Kuuguudo Sugudo akav Makolluro sakwollokakwono Mak 16:8 - Gooti Toolluro Yogalokwono

⁸ Toro kuu'nopo ton luko amorumoukuuropiyopo tovino bu'buto polno sumaveyokwe a'mwo buuso sulpuuto tovida'ai lukado abolokwopogano. Toro bolokwino sumaveyokwe luko amorumoukuuropiyopo tovino a'mwo pwolnodo kwol kuruv muudopogano.

Kuuguudo Sugudo akav Makolluro sakwollokakwono Mak 16:8 ပူးပေါင်းရင်းမြစ်များ

Matyuu 28:8

Toro wuujuno sumaiyokwe abolo toval luko solo kuvi kuruv kemoro poowokalago to'gwowi ilaiyo bwotonyo subwosunolovakono. Toro ibwosunyuno sumaleyokwe a'mwo buuso sulpuuto tomuuda'ai yere wuugollu'movolno Jisasolluro uumjunyokwe toorai wuujo'moneyokwe kano kano avlavolovakono.

Matyuu 7:28

Jisasol kuuguudo su ton me'no yodubwasuno sumaiyokwe toga a'mwo abolo kwolallo ton gamoro ibwasoduke tonyuno morumoukuropi sopogano.

Kuuguudo Sugudo akav Makolluro sakwollokakwono Mak 16:7

Toro te aro kuudokaikono. “Kevu plavopi gamoro uumjunyokwe toorogai'aro Pitaike'aro toorai kuuguudo tov aro duujulo. “Jisasol Galili'no sumdomgu kwolda'ai wanodowo'jure toollu kumuu wonpinekono. Gamoro me'no aikudoka tovi kuvinono uumjunowo'ji wanodowo'jure toollu noonpinekono.” Toro duujulo.” Kuudokaikono.

Kuuguudo Sugudo akav Makolluro sakwollokakwono Mak 16:9

Toruda'ai Sande lomwo iru'mago tovi Jisasol me'no dukaino sumaiyokwe gami uumjunyokwe toorai yere mwiyalo'no'no kwol kuruv sumdomgu Makdalada'ai Mariyavi kwiyalo'nokaikono. Abolo su tovi sumdomgu Jisasol kuullo ma'no ma'nodo atobuul ato pworal toorai me'no amodovomjapiyoka su tov kurukwono.

Luuk 10:4

Aki kevu nuugwipweyo tokwe'aro kuto tokwe'aro suulpweyo tokwe'aro togai mamokavlapinorekikono. Aki toro toorekul puuto tomuu pla'mdopure toga a'mwo abolo punyu kuuru'mapi tov kevu kuuguudo kumi'yago toorogai dopi ikumjukuto nyo'jo.

Luuk 24:37

Toro kuudoka kuvi kuruv a'mwo su tooro morumoukuropiyo'mno luko bwotonyo soporogano. Aki toro tooro Jisasollu wonyuno sumaveyokwe aro kuudo sauroporogano. Nevu kumamdo pwollu doonmwakuuwono. Kuudo sauroporogano.