Kuuguudo Sugudo akav Makolluro sakwollokakwono Mak 14:39 - Gooti Toolluro Yogalokwono

³⁹ Jisasol toro wuujuno sumaiyokwe aikomgu uuwo'no sumdomguda'ai subusu'nyogalo kuudoka su tov aki aiko te aval'no kuudokaikono.

Kuuguudo Sugudo akav Makolluro sakwollokakwono Mak 14:39 ပူးပေါင်းရင်းမြစ်များ

Matyuu 6:7

Aki kevu subusu'nyogalo kuudupi toga a'mwo Gooti toolluno kuudo nonagutokwe toorobusuko nuudumwalpiyo. A'mwo su tooro aro kuudo yau'dupudorogano. Oo nevu yogalo bwotonyago tokwe kuuda'ji tov Gooti tool nonekuu'nonekono. Su toro kuudo yau'dupudo tooro kemi yasuwa'yogalo bwotonyago toorogai subusu'nyogalo wuudumovla'mdupudorogano.

Kuuguudo Sugudo akav Makolluro sakwollokakwono Mak 14:38

Yamju puruv ikulloganodowo'jure toga kevu nobwolorapiyo. Toro toorekul mabwolorapiyokweyo'mo neya kinomwalopi subusu'nyogalo dodogaulo. Su tov aro tovinokwono. Kemoro poowokalago tovida'ai kuudo tokwe numi numjunyo'mo ikullunodowo'jure kuvi kuruv kemoro kulako to'gwowi kuvinono yo'mo tov jurogudo nonagutokwono.”

Kuuguudo Sugudo akav Makolluro sakwollokakwono Mak 14:40

Jisasol subusu'nyogalo wuudoduke toga gami uumjunyokwe pworapwol tooro sa'mo bwotonyo wino'mno aki aiko te kwollajuporogano. Toro wo'dopure toorai Jisasol aikomgu bo'no wonyuno sumaiyokwe ajudukuurokarogano. Toro ajudukuuroka tooro Jisasollu, Buro'nyovo wuudanonoldukoneyokwe, tovino noo'nookwo to'no soporogano. Toro ino sumaveyokwe yogalo puru'monodo kuruv miyouruudoporogano.

Luuk 18:1

Aki Jisasol yovekurajo puruv kuudokaikono. Yovekurajo su tov a'mwo abolo Jisasollu uumjunyokwe ton yiuwi'nokai toga Gooti toollu subusu'nyogalo neya wuudumovlavopi aki nyuu'dapimwalpiyokwe tovinokwono.

2 Koorin 12:8

Nuu Aguto toollu pugasal puga aro ajugononyugono. “Oo moro dado anuunadopiko akavi guu nokwo manyudukwopibinekudeyo?” Ajugononyugono.

Hibruu 5:7

Toro te Jisasol kwako akavi somollajuko toga noromiyoso'mo yodopure tool aro kuudo saullajukekono. Yiuno Gooti toolno moro bolnodo tovida'ai nokwo bomollurolovonumokalokwonoldeyo. Toro kuudo yau'dowo Gooti toollu subusu'nyogalo kuudumovlaiyajukekono. Aki Gooti toollu yamuugojo kuudoganyajukekono. Subusu'nyogalo wuujo'mo tool deko bwotonyo togai'aro kumdato togai'aro togai kuudoganyajukekono. Jisasol Gooti su toollu kwako tomuu'aro kwiyajukekono. Toro tovino tov gamoro subusu'nyogalo wuudoduke tovi Gooti su tool kuvinono kuu'nyajukekono.