Kuuguudo Sugudo akav Makolluro sakwollokakwono Mak 5:29 - Gooti Toolluro Yogalokwono

²⁹ Toro uubogai'nyuno sumaiyokwe kuga'gwo kuuno abolo tovuro abewo'nyo nobollo tov sukulnokakwono. Toro te abolo tov gamoro kulako tovi ibwosuno'no aro kuudo saurokakwono. Oo moro nobollo tov me'no donyukulmaiyo. Kuudo saurokakwono.

Kuuguudo Sugudo akav Makolluro sakwollokakwono Mak 5:29 ပူးပေါင်းရင်းမြစ်များ

Mollurolovomato 15:26

Toro tool aro kuudokaikono. “Kevu Gooti Yawel toonyuro yogaimaguurai ikudodo'mure tovi duu'nogaulo. Aki moro sumdo tovi yiuno sugudo to'no domjumovlavogaulo. Aki moro loowo adosungiko tonyu duumjunogaulo. Kevu toro supi togaikullu mairekumwallumonyugono. Sumdomgu Ijupda'ai toorai nobolluwuulo kuubweyajo su tonbusuko kubalno mairekumwallumonyugono. Su tov aro tovinokwono. Nuu Gooti Yawel kemoro nobollo tonyu ikullukulodumdonyugono.” Kuudokaikono.

Matyuu 9:20

Toro pla'mdopure toga abolo puruv abewo'nyo nobollokwe tobuul Jisasollomno abokakwono. Abolo su tobuul abewo'nyo to'no to'no yodowodo tov 12-pela kworomo tobuul kuuwolo'nokakwono. Toro tobuul bino sumaiyokwe Jisasolluro buulo tomgu'aro kuula'no gamoro youro do'gwapiyo tovi kuubogai'nokakwono.

Kuuguudo Sugudo akav Makolluro sakwollokakwono Mak 3:10

Jisasol a'mwo abolo noonyumwonyu nobollokwe bwotonyago tonyu sukulokaikono. Toro tovino tov a'mwo abolo nobollokwe bwotonyago pun uubogai'nyo'mo ton setowapiyopogano.

Kuuguudo Sugudo akav Makolluro sakwollokakwono Mak 5:28

Toro kuubogai'noka tov aro sajunokakwono. “Nuu gamoro yiuno youro tovino kuubogai'numi tov ikunme'gono.” Toro yajuno'no kuubogai'nokakwono.

Kuuguudo Sugudo akav Makolluro sakwollokakwono Mak 5:34

Toro adodowiyoku'bworosunoka tovi Jisasol kuudokaikono. “Abewalobuuloo, gumoro kuudo anubwemwakudo tovino tov agujukulmono. Toro agujukulmo to'guu nokwo pla'bino'guugono. Sumwoluko tov kavo woso'bi duuwanono.” Kuudokaikono.

Luuk 7:21

Su toro kuudoganolo toga Jisasol a'mwo abolo nobolluwuulo go'no go'nodokwe togai'aro kuullo ma'no ma'no kuulomwalodupudo togai'aro bwotonyago tonyu sukullajukekono. Aki sumnowojokwe bwotonyago kunyu kuruv ato tokwe uubogai'noduke tovida'ai sumdo ainyajupogano.