A'mwo pwol gami ganumiyagoldeyo oo ganeyago'mdeyo tonyuno kalo buuropino guureji winowo'ji kwol kuruv mino kalo buuropino guureji mwino'ji to'gwowi a'mwo su tekwo mi numjunyo'moneyokwe tov ku'nonodo'mekwomaiyo. Aki a'mwo pwol gami kwolaiyoldeyo oo taiyo'mdeyo tonyuno kalo buuropino guureji winowo'ji kwol kuruv mino kalo buuropino guureji mwino'ji to'gwowi a'mwo su tekwo mi numjunyo'moneyokwe tov ku'nonodo'mekwomaiyo.
Kuuguudo Sugudo akav Makolluro sakwollokakwono Mak 12:29 - Gooti Toolluro Yogalokwono29 Toro kuudoka toollu Jisasol kuudokaikono. “Loowo puruv yiuwi'nokai loowo punyu kuuwolo'mwalluko tov arokwono. Isuraiyoloravoo, duu'nyulo. Nemi Gooti Aguto kuunodo tool yiuno pwolnodekono. အခန်းကိုကြည့်ပါ။ |
Kuuguudo Sugudo akav Makolluro sakwollokakwono Mak 12:29
16 ပူးပေါင်းရင်းမြစ်များ
Toro kuudoka tovi a'mwo su tool aro kuudokaikono. “Gumi Gooti Aguto toolluno kalo buuropino neya domollono. Gumoro yiuwi'nokai poowokalago tokwe'aro gumoro yiuwi'nokai sumwoluko tokwe'aro gumoro yiuwi'nokai kuudo tokwe'aro gumoro yiuwi'nokai jurogudo tokwe'aro togai kwolluno kalo buuropino neya domollono. Aki guvu yiuwi'nokai a'mwo abolo pwolno puru'mono kuuru'ma'bi su tonyuno kalo buuropino neya domollono. Guvnokwekujuno gujunodowodo to'busuko kubalno a'mwo abolo su tonyu aval'no neya domollono.” Kuudokaikono.
Toro tovino tov a'mwo tooro kemi lakulkulako ton ado'nupiyorodeyo oo mado'nupiyorodeyo kworo kuruv yiuno Jisasolluno kuudo kuubwepi toorono'gwowi Gooti toolluro sumdo tovi sugudo nokwo wimo'nupinorogano. Gooti pwolnodo tool su toro toorai puuto judo'no judo'nodo tomgu'aro mamolloma'dowodekono. Toro kwol kuruv yiuno aval'nodo tomgu'aro mollomarowo'ji gamoro sumdo tovi sugudo wimo'nodopudorogano.
Toro te kuunano gooti pworai ilomoropiyo'moneyokwe ibesa'aiyo aromiroudapingiko su tonyu nodupudo tovino aro ikudumo'mokwono. Nevu kuudokwe tonol aro me'no youroma'dowadonogano. Oo kuunano gooti su tooro kuunodoromaiyo. Gooti kuunodo toolno'gwowi bwotonyagolmaiyo. Yiuno pwolnodekono. Nevu su toro kuudo me'no youroma'dowado tonol kuunano gooti toorai ilomoropiyo'moneyokwe ibesa'aiyo aromiroudapingiko su tonyu ana'ji tov ma'no ma'nodo'maiyo.
Guu a'mwo kuunano ibwasodopure toorai duumjukullo'moneyokwe aro neya jodubwasogawono. Yiuwi'nokai Jisasolluro a'mwo abolo ton a'mwo abolo pubuuraino kalo buuropino neya winogapuro. Kalo buuropino winyo'moneyokwe pasudo su tov puruvapuruv tonyuda'ai lokabodowodokwono. Muudu'nodo tov kemoro poowokalago me'no sal'mo'nyungiko tovida'ai lokabodowodokwono. Aki puruv kemi poowokalago tovida'ai kuudo sugudo me'no kuuluuwo'dowodo tovi kuvinono uumjunodowo'jure tovida'ai lokabodowodokwono. Aki puruv Gooti toolluno kuudo kuvinono uubweyodopure tovida'ai lokabodowodokwono.
Toro te guu pweku, Gooti tool yiuno pwolnodekono, kuudo uubweyodumdekugono. Gumoro su toro kuudo uubweyodumdo tovino, “Tarevono,” to'no agudumono. Neya duu'nyulo. Kuullo ma'no ma'nodo kworo kuruv kuudo aval'nodo su tovi uubweyodupudorogano. Aki kuudo uubweyodupudo su tooro luko bu'buto morumoukuropiyodupudorogano.
Gooti pwolnodo su tool nemi Aguto Jisas Kraisolluro womdo sopiyoka tovi'aro ma'no ma'nodo tovuro kirumwallo tovida'ai me'no abomollurolovonekumokalokwokaikono. Toro toolluno yovo tovi neya ilomoropimwolowanekono. Gooti su tool Aguto kig kuunodo imo'nodowodekono. Toro tool jurogudo bwotonyokwekono. Aki toro tool yiuwi'nokai tonyu mido momjomwekovlaiyokwekono. Gooti su tool aiyoga sumdomgu me'no amwallajukekono. Aki aga kuga kuruv kuuno mujomwekovla'mdowodekono. Aki lukomgu kuga kuruv yiunokuudo tono mujomwekovla'mwalonekono. Nebal'nodokwono.
ကြော်ငြာတွေ