Kuuguudo Sugudo akav Makolluro sakwollokakwono Mak 4:3 - Gooti Toolluro Yogalokwono

³ “Kevu duu'nyulo. A'mwo pwol gami wit sulo ton pulolloso'mo tool gami womdo tomuuno avlavokaikono.

Kuuguudo Sugudo akav Makolluro sakwollokakwono Mak 4:3 ပူးပေါင်းရင်းမြစ်များ

Matyuu 13:24

Aki Jisasol yovekurajo puruv aro kuudokaikono. “Muunyu kai'muuda'ai aguto kig toolluro mido mollomwalo tov a'mwo pwol gami womdo tovi wit sulo sugudo tollovo audosoka to'busukokwono.

Matyuu 13:26

Toro te lukomgu wit ton bilarowino sumaveyokwe aguto gullo'mno no ton ai'nopogano. Toro ai'nopo kuvi kuruv gwo'gwopto kaiya'nodo kworo kuruv wit togai ya'mo'nyuno sumaveyokwe abilaropogano.

Matyuu 13:3

Toro da'mdopure tonyu Jisasol ibwaso'mo tool yovekurajo bwotonyago togai subwasajukekono. Toro toolluro yovekurajo subwasoka puruv arokwono. “Kevu duu'nyulo. A'mwo pwol gami wit sulo ton pulolloso'mo tool gami womdo tomuuno avlavokaikono.

Kuuguudo Sugudo akav Makolluro sakwollokakwono Mak 4:14

Toro wuudoganyuno sumaiyokwe toga yovekurajo tovuro kavlo tovino aro kuudokaikono. “A'mwo pulollosi womdokwe tool Gooti toolluro yogalo tovi ibwasokwe toolbusukekono.

Kuuguudo Sugudo akav Makolluro sakwollokakwono Mak 4:2

Toro mwalodopure toorai ibwaso'mo tool yovekurajo bwotonyago togai subwasajukekono. Toro tool akaro togai subwasajukekono. Puruv aro kuudokaikono.

Kuuguudo Sugudo akav Makolluro sakwollokakwono Mak 4:23

Juno sumaiyokwe kuudokaikono. “A'mwo pwol kuuguudo akavi youromallo'moneyokwe tool po'dogalo neya wuu'nono.” Kuudokaikono.

Kuuguudo Sugudo akav Makolluro sakwollokakwono Mak 4:4

Toro plaino sumaiyokwe novlollosoduke pun puuto tovi muunyu toru abwolorapogano. Toro abwolorapo tonyu dokato tooro bo'mno abomonopiyopogano.

Kuuguudo Sugudo akav Makolluro sakwollokakwono Mak 4:9

Aki aro kuudokaikono. “A'mwo pwol kuuguudo akavi youromallo'moneyokwe tool po'dogalo neya wuu'nono.” Kuudokaikono.

Kuurotokwe 2:14

Toro yajunodopure kuvi kuruv Pital 11-pela a'mwo kuurotokwe pworogai adaiyajupo su tool a'mwo abolo tonyuro sumdollu toru iloda'mno sumaiyokwe guureji aro amoruudokaikono. “Kevu Juu toorekike'aro yiuwi'nokai Jeruusalemda'ai amwakopo toorekike'aro toorekul kuuguudo akavino molla'mopto kuudo nyau'mwalpiyokweyo'mo kemoro kaduko ton donubweyabilo.

Jems 2:5

Mi avalobuuravoo, neya duu'nyulo. Kwako akavida'ai a'mwo abolo apoo'nyaiyo mwalodupudo tobuuro kuudo uubweyodopure tovida'ai muunyu kai'muuda'ai noonyumwonyu bwotonyagokwe tonbusuko imo'nyo'moneyokwe Gooti tool me'no ajesokagano. Aki a'mwo abolo apoo'nyaiyo su tobuuraino Gooti toolluro subuu'yamju me'no aduuwiyoka puruv arokwono. “Yiuwi'nokai pwolno puru'monodo mino kalo buuropino winyokwe ton nuu aguto kig toonyuro mido mollomwalo toru nuuge noulomwalmwalpinogano.” Adokaikono.

Adodolukuu'nosungiko 2:11

A'mwo pwol kaduko nyabiyo'mo kwino'ji tov Gooti toolluro Kuullo tool moro mollu'bwoto go'no go'nodo tonyu kuuguudo wuudodowo'jure akavi neya wuu'nowo'ji kuudo youromaronekono. Kuuguudo su tov arokwono. A'mwo pwol Satanyolluro molo tovi kuuwolowo'ji su tool bolnodo naba 2 tov bai'mo'mdowo'jure kuga kuruv kaiyako mamaronekono.”

Adodolukuu'nosungiko 2:29

A'mwo pwol kaduko nyabiyo'mo kwino'ji tov Gooti toolluro Kuullo tool moro mollu'bwoto go'no go'nodo tonyu kuuguudo wuudodowo'jure akavi neya wuu'nowo'ji kuudo youromarono.”

Adodolukuu'nosungiko 2:7

Toro te a'mwo pwol kaduko nyabiyo'mo kwino'ji tov Gooti toolluro Kuullo tool moro mollu'bwoto go'no go'nodo tonyu kuuguudo wuudodowo'jure akavi neya wuu'nowo'ji kuudo youromaronekono. Kuuguudo su tov arokwono. A'mwo pwol Satanyolluro molo tovi kuuwolowo'ji su tool iko aiyo yiunokuudo mujomwekovlaiyo'moneyokwe toolluro ikulsulo tovi nomuudanonekono. Iko aiyo yiunokuudo mujomwekovlaiyo'moneyokwe su tool Gooti toolluro ago muunyu kai'muu gamoro womdo sugumaluko tovi anakuuto toru da'mdowodekono.”