Kuuguudo Sugudo akav Makolluro sakwollokakwono Mak 5:23 - Gooti Toolluro Yogalokwono

²³ Toro inuguto'nyuno sumaiyokwe Jisasollu guureji aro kuudokaikono. “Moro taiyo tov nobollo'mo sadopiyo. Toro tovi guu kuubogai'nubi tov nokwo ikunonokwono. Ikunowo'ji ilaiyo nokwo mwalonokwono.” Kuudokaikono.

Kuuguudo Sugudo akav Makolluro sakwollokakwono Mak 5:23 ပူးပေါင်းရင်းမြစ်များ

Matyuu 8:3

Toro kuudoka toollu Jisasol gami ato tov ruuguusapino sumaiyokwe a'mwo su toollu uubogai'no'no aro kuudokaikono. “Nuu ilaiyo anyunumaiyo. Toro te gumi agujukulmono.” Toro kuudoka kuga'gwo kuuno a'mwo su toolluro wonawiyo nobollo bwotonyo tovi kuvinono sukulokaikono.

Kuuguudo Sugudo akav Makolluro sakwollokakwono Mak 16:18

Aki toro tooro kemi ato tokwe gabakuto toorai nomworapinorogano. Toro amworapi toga tuko adopi kworo kuruv mabolpinorogano. Aki marasin pun a'mwo toorai romiyosodowodo tonyu anpi kworo kuruv mabolpinorogano. Aki a'mwo abolo nobollokwe tonyu kemoro ato tokwe uubogai'nodopure tovi'aro ikulnupinogano.” Jisasol toro kuudokaikono.

Kuuguudo Sugudo akav Makolluro sakwollokakwono Mak 5:24

Toro wuujuno sumaiyokwe Jisasol a'mwo su tooke avlavokaikono. Toro pla'mduke toga kwolallo bwotonyo ton amobwi'buullopimovlavopogano.

Kuuguudo Sugudo akav Makolluro sakwollokakwono Mak 6:13

Toro moruudomollodupu kuullo ma'no ma'nodo bwotonyago toorai amodovomjapiyajuporogano. Aki nobollokwe bwotonyago tooravuro mido tovi oolip munyupto tov kimovobweyodupu sukullajuporogano.

Kuuguudo Sugudo akav Makolluro sakwollokakwono Mak 7:32

Toro towai ki'mo'mduke toollomno a'mwo kadu'nollukullo yogaimajokwe pwollu amokaboporogano. Toro mokabino sumaveyokwe Jisasol ato kuubogai'no'ji ikulono'moneyokwe guureji ajugonoporogano.

Kuuguudo Sugudo akav Makolluro sakwollokakwono Mak 8:23

Toro te a'mwo sumnowojokwe toollu Jisasol wagwolago tovida'ai kwa'mgu tomuuno gami ato tovi'aro abomogaibworomokalokwokaikono. Toro bomogaibworomokalokwino sumaiyokwe a'mwo toolluro sumnowojo tovallu ibupto kuupurokaikono. Me'no uupu'no sumaiyokwe Jisasol ato uubogai'no'no aro kuudokaikono. “Aga buro'nyo tonyu doonadokuuno?” Kuudokaikono.

Luuk 13:13

Toro kuudoka toga Jisasol gamoro ato toval abolo su tovuro mido tovi muunyu toru kuubogai'nokaikono. Toro kuubogai'noka kuga'gwo kuuno abolo tov ido'nyuno adavokakwono. Toro daino sumaiyokwe Gooti toollu sulomodomoropiyokakwono.

Luuk 4:38

Jisasol i'bwo'nyago tovida'ai bolokwo'no Saimoonolluro ago tomuuno avlavokaikono. Saimoonolluro ganyalum tov kula'du'nobollokwe wo'duke toviyomno avlavokaikono. Abolo su tovuro ago tovi kuulomwalodupudo ton Jisasol Saimoonolluro ganyalum su tovi ikulono'moneyokwe kuudoganopogano.

Luuk 4:40

Toruda'ai kuujo tool me'no kwolomwoloka sula'dugumdo toga yiuwi'nokai a'mwo abolo nobollokwe go'no go'nodo tonyu Jisasollomno amokabopogano. Yiuwi'nokai nobollokwe su tobuurai Jisasol ato tokwe uubogai'no'no sukullajukekono.

