Kuuguudo Sugudo akav Makolluro sakwollokakwono Mak 14:5 - Gooti Toolluro Yogalokwono

⁵ Wobeya sudo kuunyokwe wonyo su tov nemi anekullabowo'jujuko'mno'juki nuugwiyo bwotonyo nokwo amarowa'jujukonogano. Wobeya sudo kuunyokwe wonyo su tovi a'mwo pworo anekubipi nuugwiyo tov 300 silva nuugwiyo tomgu'aro amarowa'jujukokwono. Toro te nuugwiyo su tokwe a'mwo apoo'nyaiyo pubuurai nokwo kwiyo'mwojowa'jujukokwono. Toro kuvi kuruv meko me'no sumokakwono.” Toro juno'mno abolo tovi burolyogalo kuudoporogano.

Kuuguudo Sugudo akav Makolluro sakwollokakwono Mak 14:5 ပူးပေါင်းရင်းမြစ်များ

Matyuu 18:28

Toro kuvi kuruv a'mwo ki'nato womdokwe su tool aguto kig mido mollomwalokwe toolluda'ai buugollu'mokalokwino sumaiyokwe gavuge avalo ki'nato womdokwe gabovo pwollu abilluru'marokaikono. Toro billuru'ma'no sumaiyokwe gamoro boruko tovi'aro agalomworarokaikono. Ki'nato womdokwe gabovo su tekwo atousal silva nuugwiyo tomgu'aro dinau tov kurukwekono. Toro toollu galomwora'no sumaiyokwe aro adumuurolovokaikono. “Guvu dinau su tov yere manubibi tov mirolovogwapimekugono.” Adumuurolovokaikono.

Matyuu 20:11

Toro tooro kemi womnuugwiyo su tov malluno sumaveyokwe kwako tovi jukwo toollu biyolyogalo aro aduu'mwojoporogano.

Matyuu 26:9

Wobeya sudo kuunyokwe wonyo su tov nemi anekullabowo'jujuko'mno'juki nuugwiyo bwotonyo nokwo amarowa'jujukonogano. Toro marowa'ji nuugwiyo su tokwe a'mwo apoo'nyaiyo pubuurai nokwo kwiyo'mwojowa'jujukokwono. Toro kuvi kuruv meko me'no sumokakwono.” Sajunoporogano.

Kuuguudo Sugudo akav Makolluro sakwollokakwono Mak 14:4

Toro kimowosoduke tovi a'mwo aulonomwallajupo pworo wonyuno sumaveyokwe surodo'mo yo'mno aro sajunoporogano. “Wobeya sudo kuunyokwe aimowosumoka su tov buro'nyo'mo meko jukiyadopiyo?

Kuuguudo Sugudo akav Makolluro sakwollokakwono Mak 14:6

Toro wuudodopure toorai Jisasol kuudokaikono. “Kevu abolo tovi nokwo wonyapino julo. Kevu buro'nyo'mo burolyogalo wuudodupu abolo su tovi jul'nyo duubweyadokwovo? Abolo su tovuro anyumoka tov sugudokwono.

Luuk 15:2

Toro bodopure kuvi kuruv Farasi toorogai'aro loowo tovino pi'mwo kuudokwe toorogai'aro tooro mebweyogalo aro ajunoporogano. “Oo a'mwo akal a'mwo ma'no ma'nodokwe toorai ilaiyo molloma'dowodekono. Toro molloma'dowodo su toorogai kuulonomwalodowodekono.” Ajunoporogano.

Joon 13:29

Toro tooraida'ai pworo aro kuudo sauroporogano. Oo Juudasol nemoro nuugwipweyo mwora'dowodo toollu Jisasol aro tovino kuudumokaldeyo, Guu lubullu doto yanano'moneyokwe wosamujuko pun dobiyomorawono oo Guu a'mwo abolo apoo'nyaiyo pubuurai nuugwiyo pun neya duuwiyono. Su toro tovino kuudumokaldeyokwe tovino kuudo sauroporogano.

Joon 6:43

Toro yajunodopure toorai Jisasol aro kuudokaikono. “Kevu kevnokwerekulluro akuuto toru kuullajunopi numino biyolyogalo madanuu'mwojupinono.

Joon 6:7

Toro wuujuno sumaiyokwe Filipol aro kuudokaikono. “Nevu 200 silva nuugwiyo tobuuke bret ton abiya'ji kuruv wosamujuko su tekwo yiuwi'nokai pwolno pwolnodo toorai ku'nono mwiyonekwogano.” Kuudokaikono.

1 Koorin 10:10

Aki nemi nellukweyago pun Gooti toollu burolyogalo domuugona'dopure tonyu Gooti su tool noromiyebuuropiyo'moneyokwe ensel pwollu amoropiyabokaikono. Toro te ensel su tool yiuwi'nokai burolyogalo kuujajupo tonyu aromiyebuuropiyokaikono. Aki aga kuga kuruv aiyogasuro burolyogalo kuujajupo tonbusuko kubalno nevu Gooti toollu aval'no nuudumwala'jo.

Efesos 4:28

Aki kevu kuuko yodupudo togaikul aga aki aiko te kuuko nyumwalpiyo. Toro kugaikul kuruv womdo neya domjumovlavogaulo. Kevnokwe togaikulluro ato tokwe womdo ilaiyo amjumovlapi tov a'mwo abolo supto yodopure tobuurai ilaiyo nokwo wiyo'mwojumwalpinogaikikono.

Filipai 2:14

Kevu yiuwi'nokai womdo tonyu mujumovlavopi toga burol yogalo maullajunpinono. Aki womdo su tonyuno yogalo nyoullajunmwalpiyo.

Juut 1:16

Toro te a'mwo kuunano ibwasokwe su tooro biyekuu'nyogalo duu'mwojodupudorogano. Aki jul'nyogalo tokwe domuugona'dupudorogano. Kevnokwe tooravuro ilaiyo igollunyo'mo pasudo tooraino to'no uumjunodupudorogano. Toro tooro kevnokwero ilomoropunyo'mo yogalo tokwe derounomollodupudorogano. Aki toro tooro a'mwo abolo pubuuravuro kuto ivito tonyu ki'nomallo'moneyokwe jolukuulovoma'dupudorogano.