Kuuguudo Sugudo akav Makolluro sakwollokakwono Mak 14:30 - Gooti Toolluro Yogalokwono

³⁰ Jisasol toro kuudoka toollu kuudokaikono. “Nuu nebal'no gudumo'mokwono. Surakuuto akaga kuukuuro kwolo pwol deko tov pugasal madodowo'jure toga guu tooku mino tov pugasalpuga aro dubinekugono. “Awiyo, nuu a'mwo su toolluno kuudo maiyonyugono.” Mino toro dubinekugono.”

Kuuguudo Sugudo akav Makolluro sakwollokakwono Mak 14:30 ပူးပေါင်းရင်းမြစ်များ

Muuduko 1:13

Iruko su tollugwojuro surakuuto tov me'no uuwolo'no'no lomwo sullourosokakwono. Toro illourosuno sumaiyokwe iruko naba 3 tollugwo me'no abawokakwono.

Muuduko 1:19

Iruko su tollugwojuro surakuuto tov me'no uuwolo'no'no lomwo sullourosokakwono. Toro illourosuno sumaiyokwe iruko naba 4 tollugwo me'no abawokakwono.

Muuduko 1:23

Toro dubweno sumaiyokwe iruko su tollugwojuro surakuuto tov me'no uuwolo'no'no lomwo sullourosokakwono. Toro illourosuno sumaiyokwe iruko naba 5 tollugwo me'no abawokakwono.

Muuduko 1:5

Gooti tool toro momuudeyosuno sumaiyokwe bako tovino yovo tov, Irukovo sowarokakwono. Aki dugumdo tovino yovo tov, Surakuutovo, sowarokakwono. Toro te surakuuto su tov me'no uuwolo'no'no lomwo sullourosokakwono. Toro illourosuno sumaiyokwe iruko muudu'nodo tollugwo me'no abawokakwono.

Muuduko 1:8

Toruda'ai Gooti tool sodo tovino yovo tov, Sulugumdovo, sowarokakwono. Iruko su tollugwojuro surakuuto tov me'no uuwolo'no'no lomwo sullourosokakwono. Toro illourosuno sumaiyokwe iruko naba 2 tollugwo me'no abawokakwono.

Matyuu 26:34

Toro kuudoka toollu Jisasol aro kuudokaikono. “Nuu nebal'no gudumo'mokwono. Surakuuto akaga kuukuuro kwolo pwol deko tov yere madodowo'jure toga guu tooku mino tov pugasalpuga aro dubinekugono. Awiyo, nuu a'mwo su to kwolluno kuudo maiyonyugono. Mino toro dubinekugono.”

Kuuguudo Sugudo akav Makolluro sakwollokakwono Mak 13:35

Womdokwe su tooro ago tovi jukwo tool adoga bai'mowonoldukoneyokwe tovino kuudomaiyorogano. Toro to'busuko kubalno moro aikomgu bumo tovino kevu kuudo miyau'mwakovo. Sulato toga'nonyudukono oo akuusuduko toga'nonyudukono oo kuukuuro muudu'no dodowo'jure toga'nonyudukono? Toro tovino kevu kuudomaiyorekikono. Toro toorekul wako neya dou'nomwalogaulo.

Kuuguudo Sugudo akav Makolluro sakwollokakwono Mak 14:29

Jisasol toro wuujuno sumaiyokwe Pital kuudokaikono. “Yiuwi'nokai tooro buulo agugunyumopipi kuvi kuruv nuu toonyuno'gwowi ku'nono magugunyumopimonyugono.” Kuudokaikono.

Kuuguudo Sugudo akav Makolluro sakwollokakwono Mak 14:31

Toro kuudoka tovi Pital guureji kuudokaikono. “Yiuwi'nokai toonallu romiyonakubweyo'mo supi kuga kuruv aro madumonyugono. Awiyo, nuu a'mwo su toolluno kuudo maiyonyugono.” Pital toro wuujuno sumaiyokwe yiuwi'nokai Jisasolluro uumjunyokwe pworo aval'no toro kuudoporogano.

Luuk 22:34

Toro kuudoka toollu Jisasol aro kuudokaikono. “Pitaloo, nuu gudumo'mokwono. Iruko akallugwoji kuukuuro kwolo pwol deko yere madodowo'jure toga guu tooku mino tov pugasalpuga aro dubinekugono. “Awiyo, nuu a'mwo su toolluno kuudo maiyonyugono.” Mino toro dubinekugono.” Kuudokaikono.

Joon 13:38

Toro kuudoka toollu Jisasol aro kuudokaikono. “Guu moro aiko toru ma'do'bure tookuji aromiyagubwepureyokwe nokwo wonyapino to'no ibinekudukono? Awiyo. Nuu nebal'no kuunodo aro gudumo'mokwono. Iruko akallugwoji guu mino tov pugasalpuga aro dubinekugono. Awiyo, nuu a'mwo su toolluno kuudo maiyonyugono. Gumoro yogalo su tov kuukuuro kwolo pwol deko yere madodowo'jure toga guu pugasalpuga dubinekugono.” Kuudokaikono.

Joon 18:17

Toro mollubworomokaulno sumaiyokwe noullo tovida'ai duuwato womdokwe sujuraiyo su tov Pitallu aro kuudokakwono. “Guu kweku kuruv Jisasolluro uumjunyokwe pwekudukono?” Toro kuudoka tovi Pital soukuu'nuudokaikono. “Awiyo, nuu a'mwo su toolluro uumjunyokwe pwonyumaiyo.” Soukuu'nuudokaikono.

1 Koorin 10:12

Toro te pweku pu'guu aro kuudo sau'bi tov, Oo nuvu jurogudo me'no da'mdumdo tovino tov kisuvolo ku'nono mimonyugono. Su toro kuudo sau'bi tov nobwolorabiyokwe wako neya dou'nogawono.