Kuuguudo Sugudo akav Makolluro sakwollokakwono Mak 14:55 - Gooti Toolluro Yogalokwono

⁵⁵ Toruda'ai pris mido mollomwalokwe toorogai'aro Juu tooravuro yiuwi'nokai kaunsel toorogai'aro tooro Jisasollu romiyoso'moneyokwe kooti yogalo aduuwiyoporogano. Toro duuwino sumaveyokwe a'mwo yogalo arokwe pwolluno sa'mgonoporogano. “Oo Jisasol ma'no ma'no yoduke toollu kwononyugono,” A'mwo su toro adodoluvanekubweyoneyokwe toolluno a'mgono soporogano. Toro sa'mgonopo kworo kuruv a'mwo pwolnodo kwollu kuruv miyo'mgonomaroporogano.

Kuuguudo Sugudo akav Makolluro sakwollokakwono Mak 14:55 ပူးပေါင်းရင်းမြစ်များ

Da'buukiyo 27:12

Mi ikomago tooro a'mwo pworai mino kuunano yogalo youkuu'nuudodupu kaiyako sugolanumo'mwakoponyugono. Toro tooravuro ato tovi nomwalmiyokweyo'mo guu nonuwonyapibiyo.

Matyuu 5:22

Toro kuvi kuruv nuvno'gwowi aro aikudumwakono. Kemida'ai pweku guuge avalo pwekwojuno yiuno surodo to'no aguuno'ji kweku kuruv kirumwallo'moneyokwe kooti yogalo tovino'gwowi noda'binekugono. Aki gumi avalo pwekwojuno biyekuu'nyogalo abwolomorumwogapiyabi tov kaunsel tooravuro sumdollu toru noda'binekugono. Aki gumi avalo pwekwojuno, “Oo junorukuudokwekono,” adubi kuruv Gooti tool du'muudo tomuu nomogwapiyonekugono.

Kuuguudo Sugudo akav Makolluro sakwollokakwono Mak 14:56

Toro kuvi kuruv kooti yogalo toro duuwino sumaveyokwe a'mwo bwotonyago tooro Jisasolluno kuunano yogalo soukuu'nuudoporogano. Toro soukuu'nuudopo tooravuro kuuguudo tov avalo puvi muudoporogano. Kuuguudo judo'no judo'nodo tonyu kuudoporogano.

Joon 18:19

Toruda'ai pris aguto tool Jisasollu gami uumjunyokwe tooraino yamuugojo kuudoganokaikono. Aki gamoro kuuguudo sodubwasajuko kuvino kuruv kuudoganokaikono.

Joon 18:21

Toro te gumoro yamuugojo anyudumwakudo tov buro'nyo'mo'mdukono? Guu a'mwo abolo moro kuuguudo yodubwasodumdo tovi me'no wuu'nodupudo tonyu nokwo wuudoganbinekugono. A'mwo abolo su ton moro kuuguudo sodubwasajo tonyuno kuudo me'no youroma'dupudogano. Toro tonyu guu nokwo duudoganono.” Kuudokaikono.