Luuk 7:12

Toro plaino sumaveyokwe Jisasol wagwolago tovi kuullo'moneyokwe noullo tovi wobo toru ai'movokaikono. Toro ki'mo'mduke toga a'mwo pworo wagwolago su tovida'ai a'mwo bwiyo pwollu bomokalokwodopure toorai kwonokaikono. A'mwo bwiyo su tool abekanyo pubuulluro muugunyekono. Abekanyo su tobuul kwolaiyo gabovo pworogai'aro nonagutokwono. Aki abekanyo tobuulluro muugunyo pwolnodo su tool me'no abolokaikono. Toro te abekanyo su tobuuke'aro a'mwo abolo kwolallo abomokalokwopo togai'aro su ton kula'nyonmaiyo.

Joon 11:3

Toro te gami jo'mwo Mariyakwe'aro Martakwe'aro tonodal Jisasolluno aro adapiyolovakono. “Agutoloo, gumoro kalo buuropino gujunodowodo tool nobollokwekono.”

Kuurotokwe 28:8

Toro mollonekumwaloduke toga Puubliyasolluro ganumiyago tool kula'du'nobollo tokwe'aro lukapoka tokwe'aro toval winoduke tool gami noluuleyo tovino suloga'bwo'nallajukekono. Toro iloga'bwo'na'duke toollomno Poolol uuwo'no kuuru'marokaikono. Toro wuuru'ma'no sumaiyokwe Poolol gamoro ato tov a'mwo nobollokwe su tekwoji muunyu toru iloso'no subusu'nyogalo amadokaikono. Toro majuno sumaiyokwe a'mwo nobollokwe su tekwoji sukulokaikono.

Kuurotokwe 6:6

7-pela a'mwo su toorai me'no jesuno sumaveyokwe a'mwo kuurotokwe tooraiyomno mokaula'mno kworavuro sumdollu toru aulomolludapiyoporogano. Toro kuulomolludapino sumaveyokwe toga a'mwo kuurotokwe tooro 7-pela a'mwo ajesopo su tooravuro mido tonyu kemi ato tokwe uubogai'no'mno subusu'nyogalo amadoporogano. Kemoro womdo ilaiyo imovla'mwalpino'moneyokwe a'mwo 7-pela su toorai toro ajesoporogano.

Kuurotokwe 8:17

Subusu'nyogalo toro majuno sumaleyokwe Pitaike Jooneke tooral kemoro ato tokwe a'mwo abolo su tobuuravuro mido tonyu kuubogai'nolorakono. Toro uubogai'nodole toga Gooti toolluro Kuullo tool a'mwo abolo su tobuuravuro poowokalago tovi auluumwalokaikono.

Kuurotokwe 9:12

A'mwo su tool wojo to'busuko suwo'numwa'juko tovida'ai gumino aro kuudo me'no souroguma'mokaikono. Oo a'mwo pwol miyomno noolabwonoldeyo. A'mwo su toolluno yovo tov Ananaiyasolekono. Toro tool kuulabowo'ji moro sumnowojo tovi anubogai'no'ji toga moro sumdo tov ilaiyo aiko te nokwo kinmonyudeyo. Wojo to'busuko suwo'numwa'juko tovida'ai gumino su toro kuudo me'no souroguma'mokaikono. Toro te guu a'mwo su toollu wuuru'mallo'moneyokwe dovlavono.” Aguto tool Ananaiyasollu toro kuudokaikono.

Kuurotokwe 9:17

Toro kuudoka tovi Ananaiyasol kaduko wino sumaiyokwe avlavokaikono. Plavo'no ago Soolol kuulomwaloduke tovi ai'movokaikono. Toro ki'mo'mno sumaiyokwe anakuuto tomuu kuula'no Soolollu ato tokwe uubogai'nyuno sumaiyokwe aro kuudokaikono. “Mi nyugwai'yago Soololoo, guu puuto tomuu bodore toga Aguto Jisasol abiyagulo'numwa'jukekono. Toro tool aro gubweyo'moneyokwe mi gumiyomno amonuwopiyamokanyugono. Guu sumdo ilaiyo aki aiko te kinbinekugono. Aki gumoro poowokalago tovi Gooti toolluro Kuullo toollu uumjunyo'moneyokwe kuudo ton kuullo'mowopiyonokwono.” Kuudokaikono.