Kuuguudo Sugudo akav Makolluro sakwollokakwono Mak 5:36 - Gooti Toolluro Yogalokwono

³⁶ Toro wuudodopure toga Jisasol wuu'no'no kwol kuruv Juu tooravuro i'bwo'nyago tovi mido mollomwalokwe toollu kuudokaikono. “Luko mibinono. Gumoro kuudo tov yiuno mino to'no donubweyono.” Kuudokaikono.

Kuuguudo Sugudo akav Makolluro sakwollokakwono Mak 5:36 ပူးပေါင်းရင်းမြစ်များ

Matyuu 17:20

Jisasol kuudokaikono. “Su tov aro tovinokwono. Kemoro Gooti toolluno kuudo uubweyodupudo tov kula'nyo kuunodokwono.” Toro wuujuno sumaiyokwe kuudokaikono. “Nuvu nebal'no ikudumo'mokwono. Kemoro kuudo uubweyodupudo tov yiuno iko mastet sulo kula'nyo tollovobusuko kuudo kuubwepi kuruv Gooti toolno'gwowi kuvinono yonekono. Toro te kevu Gooti toolluno kuudo uubweyopi muumuudo pwollu aro kuudupi tov, Oo ilojo'mowopiyabo'bi pumuuno dovlavono, su toro kuudupi tov kuvinono imo'nonokwono. Aki kuudo kuubwepi su tovi'aro noonyumwonyu womdo tonyu nokwo imwalpinogaikikono.” Kuudokaikono.

Matyuu 9:18

Jisasol toro wuudoduke toga a'mwo mido mollomwalokwe pwol bino sumaiyokwe Jisasolluro suvlo dolago toru suduko abinuguto'nokaikono. Toro binuguto'nyuno sumaiyokwe Jisasollu aro kuudokaikono. “Moro taiyo tov me'no abolmokakwono. Toro tovi guu bo'bi kuubogai'nubi tov aiyo aiko te dukavowo'ji nokwo mwalonokwono.” Kuudokaikono.

Kuuguudo Sugudo akav Makolluro sakwollokakwono Mak 5:22

Toro bomwodovoma'dopure toga Juu tooravuro i'bwo'nyago puvi mido mollomwalokwe pwol abokaikono. A'mwo su toolluno yovo tov Jairasolekono. Toro tool bino sumaiyokwe Jisasollu wono'no gamoro suvlo dolago toru suduko abinuguto'nokaikono.

Kuuguudo Sugudo akav Makolluro sakwollokakwono Mak 5:34

Toro adodowiyoku'bworosunoka tovi Jisasol kuudokaikono. “Abewalobuuloo, gumoro kuudo anubwemwakudo tovino tov agujukulmono. Toro agujukulmo to'guu nokwo pla'bino'guugono. Sumwoluko tov kavo woso'bi duuwanono.” Kuudokaikono.

Kuuguudo Sugudo akav Makolluro sakwollokakwono Mak 9:23

Toro kuudoka toollu Jisasol kuudokaikono. “Gumoro aro anyudumodo tov, “Nokwo'mekuno'juki,” anyudumodo su tov buro'nyo'mo'mdeyo. Guu aro tovino'gwowi kuudo neya jaurono. A'mwo Gooti toollu kuudo kuubweyo'ji tool buro'nyo buro'nyodeyo pun imokwe kuudo sauro'ji tov nokwo'mekono.” Kuudokaikono.

Luuk 8:50

Toro wuudodopure toga Jisasol wuu'no'no kwol kuruv a'mwo su toollu aro kuudokaikono. “Guu luko mibinono. Gumoro kuudo tov yiuno mino to'no donubweyono. Guu su toro anubwebi tov gumoro taiyo tov ilaiyo aiko te nyumo'nonokwono.” Kuudokaikono.

Joon 11:40

Toro kuudoka tovi Jisasol aro kuudokaikono. “Nuvu aro me'no agudumo'guugono. Guvu mino kuudo anubwebi tov Gooti toolluro jurogudo kuunodo tovi noonbino'guugono. Su toro me'no agudumo'guugono.” Kuudokaikono.