Kuuguudo Sugudo akav Makolluro sakwollokakwono Mak 13:34 - Gooti Toolluro Yogalokwono

³⁴ Nuu plavo'mi aikomgu abumi tov aro to'busukokwono. A'mwo pwol manyu tomuu woromollo'mo tool gamoro ago tovi mollomwalpino'moneyokwe go'no go'no womdo ton gami womdokwe toorai wiyonekono. Yowo'ji noulloruda'ai duuwato womdokwe pwollu wuudonekono. Guu po'dogalo doduuwarogawono. Toro wuudowo'ji toga plawonekono.

Kuuguudo Sugudo akav Makolluro sakwollokakwono Mak 13:34 ပူးပေါင်းရင်းမြစ်များ

Matyuu 16:19

Aki nuvu muunyu kai'muuda'ai aguto kig mido mollomwalo tovuro ki ton gumi nogujamonyugono. Toro te guu jurogudo su tokwe kwako akavi mwalo'bi a'mwo abolo ma'no ma'no yodopure tonyuno yogalo adomdukuurosubi tov Gooti tool gamoro ago muunyu kai'muu kuruv aval'no domdukuurosonekono. Aki guu kwako akavi mwalo'bi a'mwo abolo ma'no ma'no yodopure tonyu surolowapibi to'gwowi Gooti tool gamoro ago muunyu kai'muu kuruv aval'no nyurolowapiyonekono.” Jisasol toro kuudokaikono.

Joon 10:3

Aki a'mwo pwol sipsip kuurupto tovuro noullo tovi mollomwalodowodekono. Toro te a'mwo noullo tovi mollomwalokwe su tool a'mwo duuwatokwe toollo'mo kudo'aiko tovi kuusubweyodowodekono. Toro te a'mwo sipsip duuwatokwe tool noullo su tovi'aro kuulawo'ji kuurupto toruda'ai gami sipsip toorai deko kuuloduuwopiyodawodekono. Toro kuuloduuwopiyodowo'jure tovi sipsip tooro gamoro yogaimaguurai tovino me'no iworovomaropi kwollomno bodupudorogano. Aki duuwatokwe tool sipsip go'no go'nodo tooravuro yovo tonyu domarowo'ji sipsip kuurupto tovida'ai bomogaibworomokalokwodowodekono.

Room 13:6

Aki kavlo su tovalluno tov kevu takis nuugwiyo neya uubimwalpinogaikikono. Gavman mido mollomwalokwe su toorai Gooti toolluro molludapiyoduke tovida'ai womdo momjumovla'mdupudorogano. Toro tovino tov kevu takis nuugwiyo nokwo uubimwalpinogaikikono.

1 Koorin 15:58

Toro tovino tov miyobuuravoo, Gooti toollu guureji neya dogudupolarogaulo. Aki toro togaikullu buro'nyo buro'nyorodeyo pworo nyoguluptovekwapimwalpiyo. Toro kubuurekul kuruv kevu aro kuudo nyau'mwakovo. Aguto toolluro womdo tovi wiyodupudo tov yasuwa'no mavlawonokwono. Toro tovino tov yiuwi'nokai toga kevu Aguto toolluro womdo tovi guureji neya domomjumovlavogaulo.

Kooloosi 3:24

Kevu Krais toolluro womdo yodupudo togaikul aro tovino kuudo nyau'mwakovo. Aguto tool gamoro kwoloraiyo tobuurekullu ikullabiyo'moneyokwe me'no sovrowosungiko tollovo mubiyo to'busuko kuvinono nekullabwonekono. Aki kevu womdo wiyodupudo togaikulluro mido mollomwalokwe kuunodo su tool Krais tool kwekono.

Kooloosi 4:1

A'mwo mido mollomwalokwe toorekul kemi a'mwo abolo ki'nato womdokwe tobuurai ilaiyo igolopi po'dogalo neya domollomwalogaulo. Kevu aro tovino kuudo nyallulo'gwonmwalpiyo. A'mwo mido mollomwalokwe kworekul kuruv kemi mido mollekumwalokwe pwol kurukwerekikono. Su tool Gooti toolluro ago muunyu kai'muu mwalodowodekono. Toro toolluno kuudo miyallulo'gwonopi kemi ki'nato womdokwe tobuurai ilaiyo neya jugologaulo.

Adodolukuu'nosungiko 3:7

“Aki guu pas akavi wagwolago Filadelfiyada'ai Jisasolluro mollu'bwoto tovuro ensel moduvomwallokwe toollu aro jokwollapiyono. Nuu yiuno sugudo to'no yodumdonyugono. Aki nebal'no yogalo to'no dodumdonyugono. Toro toonyu aiyoga a'mwo aguto kig Devitol gamoro mido mollomwalo tomuu kuulomwallo'moneyokwe ki tovi amworallajuko to'busuko kubalno nuu aguto kig toonyuro mido mollomwalo tomuu kuulomwallo'moneyokwe ki tovi mwora'dumdonyugono. Toro toonyu kudo'aiko ausosumi tovi a'mwo pwolnodo kwol kuruv ku'nono mamallukuronekono. Aki toro toonyu kudo'aiko me'no amollukurosumi su tovi a'mwo pwolnodo kwol kuruv ku'nono mausonekono.