abolo tonyu yado kuumwodeyoporogano.

Matyuu 15:36

Me'no modumwalluno sumaiyokwe bret atobuul ato pworal tobuuke'aro domwoga tobuurogai'aro malluno sumaiyokwe Gooti toollu, “Nenyoo,” wuudo'no abuudovokaikono. Toro buudeno buudeno sumaiyokwe gami uumjunyokwe tooro a'mwo abolo tonyu yado uumwodepureyokwe amorapiyokaikono. Toro te gamoro uumjunyokwe su tooro a'mwo abolo kwolallo tonyu yado abwimoulaporogano.

Matyuu 26:26

Toruda'ai wosamujuko ton no'mno toga Jisasol bret pun maro'no Gooti toollu, “Nenyoo,” wuujuno sumaiyokwe bret su ton abuudovokaikono. Toro buudeno sumaiyokwe gami uumjunyokwe toorai wiyo'no aro kuudokaikono. “Akav moro kulako tokwono. Kevu maropi donyulo.” Kuudokaikono.

Kuuguudo Sugudo akav Makolluro sakwollokakwono Mak 14:22

Toruda'ai wosamujuko ton nomwalno sumaveyokwe Jisasol bret pun amarokaikono. Toro malluno sumaiyokwe Gooti toollu, “Nenyoo,” wuudo'no bret ton abuudovokaikono. Toro buudeno sumaiyokwe gami uumjunyokwe toorai kwiyokaikono. Toro wino sumaiyokwe kuudokaikono. “Akav moro kulako tokwono. Kevu maropi domanyulo.” Kuudokaikono.

Kuuguudo Sugudo akav Makolluro sakwollokakwono Mak 6:40

Toro kuudopo ton 50-peladeyo 100-peladeyo tomgu'aro muudukuu'no'mno kwolomwalopogano.

Kuuguudo Sugudo akav Makolluro sakwollokakwono Mak 6:42

A'mwo kwolallo yiuwi'nokai amwalopo ton wosamujuko su tov nyuno nyuno sumaveyokwe sumwoluko kwitovoka ton nonyugollu'mopto sopogano.

Kuuguudo Sugudo akav Makolluro sakwollokakwono Mak 7:34

Toro tool muunyu kai'muuno iloonyopiya'no suumjudo ki'noma'no sumaiyokwe aro kuudokaikono. “Efata,” kuudokaikono. Yogalo su tov aro tovinokwono. “Dousodavono.” Jisasol yogalo su tov toro kuudokaikono.

Kuuguudo Sugudo akav Makolluro sakwollokakwono Mak 8:19

Nuu a'mwo 5,000 toorai bret tov atobuul tokwe uubuudeno anopogano. Toro nyuno sumaveyokwe anugollu'movopo tonyu kevu bret nobuudeyokwe sutowosungiko basket adado tobuul amollu'bworoporekuldeyo?” Kuudokaikono. Toro tooro kuudoporogano. “12-pela basket ton amollu'bworowonogano.” Kuudoporogano.

Luuk 24:30

Toro kuulno sumaiyokwe wosamujuko nonyo'mo toga Jisasol bret tov malluno sumaiyokwe Gooti toollu, “Nenyoo,” subusu'nyogalo wuudo'no abuudovokaikono. Buudeno sumaiyokwe a'mwo toorallu yado kuumwodeyokaikono.

Luuk 9:16

Toro mwalodopure toga Jisasol bret atobuul tobuuke'aro domwoga toorake'aro tonyu malluno sumaiyokwe muunyu kai'muuno iloonyopiya'no wosamujuko su tonyuno Gooti toollu, “Nenyoo,” kuudokaikono. Toro wuujuno sumaiyokwe bret tov buudeno buudeno sumaiyokwe gami uumjunyokwe toorai a'mwo abolo tonyu uumallupureyokwe amorapiyokaikono.

Joon 11:41

Toro wuujuno sumaiyokwe a'mwo buuso noullo tovida'ai sulo bwotonyo toollu amousogunyugolowosopokwono. Toro mousogunyugolowosuno sumaveyokwe Jisasol muunyu kai'muuno iloonyopino sumaiyokwe aro adokaikono. “Mi Nyunumiyagoloo, mi nuu'nodumdo tovino, “Nenyoo,” agudumono.

Joon 17:1

Jisasol gami uumjunyokwe toorai kuuguudo me'no wuujuno sumaiyokwe toga Gooti toolluro ago muunyu kai'muuno iloonyopiya'no aro kuudokaikono. “Nyunumiyagoloo, gumoro ajesodo toga me'no abai'mopso. Toro te nuu gumoro Kwolaiyo toonyu gumino yovo tovi ilomogwopiyodo'mure tovino tov guu gumoro Kwolaiyo toonyuno yovo tovi nokwo julomonuwopiyawono.

Joon 6:11

Kwolallo ton toro wolomwalodopure toga Jisasol bret ton maro'no Gooti toollu, “Nenyoo,” me'no wuujuno sumaiyokwe buudovo'no kwolallo su tonyu yado kuumwodeyokaikono. Yo'no aki domwoga toorake'aro aval'no sokaikono. Toro uumwodeno sumaiyokwe kwolallo ton kemi mujuko kwinyajupo toru'aro maro'mno wosamujuko su tov amanopogano.

Joon 6:23

Su toro kuudo yau'no sumaveyokwe boot pun wagwolago Taibiriyosda'ai abodavopogano. Toro abodavopo su toru sumdomgu Aguto tool bret tovino Gooti toollu, “Nenyoo,” wuudo'no kwolallo tonyu kuumwodeyokarukono. Toro kuumwodeyoka wobo su toru boot ton abodavopogano.

Kuurotokwe 27:35

Poolol toro wuujuno sumaiyokwe gami bret pun maro'no a'mwo abolo tonyuro sumdollu toru Gooti toollu, “Nenyoo,” kuudokaikono. Toro me'no wuujuno sumaiyokwe bret pun buudovo'no anokaikono.

Room 14:6

Toro te a'mwo abolo aro kuudo yau'dupudo ton, Oo iruko akallu agutollugwogano, Gooti toollu ilaiyo igollo'moneyokwe su toro kuudo yau'dupudogano. Aki a'mwo abolo yiuwi'nokai wosamujuko nodupudo ton Gooti toollu ilaiyo igollo'moneyokwe, “Nenoloo,” wuudopi nodupudogano. Aki su toro to'busuko kubalno wosamujuko punyuno kumako mwalodupudo kun kuruv Gooti toollu ilaiyo igollo'moneyokwe, “Nenoloo,” wuudopi kumako mwalodupudogano.

1 Koorin 10:31

Toro te kevu wosamujuko ton anpiyoga'deyo oo wonyo ton anpiyoga'deyo oo buro'nyo buro'nyo womdodeyo ton supiyoga'deyo yiuwi'nokai su ton Gooti tool yovo aguto mallo'moneyokwe to'no neya jogaulo.

Kooloosi 3:17

Aki kevu buro'nyo buro'nyo yogalo jo'mo'mdeyo oo womdo yo'mo'mdeyo kemoro yiuwi'nokai amjumovlapi su ton yiuno Aguto Jisasolluro yovo tovi'aro neya domjumovlavogaulo. Aki Jisasollu'aro kevu gami Ganumiyago Gooti toollu, “Nenoloo,” nokwo wuudumovla'mwalpinogaikikono.